આ બાઇકના વેચાણમાં 902%નો વધારો, કંપનીએ લોન્ચ કર્યું એક નવું વેરિઅન્ટ, જાણો

New Bike Launch: સુઝુકી મોટરસાઈકલ ઈન્ડિયાએ ભારતીય બજારમાં તેની એડવેન્ચર બાઈક વી સ્ટોર્મનું નવું વેરિઅન્ટ લોન્ચ કર્યું છે, કંપનીએ સુઝુકી વી સ્ટોર્મ એસએક્સ (Suzuki V-Storm SX)નું નવું કલર વેરીયન્ટ લોન્ચ કર્યું છે, નવી બાઈક ગ્લાસ સ્પાર્કલ બ્લેક + મેટેલિક મેટ ફ્રાઈબ્રોઈન ગ્રે કલર ઓપ્શનમાં આવે છે, તેની સાથે આ બાઈક હવે 5 ઓપ્શનમાં પણ મળવા જઈ રહી છે.

બાઈકમાં ખાસ કંપનીએ ગ્રાફિક્સને પણ રિવાઈજ કર્યા છે, નવા ફિનિશ એડવેન્ચર બાઈકમાં હાલના કલર પણ જોવા મળી શકે છે, સુઝુકીની વી સ્ટોમ એસએક્સ 2,02,118 રૂપિયા એક્સ શોરૂમમાં મળી શકે છે, ચાલો જાણીએ તેની ખાસ વાતો

902 ટકાની ગ્રોથ

સુઝુકીની વી સ્ટોર્મની સેલમાં ઓગસ્ટમાં જોરદાર વધારો થયો છે, ઓગસ્ટમાં કંપનીની આ બાઈકના 1012 યુનિટ વેચ્યા છે, જે ગયા વર્ષે ઓગસ્ટમાં 101 યુનિટ વેચી હતી. એટલે કે બાઈકના સેલમાં લગભગ 902 ટકા ગ્રોથ થઈ છે, કંપનીએ ગયા વર્ષ કરતા 911 વી સ્ટોર્મ વધારે વેચી છે.

જ્યારે 205 સીસીથી 340 સીસી એન્જીનના સેગમેંટના વેચાણમાં સૌથી વધારે વેચાનારી બાઈક્સમાં વીસ્ટોમ 6ઠા નંબર પર આવે છે, તેનું માર્કેટ શેર 3.42 ટકા છે, આ કેટેગરીમાં ટીવીએસ રોનિન સૌથી વધારે વેચાનારી બાઈક છે.

સુઝુકીમાં વી સ્ટોર્મમાં શું મળે છે ?

બાઇકમાં કોઈ ટેકનિકલ ફેરફાર કરવામાં આવ્યા નથી. સુઝુકી વી-સ્ટોર્મ એસએક્સમાં સમાન 249 સીસી, ઓઇલ-કૂલ્ડ, સિંગલ-સિલિન્ડર એન્જિન છે જે 26.5 એચપી અને 22.2 એનએમ ટોર્ક ઉત્પન્ન કરે છે. મોટરસાઇકલ 6-સ્પીડ ગિયરબોક્સ સાથે જોડાયેલ છે.

વી-સ્ટોર્મ એસએક્સમાં 19-ઇંચ ફ્રન્ટ અને 17-ઇંચ રીઅર વ્હીલ્સ છે. તેનું ગ્રાઉન્ડ ક્લિયરન્સ 205 મીમી છે. ડ્યુઅલ-ચેનલ એબીએસ સ્ટાન્ડર્ડ છે. વધુમાં, બાઇકમાં એલઇડી લાઇટિંગ, સુઝુકી ઇઝી સ્ટાર્ટ સિસ્ટમ અને બ્લૂટૂથ-સક્ષમ ડિજિટલ ઇન્સ્ટ્રુમેન્ટ ક્લસ્ટર હશે.

તેની ડિઝાઇન, સુવિધાઓ અથવા કિંમતમાં કોઈ ફેરફાર કરવામાં આવ્યા નથી. આ કિંમતે, બાઇક હીરો એક્સપલ્સ 210 અને ટીવીએસ અપાચે આરટીએક્સ 300 સાથે સીધી સ્પર્ધા કરશે. હોન્ડાએ આ સેગમેન્ટમાં XR 300 L અને XR 300 રેલી પણ લોન્ચ કરી છે, જે બંને ઓફ-રોડ ક્ષમતાઓ સાથે આવે છે.