ODI ટીમના એલાન પર બ્રેક! ન્યૂઝીલેન્ડ પ્રવાસ પહેલાં વધ્યું સસ્પેન્સ, શેની રાહ જોઈ રહ્યું છે BCCI?

India ODI Squad : ન્યુઝીલેન્ડ સામેની ટીમ ઈન્ડિયાની આગામી વન-ડે શ્રેણી માટે પસંદગીકારોએ તૈયારીઓ તેજ કરી દીધી છે. પાંચ મેચની આ વન-ડે શ્રેણી અને ત્યારબાદની ટેસ્ટ શ્રેણી માટેની ટીમની જાહેરાત આવતા અઠવાડિયે થવાની શક્યતા છે. એક મહત્વપૂર્ણ માહિતી એ છે કે પસંદગીકારો નવા ખેલાડીઓને તક આપવાનું વિચારી રહ્યા છે અને છેલ્લી બે વન-ડે મેચો માટે અલગ ટીમ તૈયાર રાખવાનું પણ વિચારી રહ્યા છે.

ODI ટીમની જાહેરાતમાં વિલંબ કેમ?

ભારત અને ન્યુઝીલેન્ડ વચ્ચેની પાંચ મેચની વન-ડે શ્રેણીની પ્રથમ મેચ 4 નવેમ્બર, 2026ના રોજ ઓકલેન્ડમાં રમાનાર છે. વન-ડે ટીમની પસંદગી માટે પસંદગીકારો ભારત A અને ઓસ્ટ્રેલિયા A વચ્ચે ચાલી રહેલી બિનસત્તાવાર વન-ડે શ્રેણીમાં સારું પ્રદર્શન કરી રહેલા ખેલાડીઓ પર પણ નજર રાખી રહ્યા છે. 'ટાઇમ્સ ઓફ ઇન્ડિયા'ના અહેવાલ મુજબ, પસંદગીકારો ભારત Aના અમુક ખેલાડીઓના પ્રદર્શનનું ઝીણવટભર્યું મૂલ્યાંકન કરવા માંગે છે. તેનું કારણ એ છે કે ટેસ્ટ ટીમના નિયમિત સભ્યો ટેસ્ટ શ્રેણીની તૈયારી માટે વહેલા રવાના થઈ શકે છે.

પરિણામે, છેલ્લી બે વન-ડે મેચો માટે બેકઅપ ખેલાડીઓનું એક મજબૂત ગ્રુપ તૈયાર રાખવામાં આવી શકે છે. ઓસ્ટ્રેલિયા A સામેની વર્તમાન શ્રેણીએ પસંદગીકારોને વન-ડે ટીમ માટેના દાવેદારોને પરખવાની મૂલ્યવાન તક આપી છે. એવું માનવામાં આવે છે કે આ ગ્રુપના કેટલાક ખેલાડીઓને ન્યુઝીલેન્ડ શ્રેણીની છેલ્લી બે મેચો માટે ભારતીય વન-ડે ટીમમાં સામેલ કરવામાં આવી શકે છે.

ન્યુઝીલેન્ડ પ્રવાસ પહેલાં ભારે ઉત્સુકતા અને અનિશ્ચિતતા

ચાર દિવસીય મેચોમાં શાનદાર પ્રદર્શન કર્યા બાદ ભારત A ટીમને 50 ઓવરની પ્રથમ મેચમાં 125 રનથી હારનો સામનો કરવો પડ્યો હતો. 275 રનના ટાર્ગેટનો પીછો કરતી વખતે ભારતીય ટીમ માત્ર 149 રનમાં ઓલઆઉટ થઈ ગઈ હતી. ઓસ્ટ્રેલિયા Aના 21 વર્ષીય ફાસ્ટ બોલર માહલી બિયર્ડમેને 23 રનમાં 4 વિકેટ ઝડપીને પ્રભાવશાળી સ્પેલ ફેંક્યો અને ભારત Aના બેટ્સમેનોને ભારે મુશ્કેલીમાં મૂકી દીધા. સાઈ સુદર્શન, દેવદત્ત પડિક્કલ, પ્રભસિમરન સિંહ અને સૂર્યાંશ શેડગે જેવા બેટ્સમેનો માહલી બિયર્ડમેનની બોલિંગ સામે લાંબો સમય ટકી શક્યા નહીં.

માહલી બિયર્ડમેન લગભગ સાત મહિનાના વિરામ બાદ સ્પર્ધાત્મક ક્રિકેટમાં પરત ફર્યો છે. તે કમરના હાડકામાં સ્ટ્રેસ ફ્રેક્ચરને કારણે મેદાનથી દૂર હતો. ઈન્ડિયા A માટે માત્ર રજત પાટીદારે જ ઓસ્ટ્રેલિયન બોલરો સામે સંઘર્ષપૂર્ણ રમત બતાવી હતી. તેણે 53 રનની ઇનિંગ્સ રમી, પરંતુ અન્ય બેટ્સમેનો તેને યોગ્ય સાથ આપવામાં નિષ્ફળ રહ્યા. પરિણામે, 275 રનના ટાર્ગેટનો પીછો કરતી વખતે ઈન્ડિયા Aની સમગ્ર ટીમ 149 રનમાં ઓલઆઉટ થઈ ગઈ હતી.

તો, હવે શેની રાહ જોઈ રહ્યું છે BCCI?

BCCIની પસંદગી સમિતિએ ન્યુઝીલેન્ડ પ્રવાસ માટે T20 ટીમની જાહેરાત કરી છે. શ્રેયસ અય્યર ટીમનું નેતૃત્વ કરશે. આ ટીમમાં હાલમાં વેસ્ટ ઈન્ડિઝ સામે રમી રહેલી ટીમમાંથી મોટાભાગના ખેલાડીઓનો સમાવેશ કરવામાં આવ્યો છે. એક મોટો ફેરફાર ભુવનેશ્વર કુમારનો સમાવેશ કરવામાં આવ્યો છે, જે નવેમ્બર 2022માં ભારત માટે આ ફોર્મેટમાં છેલ્લે રમ્યો હતો, ત્યારે હવે તે ફરીથી T20 ટીમમાં પરત ફરી રહ્યો છે.

પસંદગીકારોએ ઈન્ડિયા A ટીમની પણ જાહેરાત કરી છે, જે ન્યુઝીલેન્ડ A સામે ત્રણ મલ્ટી-ડે મેચો રમશે. જોકે, ઈન્ડિયા Aની ટીમમાં ફેરફારો જોવા મળશે કારણ કે ખેલાડીઓને રોટેશન પદ્ધતિથી રમાડવામાં આવશે જેથી તેઓ ટેસ્ટ શ્રેણી માટે તૈયાર રહે. વર્લ્ડ ટેસ્ટ ચેમ્પિયનશિપની ફાઇનલમાં ક્વોલિફાય થવાની ભારતની સંભાવનાઓ માટે આ ટેસ્ટ શ્રેણી ખૂબ મહત્વપૂર્ણ રહેશે.