ગણતરીના કલાકોમાં બનશે નીચભંગ રાજયોગ, 3 રાશિવાળાનો ગોલ્ડન પીરિયડ થશે શરૂ, ધન-સંપત્તિ, રૂઆબમાં થશે વધારો!

નીચભંગ રાજયોગ

વૈદિક જ્યોતિષમાં શુક્ર એ સુખ સમૃદ્ધિ, પ્રેમ, ધન વૈભવ, ભોગ વિલાસ વગેરેના કારક ગણાય છે. આવામાં શુક્રની સ્થિતિ મજબૂત હોવાથી આ ક્ષેત્રોમાં સૌથી વધુ અસર જોવા મળે છે. 6 નવેમ્બરના રોજ શુક્રએ રાશિ પરિવર્તન કરીને નીચ રાશિ કન્યામાં પ્રવેશ કર્યો. દિવાળીના દિવસે શુક્રના નીચભંગ થવાથી એક જ્યોતિષીય સ્થિતિ બની રહી છે. જેને નીચભંગ યોગ પણ કહી શકાય. શુક્રની ઉચ્ચ રાશિ મીન છે જ્યારે નીચ રાશિ કન્યા છે. આવામાં જ્યારે શુક્ર કન્યા રાશિમાં પ્રવેશ કરે છે ત્યારે તેની સ્થિતિ ખુબ નબળી થાય છે. આવામાં દરેક રાશિ પર પ્રભાવ ઘટે છે. જો કે જ્યોતિષ શાસ્ત્ર મુજબ જ્યારે જે રાશિમાં કોઈ ગ્રહ નીચનો હોય તો આ રાશિના સ્વામી જો ચંદ્રમા કે પછી લગ્નથી કેન્દ્રસ્થાને હોય ત્યારે નીચભંગ રાજયોગ બને છે. 8 નવેમ્બરે દિવાળી છે અને ત્યારે શુક્ર કન્યા રાશિમાં હશે અને કન્યા રાશિના સ્વામી બુધ તુલા રાશિમાં હશે. આ દિવસે ચંદ્રમા પણ તુલા રાશિમાં ભ્રમણ કરતા હશે. આ રીતે બુધ ચંદ્રમાથી કેન્દ્ર એટલે કે પ્રથમ ભાવમાં સ્થિત હશે. આ આધેર નીચભંગ રાજયોગ બની રહ્યો છે. શુક્ર હાલ વક્રી અવસ્થામાં પણ છે. જાણો કોને આ સ્થિતિ સકારાત્મક ફાયદો કરાવી શકે છે.

વૃષભ રાશિ

વૃષભ રાશિના સ્વામી શુક્ર પોતે છે. આવામાં આ રાશિના જાતકો માટે નીચભંગ રાજયોગ મહત્વનો રહી શકે છે. આર્થિક સ્થિતિ સારી રહી શકે તથા જૂના અટકેલા કામો એકવાર ફરીથી શરૂ થઈ શકે છે. નોકરીયાતો માટે આ સમયગાળો લાભકારી રહી શકે છે. તમારી કાર્યક્ષમતા દેખાડવામાં સફળ રહી શકો. વરિષ્ઠ અધિકારીઓ તમારાથી પ્રસન્ન રહી શકે છે. વેપારીઓ માટે પણ આ સમય સારો રહી શકે છે. તમારા નવા સંપર્ક બની શકે છે. લવ લાઈફ પણ સારી રહેશે. લગ્નજીવનમાં ચાલતી પરેશાનીઓ દૂર થઈ શકે છે. જો કે આ સમયગાળામાં રોકાણ સમજી વિચારીને કરવું.

સિંહ રાશિ

સિંહ રાશિના સ્વામી સૂર્યદેવ છે. આ રાશિના જાતકો માટે પણ દિવાળીનો દિવસ ખુબ સારો રહી શકે છે. આ રાશિના જાતકોની આર્થિક સ્થિતિ સારી રહી શકે છે. આવકના નવા નવા સ્ત્રોત ખુલી શકે છે. નોકરીયાતોને પોતાની મહેનત અને લગનનું પૂરેપૂરું ફળ મળી શકે છે. વેપાર કરતા લોકોને લાભના યોગ છે. જીવનમાં ખુશીઓનું આગમન થઈ શકે છે. પરિવારમાં સુખ શાંતિ જળવાઈ રહેશે. લગ્નજીવન સારું રહેશે. પાર્ટનર સાથે સારો સમય પસાર કરશો.

ધનુ રાશિ

ધનુ રાશિના જાતકો માટે શુક્રનું ગોચર કરિયરની રીતે લાભકારી રહી શકે છે. વેપારમાં લાભ થઈ શકે છે. લાંબા સમયથી અટકેલું પ્રમોશન મળી શકે છે. બોનસ અને ઈન્ક્રીમેન્ટના યોગ છે. વેપારીઓ માટે આ સમય સારો છે. નવો વેપાર શરૂ કરવા માટે આ સમય સારો રહી શકે છે. નવા સંપર્ક બની શકે છે. ભવિષ્યને લઈને કોઈ મોટો નિર્ણય લઈ શકો છો. તમારા કામની પ્રશંસા થઈ શકે છે. (Disclaimer: અહીં અપાયેલી માહિતી જ્યોતિષ માન્યતાઓ તથા ગ્રહ ગોચરની વ્યાખ્યાઓ, સામાન્ય માન્યતાઓ અને જાણકારીઓ પર આધારિત છે, Z 24 કલાક તેની પુષ્ટિ કરતું નથી.)