IND vs NZ T20: ટીમ ઈન્ડિયાને મોટો ઝટકો, સ્ટાર ખેલાડી ત્રીજી T20માંથી બહાર

IND vs NZ T20: ન્યૂઝીલેન્ડ સામેની શ્રેણીમાં સતત બે T20I મેચ જીતીને 2-0ની સરસાઈ મેળવનારી ટીમ ઈન્ડિયાને ત્રીજી T20 પહેલા મોટો ઝટકો લાગ્યો છે. વિકેટકીપર-બેટ્સમેન ઈશાન કિશન ઈજાના કારણે ત્રીજી T20 આંતરરાષ્ટ્રીય મેચ રમી શકશે નહીં. ભારતીય ક્રિકેટ કંટ્રોલ બોર્ડ (BCCI)એ સોમવારે આ અંગે પુષ્ટિ કરી હતી. ઈશાન કિશનને ન્યૂઝીલેન્ડ સામેની પ્રથમ T20 આંતરરાષ્ટ્રીય મેચ દરમિયાન ઈજા થઈ હતી.

'હું રિટાયર થવાનો છું...' રોહિત શર્માએ નિવૃત્તિ અંગેની અફવાઓ પર પહેલીવાર તોડ્યું મૌન

ઈશાન કિશનના જમણા સાથળના સ્નાયુમાં ખેંચાણના કારણે તે શ્રેણીની બીજી મેચમાં પણ રમી શક્યો નહોતો. તે હજુ સંપૂર્ણ રીતે સ્વસ્થ થયો ન હોવાથી, તેને ત્રીજી T20માંથી પણ બહાર રાખવામાં આવ્યો છે. BCCIએ જણાવ્યું છે કે તેની સ્થિતિમાં સુધારો થઈ રહ્યો છે, પરંતુ તે હજુ રમવા માટે સંપૂર્ણ ફિટ નથી.

ઈશાન કિશન ત્રીજી T20માંથી બહાર

BCCIએ એક નિવેદનમાં જણાવ્યું છે કે, ઈશાન કિશન ન્યૂઝીલેન્ડ સામેની પ્રથમ T20 દરમિયાન થયેલી ઈજામાંથી સ્વસ્થ થઈ રહ્યો છે. તે હજુ સંપૂર્ણ સ્વસ્થ થયો નથી, તેથી તેને 27 ઓક્ટોબર, 2026ના રોજ વેલિંગ્ટનમાં યોજાનારી ત્રીજી T20માંથી બહાર રાખવામાં આવ્યો છે. BCCI એ વધુમાં જણાવ્યું કે, BCCIની મેડિકલ ટીમ તેની સ્થિતિ પર નજર રાખી રહી છે. કુમાર કુશાગ્ર ત્રીજી T20 માટે ટીમ સાથે રહેશે.

BCCI આપ્યું અપડેટ

ઈશાન કિશનની ગેરહાજરીને કારણે બીજી T20માં યુવા બેટ્સમેન વૈભવ સૂર્યવંશીને પ્લેઈંગ ઈલેવનમાં તક આપવામાં આવી હતી. ઈજાગ્રસ્ત કિશનના વિકલ્પ તરીકે ભારતે વિકેટકીપર-બેટ્સમેન કુમાર કુશાગ્રને ટીમમાં સામેલ કર્યો હતો. BCCI એ પુષ્ટિ કરી છે કે કુમાર કુશાગ્ર ત્રીજી T20 માટે પણ ટીમ સાથે રહેશે.

ભારત અને ન્યૂઝીલેન્ડ વચ્ચેની પાંચ મેચોની T20 આંતરરાષ્ટ્રીય શ્રેણીની ત્રીજી મેચ 27 ઓક્ટોબર, 2026ના રોજ વેલિંગ્ટનમાં રમાશે. પ્રથમ બે મેચ જીતી લીધા બાદ, ભારતીય ટીમ હાલમાં શ્રેણીમાં 2-0થી આગળ છે. હવે, ટીમ ઈન્ડિયાનો ટાર્ગેટ ત્રીજી મેચ જીતીને શ્રેણીમાં અજેય સરસાઈ મેળવવાનો હશે જેને તોડવી પ્રતિસ્પર્ધી માટે અશક્ય બની જશે.