Evil Eye Remedies: સુખ, સંબંધ કે સમૃદ્ધિને લાગી છે નજર ? તો શનિવારે કરો આ 5 માંથી કોઈ એક ઉપાય

Evil Eye Remedies: શું તમારી સાથે પણ એવું થયું છે કે સોશિયલ મીડિયા પર પતિ કે પત્ની સાથે સુંદર ફોટો શેર કર્યો હોય અને પછી કારણ વિના ઝઘડો થઈ જાય ? કે પછી સારા ચાલતા કામ વિશે ચર્ચા થયા પછી કામમાં અચાનક સમસ્યા આવવા લાગે ? આવું થવા પાછળ નજર જવાબદાર હોય શકે છે. નજર દોષ સુખ, શાંતિ, સંબંધ અને આર્થિક સ્થિતિ પર નકારાત્મક અસર કરી શકે છે. જો તમને પણ લાગતું હોય કે તમારા સંબંધોને કે પછી તમારા કામને કોઈની નજર લાગી છે તો નજર દોષ દુર કરવા શનિવારે આ 5 માંથી કોઈ 1 ઉપાય કરો.

જ્યોતિષ શાસ્ત્રમાં નજર દોષને નકારાત્મક ઊર્જા સાથે જોડીને જોવામાં આવે છે. માન્યતા છે કે નજર ઉતારવા શનિવારનો દિવસ સૌથી શ્રેષ્ઠ છે. આ દિવસે કેટલાક ઉપાય કરવાથી ઘરમાં ફરીથી સુખ-શાંતિ વધી જશે. તો ચાલો જાણીએ એવા 5 ઉપાયો વિશે જેનાથી નજર દોષ દુર થાય  થઈ શકે છે.

આ પણ વાંચો: Masik Rashifal: દિવાળીના પર્વ સાથે શરુ થતો નવેમ્બર મહિનો તમારી રાશિ માટે કેવો રહેશે જાણો માસિક રાશિફળ પરથી

લીંબુ મરચાંનો ઉપાય

જો તમારા કામમાં બાધા આવી રહી હોય, કામ બરાબર ચાલતું ન હોય કે તમે કોઈ જગ્યાએ ફસાઈ ગયા છો એવું લાગતું હોય તો લીંબુ મરચાંનો ઉપાય કરો. એક કાળા દોરામાં સાત લીલા મરચાં અને 1 લીંબુ પરોવી તમારી ઓફિસ કે દુકાનના મુખ્ય દરવાજા પર શનિવારે લટકાવો. દર શનિવારે જૂના લીંબુ મરચાં કાઢવા અને નવા લગાવી દેવા.

સિંદૂરનો ઉપાય

પરિવારના કોઈ સભ્યને નજર લાગી છે તેવું લાગતું હોય તો તે સભ્યને શનિવાર હનુમાનજીના મંદિરમાં લઈ જવા અને તેના કપાળ પર હનુમાનજીના ચરણોમાંથી સિંદૂર લઈ લગાડવું. ધાર્મિક માન્યતા અનુસાર હનુમાનજીનું સિંદૂર નજર દોષ દુર કરી દે છે.

ઘઉંના લોટનો દીવો

પરિવારના કોઈ વ્યક્તિની તબિયત ખરાબ રહેતી હોય તો શનિવારે તેની નજર આ રીતે ઉતારવી. આ ઉપાય કરવા શનિવારે સાંજે ઘઉંના લોટનો દીવો બનાવવો. તેમાં આડી વાટ મુકી તેલ પુરવું. આ દીવો પ્રજ્વલિત કરી બીમાર વ્યક્તિના માથા પરથી સાત વખત ઉતારો અને ઘરની બહાર મુકી આવો.

આ પણ વાંચો: Shadashtak Yog 2026: 31 ઓક્ટોબરથી આ રાશિઓના દુ:ખના દિવસો થશે શરુ, ગુરુ-શનિની ખતરનાક યુતિ કરશે પરેશાન

લોબાનનો ધુપ કરો

પરિવારના સભ્યો વચ્ચે વારંવાર અકારણ ઝઘડો થતો હોય તો શનિવારે ઘરમાં ગંગાજળ છાંટી લોબાનનો ધુપ કરો. આ ઉપાય સતત 7 કે 11 શનિવારે કરવો.

શનિદેવની આરાધના

નજર દોષથી બચવાનો સૌથી સારો અને સરળ ઉપાય છે શનિવારે શનિદેવ અને હનુમાનજીની પૂજા કરવી. શનિવારે શનિ મંદિરમાં જઈ સરસવના તેલનો દીવો કરવો. અને હનુમાન ચાલીસાનો પાઠ કરવો.

(Disclaimer: અહીં આપેલી માહિતી સામાન્ય માહિતી પર આધારિત છે. ZEE24kalak તેની પુષ્ટિ કરતું નથી.)