ભારત સામેની ODI સિરીઝમાં ન્યૂઝીલેન્ડને મોટો ઝટકો: બે મોટા ખેલાડી ઈજાને કારણે બહાર

ભારત વિરુદ્ધ વનડે સિરીઝમાં ન્યૂઝીલેન્ડને મોટો ઝટકો લાગ્યો છે. બે સ્ટાર ખેલાડી ઈજાને કારણે બહાર થઈ ગયા છે. ફાસ્ટ બોલર લોકી ફર્ગ્યુસન ઈજાને કારણે અંતિમ બે વનડે મેચમાંથી બહાર થયો છે, જ્યારે બ્લેયર ટિકનર વેલિંગટન વનડેમાં હેલમેટ પર ઈજા થયા બાદ સાત દિવસ માટે બહાર રહેશે. બોલિંગ ઓલરાઉન્ડર ક્રિસ્ટિયન ક્લાર્કને ત્રીજી વનડે પહેલા ટીમમાં સામેલ કરવામાં આવ્યો છે. જ્યારે મેટ હેનરી ચોથી વનડેમાં વાપસી કરી શકે છે.

ન્યૂઝીલેન્ડ ક્રિકેટ બોર્ડે કરી જાહેરાત

ન્યૂઝીલેન્ડ ક્રિકેટે સોમવારે જણાવ્યું કે ફર્ગ્યુસન ટી20 સિરીઝ દરમિયાન થયેલી ઈજામાંથી સાજો થઈ શક્યો નથી. આ વચ્ચે ટિકનર સાવચેતીના ભાગરૂપે આગામી એક સપ્તાહ સુધી બહાર રહેશે. બોલિંગ ઓલરાઉન્ડર ક્રિસ્ટિયન ક્લાર્કને હેમિલ્ટનમાં ત્રીજી વનડે પહેલા ટિકનરના કવર તરીકે બોલાવવામાં આવ્યો છે. તે અંતિમ બે વનડે મેચ માટે ટીમમાં સામેલ હતો, પરંતુ હવે તે પહેલા ટીમ સાથે જોડાશે. ફાસ્ટ બોલર મેટ હેનરીને ચોથી વનડે માટે ટીમમાં સામેલ કરવાની સલાહ આપવામાં આવી છે.

હેનરી અને કાઇલ જેમિસન પહેલા ત્રીજી વનડે બાદ વેલિંગટનમાં ટેસ્ટ ટેમ્પમાં સામેલ થવાના હતા, પરંતુ હવે તે ચોથી વનડે માટે ટીમ સાથે રહેશે. ન્યૂઝીલેન્ડ ક્રિકેટે તે પણ કન્ફર્મ કર્યું કે અંતિમ બે મેચ માટે ટીમમાં બે અન્ય ખેલાડીને સામેલ કરવામાં આવશે. ન્યૂઝીલેન્ડના પાંચ ખેલાડી ટોમ લાથમ, ડેરિલ મિચેલ, હેનરી નિકોલ્સ, ગ્લેન ફિલિપ્સ અને નાથન સ્મિથ ત્રીજી વનડેના એક દિવસ બાદ બુધવારે ટેસ્ટ સિરીઝની તૈયારીઓ માટે વેલિંગટન જશે.

આ પણ વાંચોઃ એશિયા કપ માટે ભારતીય ટીમમાં મોટો ફેરફાર... રજત પાટીદાર બહાર, આ ધુરંધરની એન્ટ્રી

મહત્વનું છે કે ન્યૂઝીલેન્ડની ટીમ પાંચ મેચની વનડે સિરીઝમાં 0-2થી પાછળ છે અને તેના ખેલાડીઓનો ઈજાનો સિલસિલો યથાવત છે. યજમાન ટીમ ઈજાને કારણે પરેશાન છે, જેમાં કન્કશનને કારણે કોનવે પણ બહાર થઈ ગયો હતો. રચિન રવીન્દ્ર અને માર્ક ચેપમેન પણ ઈજાને કારણે વનડે સિરીઝ માટે ઉપલબ્ધ નથી. નોંધનીય છે કે ટી20 સિરીઝમાં પણ ન્યૂઝીલેન્ડે 3-2થી હારનો સામનો કરવો પડ્યો હતો. તેવામાં હવે કીવી ટીમની નજર ત્રીજી વનડે પર છે.

ત્રીજી વનડે માટે ન્યૂઝીલેન્ડ ટીમ

મિચેલ સેન્ટનર, માઇકલ બ્રેસવેલ, ક્રિસ્યિયન ક્લાર્ક, જેકબ ડફી, મેટ ફિશર, કાઇલ જેમિસન, નિક કેલી, ટોમ લાથમ, ડેરિલ મિચેલ, હેનરી નિકોલ્સ, ગ્લેન ફિલિપ્સ, ટિમ સેઇફર્ટ, નાથન સ્મિથ અને વિલ યંગ.

ચોથી વનડે માટે ન્યૂઝીલેન્ડની ટીમ

મિચેલ સેન્ટનર, ફિન એલન, માઇકલ બ્રેસવેલ, ક્રિસ્ટિયન ક્લાર્ક, જેકબ ડફી, મેટ ફિશર, ડીન ફોક્સક્રોફ્ટ, મિચેલ હે, મેટ હેનરી, કાઇલ જેમિસન, નિક કેલી, ટિમ સેઇફર્ટ, વિલ યંગ.