રોહિત શર્માએ રચ્યો ઈતિહાસ, બીજી વનડેમાં બે સિક્સર ફટકારીને શાહિદ આફ્રિદીનો તોડ્યો રેકોર્ડ

Rohit Sharma Record : ભારતીય દિગ્ગજ ખેલાડી રોહિત શર્માએ ન્યૂઝીલેન્ડ સામેની બીજી વનડે મેચ દરમિયાન વધુ એક મોટો રેકોર્ડ બનાવ્યો છે. આ મેચમાં તેણે 23 રનની ઇનિંગ રમી, જેમાં બે શાનદાર સિક્સનો સમાવેશ થતો હતો. આ સાથે તે વનડે ક્રિકેટમાં ન્યૂઝીલેન્ડ સામે સૌથી વધુ સિક્સ ફટકારનાર બેટ્સમેન બની ગયો છે. તેણે પાકિસ્તાનના પૂર્વ ક્રિકેટર શાહિદ આફ્રિદીનો રેકોર્ડ તોડ્યો છે, જેણે પોતાની કારકિર્દી દરમિયાન ન્યૂઝીલેન્ડ સામે 50 સિક્સ ફટકારી હતી.

મોહમ્મદ શમી બાદ આ 3 ફાસ્ટ બોલરો પણ લઈ શકે છે નિવૃત્તિ, લિસ્ટમાં સ્ટાર ખેલાડીનું નામ પણ સામેલ

રોહિતે ન્યૂઝીલેન્ડ સામે 51 સિક્સ ફટકારી

ન્યૂઝીલેન્ડ સામેની વનડે મેચમાં બે સિક્સ ફટકારીને ભારતીય કેપ્ટન રોહિત શર્માએ પાકિસ્તાનના પૂર્વ ખેલાડી શાહિદ આફ્રિદીના એક મોટા રેકોર્ડને તોડી નાખ્યો છે. અગાઉ વનડેમાં ન્યૂઝીલેન્ડ સામે સૌથી વધુ સિક્સ ફટકારવાનો રેકોર્ડ આફ્રિદીના નામે હતો. વેલિંગ્ટન વનડે પહેલાં રોહિતના નામે ન્યૂઝીલેન્ડ સામે 49 સિક્સ હતી. આ બે નવી સિક્સ સાથે તેની કુલ સંખ્યા 51 થઈ ગઈ છે અને તે આ યાદીમાં ટોચ પર પહોંચી ગયો છે. આ યાદીમાં ક્રિસ ગેલ 45 સિક્સ સાથે ત્રીજા સ્થાને છે.

વનડેમાં કોઈ એક ટીમ સામે સૌથી વધુ સિક્સર ફટકારનારા બેટ્સમેન

93 - રોહિત શર્મા vs ઓસ્ટ્રેલિયા
85 - ક્રિસ ગેઈલ vs ઈંગ્લેન્ડ
63 - શાહિદ આફ્રિદી vs શ્રીલંકા
58 - રોહિત શર્મા vs શ્રીલંકા
53 - સનથ જયસૂર્યા vs પાકિસ્તાન
51 - શાહિદ આફ્રિદી vs ભારત
51 - રોહિત શર્મા vs ન્યુઝીલેન્ડ
50 - શાહિદ આફ્રિદી vs ન્યુઝીલેન્ડ

રોહિત શર્માએ એક મોટા રેકોર્ડની કરી બરાબરી

આ મેચમાં રોહિત શર્માએ એક વિશ્વ રેકોર્ડની પણ બરાબરી કરી છે. તે વનડે ક્રિકેટના ઇતિહાસમાં બીજો એવો બેટ્સમેન બન્યો છે, જેણે ત્રણ અલગ-અલગ ટીમો સામે 50 કે તેથી વધુ સિક્સ ફટકારી હોય. આ પહેલાં પાકિસ્તાનના પૂર્વ કેપ્ટન શાહિદ આફ્રિદીના નામે આ રેકોર્ડ હતો. હવે સંયુક્ત રીતે આ બંનેના નામે આ રેકોર્ડ છે. ન્યૂઝીલેન્ડ સામે વનડેમાં રોહિતની કુલ સિક્સની સંખ્યા હવે 51 થઈ ગઈ છે. આ સાથે ન્યૂઝીલેન્ડ ત્રીજી એવી ટીમ બની ગઈ છે, જેની સામે રોહિતે 50 સિક્સનો આંકડો પાર કર્યો છે.