CJP ફરી કરશે આંદોલન? આશુતોષ રાંકાએ કરી જાહેરાત, કહ્યું- 'પોલીસ પાસે 24 કલાકનો સમય'

કોકરોચ જનતા પાર્ટી ફરીથી મુખ્ય ચૂંટણી કમિશનર જ્ઞાનેશ કુમાર વિરુદ્ધ વિરોધ પ્રદર્શન માટે દિલ્હી પોલીસ પાસે મંજૂરી લેશે. પરંતુ રાજધાનીમાં છેલ્લા બે દિવસથી દિલ્હી પોલીસ અને પ્રદર્શનકારીઓ વચ્ચે ટકરાવ યથાવત છે. દિલ્હી પોલીસે સીજેપી કાર્યકર્તા સિવાય ઘણા પત્રકારોની અટકાયત કરી અને બાદમાં તેને છોડી મુક્યા હતા.

સીજેપી નેતા અને પાર્ટીના સહ સંયોજક આશુતોષ રાંકાએ સોશિયલ મીડિયા પર પોસ્ટ કરી ફરી ધરણા પ્રદર્શનની વાત કરી. તેણે કહ્યું કે 12 ઓક્ટોબરે સવારે 10 કલાકે હું, સીજેપી પ્રવક્તા સૌરવ દાસ અને કાયદાકીય મામલાના જાણકાર રતના દાસ અને સીજેપીના બીજા નેતા પાર્લિયામેન્ટ સ્ટ્રીટ પોલીસ સ્ટેશન જઈશું, જેથી જંતર-મંતર પર શાંતિપૂર્ણ વિરોધ પ્રદર્શન માટે તારીખ નક્કી કરી શકાય.

દિલ્હી પોલીસની પાસે 24 કલાકનો સમયઃ રાંકા
ત્યારબાદ તેમણે દિલ્હી પોલીસને ચેતવણી આપતા કહ્યું કે પોલીસની પાસે 24 કલાકનો સમય છે. તે અમને 24 કલાકની અંદર જંતર-મંતર માટે તારીખ આપી શકે છે, બાકી અમે ખુદ વધુ એક વિરોધ પ્રદર્શનની જાહેરાત કરીશું.

સીજેપી નેતા ડરશે નહીંઃ દીપકે
સીજેપી ફાઉન્ડર અભિજીત દીપકેએ કહ્યુ કે પ્રધાનમંત્રી તરીકે મોદી ભારત માટે શરમનું કારણ છે. મહત્વનું છે કે અભિજીત દીપકેના દાદીનું નિધન થઈ ગયું છે. તેણે કહ્યું કે આ સમયે હું મારા પરિવારની સાથે રહેવા માટે મારા ગામ જઈ રહ્યો છું. તેણે કહ્યું કે સીજેપી નેતા ન પીછેહટ કરશે અને ન ડરશે.

આ પણ વાંચોઃ વિપક્ષની સુપ્રીમ કોર્ટ સુધીની માર્ચ પહેલા મોટો ઝટકો, CJI સૂર્યકાંતે વિપક્ષી નેતાઓને મળવાનો કરી દીધો

આ પહેલા સીજેપી તરફથી શનિવારે જંતર-મંતર પર પ્રદર્શનની જાહેરાત કરી હતી, પરંતુ દીપકે, આશુતોષ રાંકા અને સૌરવ દાવ મુંબઈથી જ્યારે દિલ્હી લેન્ડ થયા તો દિલ્હી પોલીસે વિમાનની અંદરથી તેને ડિટેન કરી લીધા હતા. ત્યારબાદ ત્રણેયને રવિવારે છોડવામાં આવ્યા હતા.