12 રાજ્યોમાં IMDનું ભારે વરસાદનું એલર્ટ! અંબાલાલ પટેલે ગુજરાતના હવામાનમાં પણ પલટાની કરી છે આગાહી

ચોમાસાએ આમ તો વિદાય લઈ લીધી છે એવું કહીએ તો ખોટું નથી કારણ કે ચોમાસાના ચાર મહિના તો લગભગ પૂરા થઈ ગયા છે. પરંતુ હજુ જાણે મેઘરાજા જતા જતા પણ અટકચાળો કરવાનું મૂકે તેવું લાગતું નથી. એકબાજુ દેશના અનેક ભાગોમાં વરસાદી માહોલ છે. દિલ્હી એનસીઆરમાં રવિવારે મધરાતથી ગાજવીજ સાથે વરસાદ જોવા મળ્યો. આ ઉપરાંત ભારતીય હવામાન વિભાગ (IMD)એ આગામી 24 કલાકમાં દેશના અનેક ભાગોમાં ગાજવીજ સાથે વરસાદની સંભાવના વ્યક્ત કરી છે.

યુપી, બિહાર, દિલ્હી, પંજાબ, ઉત્તરાખંડ, હિમાચલ, જમ્મુ કાશ્મીર સહિત અનેક રાજ્યોમાં આજે વરસાદની આગાહી છે. રવિવારથી મા અંબેના નવલા નોરતા પણ શરૂ થઈ ગયા છે ત્યારે ગુજરાતમાં સ્થિતિ કેવી રહેશે, હવામાનમાં પલટો આવશે કે નહીં તે ખાસ જાણો.