અભિષેક શર્માએ રેકોર્ડની લગાવી વણઝાર, ક્રિસ ગેલનો તોડ્યો રેકોર્ડ, તો કોહલીને પણ છોડ્યો પાછળ

Abhishek Sharma Records : જ્યારે ભારતીય ઓપનર અભિષેક શર્માનું બેટ ચાલે છે, ત્યારે માત્ર રન, ચોગ્ગા કે છગ્ગાનો વરસાદ જ નથી થતો, પરંતુ રેકોર્ડ્સનો પણ વરસાદ થાય છે. તેની સામે બોલરો સંપૂર્ણપણે લાચાર બની જાય છે. ન્યુઝીલેન્ડ સામેની પાંચ મેચોની T20 શ્રેણીની ત્રીજી મેચમાં અભિષેક શર્માએ આવું જ શાનદાર પ્રદર્શન કર્યું હતું. તેણે 11 છગ્ગા ફટકારીને વેસ્ટ ઈન્ડિઝના દિગ્ગજ ક્રિકેટર ક્રિસ ગેલ અને ઓસ્ટ્રેલિયાના પૂર્વ કેપ્ટન એરોન ફિન્ચના નામે રહેલા રેકોર્ડ્સ તોડ્યા છે.

અભિષેક શર્માની વિસ્ફોટક સદી, ત્રીજી ટી20 મેચમાં ભારતે ન્યૂઝીલેન્ડને 6 વિકેટે હરાવ્યું, સિરીઝમાં 3-0થી આગળ

અભિષેક શર્માએ ક્રિસ ગેલનો તોડ્યો રેકોર્ડ

અભિષેક શર્મા ફુલ મેમ્બર દેશોમાં એવો પ્રથમ ક્રિકેટર બન્યો છે, જેણે T20 આંતરરાષ્ટ્રીય ઇનિંગ્સમાં ત્રણ વખત 10 કે તેથી વધુ સિક્સ ફટકારી છે. આ મેચ પહેલા અભિષેક શર્મા ક્રિસ ગેલ અને એરોન ફિન્ચની બરાબરી પર હતા. આ બંને ખેલાડીઓએ પણ T20 આંતરરાષ્ટ્રીય ક્રિકેટમાં બે વાર આ સિદ્ધિ મેળવી હતી. જોકે, આ બાબતમાં એકંદરે વિશ્વ રેકોર્ડ ઓસ્ટ્રિયાના કરણબીર સિંહના નામે છે, જેણે T20 આંતરરાષ્ટ્રીય મેચમાં પાંચ વખત 10 કે તેથી વધુ સિક્સ ફટકારી છે.

T20 ઇનિંગ્સમાં 10 કે તેથી વધુ સિક્સ ફટકારનાર ખેલાડી

• 3 વખત – અભિષેક શર્મા (ભારત)
• 2 વખત – ક્રિસ ગેલ (વેસ્ટ ઈન્ડિઝ)
• 2 વખત – એરોન ફિન્ચ (ઓસ્ટ્રેલિયા)

વધુમાં અભિષેક શર્મા T20 આંતરરાષ્ટ્રીય ક્રિકેટમાં ત્રણ વખત આ સિદ્ધિ મેળવનાર પ્રથમ ભારતીય ખેલાડી બન્યો છે. સરખામણી કરીએ તો રોહિત શર્મા, સંજુ સેમસન, તિલક વર્મા અને ઈશાન કિશને પોતાની T20 કારકિર્દીમાં માત્ર એક જ વાર એક મેચમાં 10કે તેથી વધુ સિક્સ ફટકારી છે. અભિષેક શર્માએ આ વર્ષે જ આ સિદ્ધિ બે વાર હાંસલ કરી છે. દિલ્હીના અરુણ જેટલી સ્ટેડિયમમાં અફઘાનિસ્તાન સામે 11 સિક્સ અને ન્યુઝીલેન્ડના વેલિંગ્ટનમાં પણ 11 સિક્સ ફટકારી છે. આ ઉપરાંત, ગયા વર્ષે મુંબઈના વાનખેડે સ્ટેડિયમમાં રમાયેલી એક T20 મેચમાં તેણે 13 સિક્સ ફટકારી હતી.

આ મામલે કોહલીને પણ છોડ્યો પાછળ

અભિષેક શર્મા T20 ક્રિકેટમાં સૌથી વધુ સદી ફટકારનાર ભારતીય ખેલાડી બની ગયો છે. તેણે વિરાટ કોહલીનો રેકોર્ડ તોડી નાખ્યો છે. ક્રિકેટના આ સૌથી ટૂંકા ફોર્મેટમાં તેણે કુલ 11 સદી ફટકારી છે, જ્યારે કોહલીએ 10 સદી ફટકારી હતી. T20 ક્રિકેટમાં સૌથી વધુ સદી ફટકારનારા ખેલાડીઓની એકંદર યાદીમાં અભિષેક હાલમાં ત્રીજા સ્થાને છે. તેની આગળ માત્ર પાકિસ્તાનનો બાબર આઝમ (13 સદી) અને વેસ્ટ ઈન્ડિઝનો પૂર્વ ક્રિકેટર ક્રિસ ગેલ (22 સદી) છે. વિરાટ કોહલી, દક્ષિણ આફ્રિકાનો ક્વિન્ટન ડી કોક અને ઓસ્ટ્રેલિયાના ડેવિડ વોર્નર સંયુક્ત રીતે ચોથા સ્થાને છે.

આંતરરાષ્ટ્રીય ક્રિકેટમાં સૌથી વધુ સદી કોના નામે?

આ ઉપરાંત, પુરુષ T20 આંતરરાષ્ટ્રીય ક્રિકેટમાં સૌથી વધુ સદી ફટકારનારા ખેલાડીઓની યાદીમાં અભિષેક હવે સંયુક્ત રીતે બીજા સ્થાને આવી ગયો છે. તેની સાથે સૂર્યકુમાર યાદવ (ભારત), કરણબીર સિંહ (ઓસ્ટ્રિયા) અને ફિલ સોલ્ટ (ઈંગ્લેન્ડ) પણ ચાર-ચાર સદી સાથે આ યાદીમાં સામેલ છે, જ્યારે રોહિત શર્મા (ભારત) અને ગ્લેન મેક્સવેલ (ઓસ્ટ્રેલિયા)એ પાંચ-પાંચ સદી ફટકારી છે.