250 રનના ટારગેટને પણ બચાવવામાં ફેલ થઈ ટીમ ઈન્ડિયા, વેસ્ટ ઈન્ડિઝનો શાનદાર વિજય, હોપ અને રૂધરફોર્ડે કરી કમાલ

IND vs WI 2nd T20 Highlights: ભારત અને વેસ્ટ ઈન્ડિઝ વચ્ચેની T20I શ્રેણીની બીજી મેચ શુક્રવારે (9 ઓક્ટોબર) રાંચીના JSCA ઇન્ટરનેશનલ સ્ટેડિયમ કોમ્પ્લેક્સ ખાતે રમાઈ હતી. વેસ્ટ ઈન્ડિઝે 6 વિકેટે જીત મેળવી હતી. 250 રનનો ટારગેટ આપ્યો હતો, જે તેમણે 18.3 ઓવરમાં મેળવી લીધો હતો. કેપ્ટન શાઈ હોપે 45 બોલમાં અણનમ 102 રન બનાવ્યા હતા, જેમાં 9 છગ્ગા અને 6 ચોગ્ગાનો સમાવેશ થાય છે. શેરફેન રધરફોર્ડે પણ બેટિંગમાં ધમાકેદાર ઇનિંગ રમી હતી.

આ વેસ્ટ ઈન્ડિઝનો T20Iમાં સૌથી વધુ સફળ રન ચેઝ હતો. આ જીત સાથે, વેસ્ટ ઈન્ડિઝે પાંચ મેચની T20I શ્રેણી 1-1થી બરાબર કરી દીધી. સિરીઝની પહેલી મેચ લખનૌમાં રમાઈ હતી, જ્યાં ભારતીય ટીમે 8 વિકેટથી જીત મેળવી હતી.

પહેલી જ ઓવરમાં ફાસ્ટ બોલર મયંક યાદવે વિકેટ લીધી

રન ચેઝમાં વેસ્ટ ઈન્ડિઝની શરૂઆત સારી રહી ન હતી. પહેલી જ ઓવરમાં ફાસ્ટ બોલર મયંક યાદવે કામિલ પૂરન (4 રન) અને શિમરોન હેટમાયર (0 રન)ને આઉટ કર્યા હતા. ત્યારબાદ મયંકે વિસ્ફોટક બેટિંગ કરી રહેલા રોવમેન પોવેલને આઉટ કર્યા હતા. પોવેલના આઉટ થયા સમયે વેસ્ટ ઈન્ડિઝનો સ્કોર 58/3 હતો. ત્યાંથી, શેરફેન રૂથરફોર્ડ અને કેપ્ટન શાઈ હોપે ચોથી વિકેટ માટે 54 બોલમાં 120 રનની ભાગીદારી કરીને મેચનું પલળું ફેરવી દીધું હતું.

શેરફેન રૂથરફોર્ડે 37 બોલમાં 84 રનનું યોગદાન આપ્યું, જેમાં 7 છગ્ગા અને 7 ચોગ્ગાનો સમાવેશ થાય છે. કુલદીપ યાદવે રૂથરફોર્ડને આઉટ કરીને આ ભાગીદારી તોડી. ત્યાંથી, શાઈ હોપ અને રોમારિયો શેફર્ડ (34) એ અણનમ 74 રનની ભાગીદારી ઉમેરીને ભારતને કોઈ પણ તક આપી ન હતી.

ભારતનું બેટિંગ પ્રદર્શન:

ટોસ હારીને પ્રથમ બેટિંગ કરવાનો કર્યા પછી ભારતીય ટીમે 5 વિકેટે 249 રન બનાવ્યા. અભિષેક શર્મા અને સંજુ સેમસનએ ટીમને મજબૂત શરૂઆત આપી, પ્રથમ વિકેટ માટે 42 રન ઉમેર્યા. અભિષેક (20 રન) રોસ્ટન ચેઝના હાથે કેચ થયો. અહીંથી, ઈશાન કિશન અને સંજુ સેમસનએ બીજી વિકેટ માટે 97 રન ઉમેર્યા. આ ભાગીદારી દરમિયાન, સંજુએ માત્ર 21 બોલમાં પોતાની અડધી સદી પૂરી કરી. રોસ્ટન ચેઝે ઈશાનને 43 રનમાં આઉટ કર્યો હતો. ઈશાને 22 બોલની ઇનિંગમાં 6 ચોગ્ગા અને 2 છગ્ગા માર્યા હતા.

સંજુની વિકેટ શમાર સ્પ્રિંગરે લીધી

શિવમ દુબે (7 રન) નોંધપાત્ર અસર કરવામાં નિષ્ફળ ગયો અને રોસ્ટન ચેઝે તેને આઉટ કર્યો. ત્યારબાદ, વેસ્ટ ઈન્ડિઝને સંજુ સેમસનના રૂપમાં ચોથી વિકેટ મળી. સંજુએ 41 બોલમાં 82 રન બનાવ્યા, જેમાં નવ ચોગ્ગા અને ચાર છગ્ગાનો સમાવેશ થાય છે. સંજુની વિકેટ શમાર સ્પ્રિંગરે લીધી. ત્યારબાદ, શ્રેયસ ઐયર (18 બોલમાં 40 રન) અને તિલક વર્મા (18 બોલમાં અણનમ 44) એ પાંચમી વિકેટ માટે 83 રન ઉમેરીને ભારતને મોટા સ્કોર સુધી પહોંચવામાં મદદ કરી. વેસ્ટ ઈન્ડિઝ માટે, રોસ્ટન ચેઝે ત્રણ વિકેટ અને શમાર સ્પ્રિંગરે બે વિકેટ લીધી હતી.

ભારતીય ટીમે આ મેચ માટે તેના પ્લેઈંગ ઈલેવનમાં કોઈ ફેરફાર કર્યો નથી. ટીમ એ જ ઈલેવન સાથે ગઈ જેના કારણે લખનૌ મેચમાં વિજય થયો. આ દરમિયાન, વેસ્ટ ઈન્ડિઝે મેથ્યુ ફોર્ડની જગ્યાએ સ્પિનર ​​ગુડાકેશ મોતીને ટીમમાં સ્થાન આપ્યું હતું.