SOCIAL MEDIA

Newsletter

PARTNER SITES
Select Language Select State

3 દિવસ બાદ શુક્રનું ગોચર... આ 2 રાશિના જાતકોને રહેવું પડશે સાવધાન, થઈ શકે છે ધનહાનિ!

Shukra Gochar 2026: 22 નવેમ્બરના રોજ શુક્ર તુલા રાશિમાં પ્રવેશ કરશે. જ્યોતિષીઓના મતે, શુક્રનું આ રાશિ પરિવર્તન બે રાશિઓ માટે મુશ્કેલીઓ વધારી શકે છે. આ રાશિના જાતકોએ પોતાની કારકિર્દી, વ્યવસાય અને પારિવારિક જીવનમાં પડકારોનો સામનો કરવો પડી શકે છે.

Written By Dilip Chaudhary
Published: Nov 19, 2026, 19:28 IST | Updated: Nov 19, 2026, 19:30 IST
Join

Shukra Gochar 2026: 22 નવેમ્બરના રોજ સંપત્તિ, વૈભવ અને સમૃદ્ધિનો કારક ગ્રહ શુક્ર એક નવી રાશિમાં પ્રવેશ કરશે. આ દિવસે શુક્ર પોતાની જ રાશિ, તુલા રાશિમાં પ્રવેશ કરશે. વૃશ્ચિક અને મીન રાશિના જાતકો માટે આ ગોચર અનુકૂળ માનવામાં આવતું નથી.

સૂર્યની રાશિમાં મંગળ, નવા વર્ષની શરૂઆત આ 5 રાશિઓ માટે રહેશે શુભ, ચારેબાજુથી થશે ધનલાભ!

જ્યોતિષીય ગણતરીઓ મુજબ, વૃશ્ચિક રાશિ માટે શુક્ર 12મા ભાવમાં અને મીન રાશિ માટે 8મા ભાવમાં બિરાજમાન થશે. આ બંને ભાવ ખર્ચ, વિદેશી બાબતો, સ્વાસ્થ્ય અને અચાનક બનતી ઘટનાઓ સાથે સંબંધિત છે. તેથી જ્યોતિષીઓનું અનુમાન છે કે શુક્રનું તુલા રાશિમાં થતું આ ગોચર આ બે રાશિના જાતકો માટે મુશ્કેલીઓમાં વધારો કરી શકે છે.

વૃશ્ચિક રાશિ

વૃશ્ચિક રાશિના જાતકો માટે શુક્ર 12મા ભાવમાં પ્રવેશ કરશે. આ ભાવ વિદેશી બાબતો, ખર્ચ અને નુકસાન સાથે જોડાયેલો છે. પરિણામે તમારા ખર્ચમાં વધારો થઈ શકે છે. તેથી ખર્ચ પર નિયંત્રણ રાખવું હિતાવહ છે. વિચાર્યા વગર પૈસા ખર્ચવાથી આર્થિક તંગી સર્જાઈ શકે છે.

વધુમાં 12મા ભાવમાં શુક્રની હાજરી તમારા જીવનસાથી કે પાર્ટનરના સ્વાસ્થ્ય માટે શુભ માનવામાં આવતી નથી, તેથી તેમના સ્વાસ્થ્યનું વિશેષ ધ્યાન રાખો. જેઓ વ્યાપારિક ભાગીદારીમાં છે તેમણે પણ સાવચેત રહેવું જોઈએ, કારણ કે પરસ્પર મતભેદો કે વિવાદો ઊભા થઈ શકે છે. કોઈ સ્ત્રીને લઈને પણ વિવાદ થવાની શક્યતા છે, જેનાથી નુકસાન થઈ શકે છે.

મીન રાશિ

મીન રાશિના જાતકો માટે શુક્ર 8મા ભાવમાં પ્રવેશ કરશે. સામાન્ય રીતે આ ભાવમાં શુક્રનું સ્થાન શુભ માનવામાં આવતું નથી. આ ગોચરને કારણે નાના ભાઈ-બહેનો સાથે અચાનક વિવાદ થઈ શકે છે. વાતચીત કરતી વખતે સાવચેતી રાખવી અને બિનજરૂરી મતભેદો ટાળવાનો પ્રયાસ કરવો હિતાવહ છે. જૂના મિત્રો સાથે પણ વિવાદ થઈ શકે છે.

વેપારીઓ માટે આ સમયગાળા દરમિયાન કોઈ મહત્વપૂર્ણ સોદો હાથમાંથી નીકળી જવાનું જોખમ રહેલું છે. આ ઉપરાંત, તમારે તમારા સ્વાસ્થ્ય પ્રત્યે સતર્ક રહેવું જોઈએ અને આસપાસના વાતાવરણમાં સ્વચ્છતા જાળવવી જોઈએ. તેમજ વધુ પડતા મદ્યપાન અને તળેલા કે તેલયુક્ત ખોરાકનું સેવન કરવાનું ટાળો.

Disclaimer : અહીં અપાયેલી માહિતી જ્યોતિષ માન્યતાઓ, સામાન્ય માન્યતાઓ અને જાણકારીઓ પર આધારિત છે, ZEE 24 કલાક તેની પુષ્ટિ કરતું નથી.
 

Add Zee News as a Preferred Source
TAGS:

About the Author

2020માં Inshorts સાથે પત્રકારત્વ ક્ષેત્રે કારકિર્દીની શરૂઆત કરી. જ્યાં બે વર્ષથી વધુ સમય સુધી ગુજરાતી કન્ટેન્ટ સ્પેશિયાલિસ્ટ તરીકે કામ કર્યું. ત્યારબાદ Sandesh Digital સાથે જોડાયા, જ્યાં ગુજરાતના લોકલ સમાચાર ઉપરાંત નેશનલ અને સ્પોર્ટ્સ સહિતની વિવિધ કેટેગરીમાં કામ કર્યું. આ દરમિયાન ગુજરાત વિધાનસભા ચૂંટણી 2022 અને IPL જેવી મહત્વપૂર્ણ ઇવેન્ટ્સ કવર કરી. ત્યારબાદ TV9 Gujarati સાથે જોડાયા, જ્યાં ગુજરાતના લોકલ સમાચાર ઉપરાંત નોલેજ, બિઝનેસ, ઓટો સહિતની વિવિધ કેટેગરીમાં કામ કર્યું. આ ઉપરાંત પ્રીમિયમ કન્ટેન્ટ માટે પણ કામ કર્યું અને રિસર્ચ-બેઝ્ડ સ્ટોરી લખવાનો અનુભવ મેળવ્યો. હાલમાં Zee 24 Kalakમાં સિનિયર સબ-એડિટર તરીકે કાર્યરત છે અને સ્પોર્ટ્સ, બિઝનેસ, ગુજરાત, જોબ્સ, ઓટો અને ટેક સહિતની વિવિધ કેટેગરીનું કન્ટેન્ટ તૈયાર કરી સરળ ભાષામાં વાચક મિત્રો સુધી પહોંચાડી રહ્યા છે.
Read More

ZEENEWS TRENDING STORIES