અંબાલાલે કીધું એટલે ફાઈનલ! બંગાળની ખાડીમાં ઉભું થયેલું ખૂંખાર વાવાઝોડું ગુજરાતને અસર કરશે, આ વિસ્તારોમાં ફરી વરસાદ પડશે!

ગુજરાતના વિવિધ વિસ્તારોમાં હવામાનનો પલટો આવશે..!

આ શક્તિશાળી વાવાઝોડા અને હવામાનના બદલાવની અસર ગુજરાતના કેટલાક ભાગોમાં પણ જોવા મળી શકે છે. ઉત્તર ગુજરાતના પંચમહાલ, મહીસાગર, અરવલ્લી અને સાબરકાંઠા જિલ્લાઓમાં હવામાનમાં પલટો આવી શકે છે, જ્યાં વાદળછાયું વાતાવરણ અને વરસાદની શક્યતા છે. દક્ષિણ ગુજરાતના ભરૂચ અને સુરત જેવા વિસ્તારોમાં આ વાવાઝોડાની સિસ્ટમની સંભવિત અસર વર્તાઈ શકે છે. ભાવનગર, અમરેલી અને જૂનાગઢ સહિતના કેટલાક વિસ્તારોમાં પણ વરસાદ પડવાની શક્યતા છે.

નવેમ્બરથી ડિસેમ્બર દરમિયાન વારંવાર બદલાશે હવામાન: અંબાલાલ

ગુજરાતમાં આ વાવાઝોડાની સીધી અસર કેટલી રહેશે તે અંગે હજુ સત્તાવાર હવામાન વિભાગની આગાહી તપાસવી અનિવાર્ય છે. નવેમ્બરની શરૂઆતમાં બંગાળની ખાડીમાં ફરી લો-પ્રેશર અને ચક્રવાત સર્જાવાનો અંદાજ છે. નવેમ્બરના પ્રથમ પખવાડિયામાં જ હવામાન પલટાવાથી ખેડૂતોની ચિંતાઓમાં વધારો થઈ શકે છે. નવેમ્બરથી ડિસેમ્બરની શરૂઆત દરમિયાન બંગાળની ખાડીમાં વધુ એક શક્તિશાળી સિસ્ટમ સક્રિય થઈ શકે છે. બીજી તરફ, ઉત્તર ભારતમાં વેસ્ટર્ન ડિસ્ટર્બન્સના કારણે તાપમાનમાં ઘટાડો નોંધાઈ શકે છે.

રવિ પાક, ઘઉંના પાકને લઈને ખેડૂતો માટે આગામી સમયમાં મોટા પડકારો

મોસમી સ્થિતિની સીધી અસર ખેતી અને પાક પર થવાની શક્યતા છે. ઉત્તર ગુજરાતમાં ઘઉં અને રવિ પાકના વાવેતરની સિઝન શરૂ થવાની તૈયારીમાં છે. હવામાનના આ ઉતાર-ચઢાવથી ઘઉંના પાક પર મધ્યમ અસર થઈ શકે છે. ડિસેમ્બરના અંતમાં આવતું વેસ્ટર્ન ડિસ્ટર્બન્સ રવિ પાક માટે ફાયદાકારક સાબિત થઈ શકે છે, પરંતુ ફેબ્રુઆરી મહિનામાં તાપમાન અને ઠંડીની અસ્થિર સ્થિતિ ઘઉંના દાણાની ગુણવત્તા પર અસર કરી શકે છે.

માર્ચ અને એપ્રિલ મહિના દરમિયાન કમોસમી વરસાદ પડશે.

જીરું અને કઠોળના પાક માટે વર્તમાન હવામાનની સ્થિતિ અત્યંત મહત્વપૂર્ણ બની રહેશે, જ્યારે ઉનાળુ પાકનું વાવેતર ફેબ્રુઆરીના ઉત્તરાર્ધમાં શરૂ થવાનો અંદાજ છે. હવામાનમાં થતા સતત ફેરફારોને ધ્યાનમાં રાખીને ખેડૂતોએ સમયાંતરે હવામાનની સ્થિતિ પર નજર રાખવી અને પોતાના પાકનું રક્ષણ કરવું જરૂરી છે. માર્ચ અને એપ્રિલ મહિનામાં પણ કમોસમી વરસાદ પડવાની આગાહી અંબાલાલ પટેલ કહી રહ્યા છે.