સોનિયા ગાંધી શા માટે ન બન્યા દેશના PM? પોતાના જ નવા પુસ્તકમાં કર્યો મોટો ખુલાસો

કોંગ્રેસ નેતા સોનિયા ગાંધીએ પોતાના પુસ્તક બિલોન્ગિંગઃ અ જર્ની ઓફ લવમાં ખુદને પ્રધાનમંત્રી ન બનવાને લઈને ખુલાસો કર્યો છે. તેમણે પ્રધાનમંત્રી બનવા માટે પોતાની પાર્ટીની અપીલને ઠુકરાવી દીધી હતી. તેમણે હવે ખુદ જણાવ્યું કે તેમના આ નિર્ણય પાછળ શું કારણ હતા.

દેશના પ્રધાનમંત્રી ન બનવાના નિર્ણયને લઈને તેમણે પોતાના પુસ્તકમાં લખ્યું 'મારા મનમાં શંકાનો છેલ્લો અંશ પણ અચાનક દૂર થઈ ગયો. મને લાગ્યું કે જેમ હું ખુદને કહી રહી છું કે સોનિયા પોતાના પ્રત્યે ઈમાનદાર રહો. તું હંમેશા આ જાણતી રહી છો. બસ, તેને છોડી દો.'

ધ ઈન્ડિયન એક્સપ્રેસના રિપોર્ટ પ્રમાણે તેમણે કહ્યું કે ચૂંટણીના થોડા મહિના પહેલા મેં અને મારા બાળકોએ આ વાત પર ચર્ચા કરી હતી કે શું હું પ્રધાનમંત્રી બની શકું છું. તેમાંથી એકએ મને સીધો સવાલ પૂછ્યો કે જો આપણી પાર્ટી જીતી જાય છે, તો શું હું આ પદ સ્વીકાર કરીશ? મેં નારાજગી સાથે કહ્યું, નહીં. તેમણે ફરી પૂછ્યું, શું તમે પાક્કુ કહી રહ્યાં છો? મેં ભાર આપી કહ્યું- હું બિલકુલ સ્પષ્ટ છું.

રાહુલ અને પ્રિયંકાને લઈને શું કહ્યું

તેમણે જણાવ્યું કે રાહુલ અને પ્રિયંકા બંનેમાંથી કોઈને તે ન લાગ્યું કે મારે પ્રધાનમંત્રી બનવું જોઈએ. તેમણે પોતાના દાદીની હત્યા અને પોતાની પિતાની નિર્દયતાથી કરવામાં આવેલી હત્યાનું દુખ સહન કર્યું હતું. તેમના મનમાં આ પદ પર રહેવાનો સીધો અર્થ ખુબ વધુ ખતરા સાથે જોડાયેલો હતો. તેમને રાહત મળી અને મને હળવો અનુભવ થયો. કારણ કે પ્રથમવાર મેં આ સવાલ પર સ્પષ્ટ રીતે મારો મત રાખ્યો હતો અને વાત ત્યાં ખતમ થઈ ગઈ.

આ પણ વાંચોઃ પવન કલ્યાણના ત્રીજા લગ્નનો અંત: પત્ની અન્ના કોનિડેલા સાથે 13 વર્ષનો સંબંધ તૂટ્યો

આ વિશે ક્યારેય કોઈ સાથે વાત નથી કરીઃ સોનિયા ગાંધી

સોનિયા ગાંધીએ કહ્યું કે મેં આ વિશે કોઈ સાથે ક્યારેય વાત કરી નથી. સંપૂર્ણ ચૂંટણી દરમિયાન જ્યારે પણ મને જાહેરમાં આ સવાલ પૂછવામાં આવ્યો તો મેં કોઈ સ્પષ્ટ જવાબ ન આપ્યો. અમે અમારા અસ્તિત્વની લડાઈ લડી રહ્યાં હતા અને મારે મારી પાર્ટીને એક રાખવાની હતી, જેથી અમે એક મજબૂત ટીમના રૂપમાં અમારા દુશ્મનોનો સામનો કરી શકીએ.

કોંગ્રેસ સંસદીય દળના અધ્યક્ષે જણાવ્યું કે મેં મારો મત પોતાના સુધી સીમિત રાખ્યો, ત્યાં સુધી કે મારા નજીકના સહયોગીઓને પણ ન જણાવ્યું. મને અંદરથી બસ તે અહેસાસ હતો કે જે વ્યક્તિ પાછલી કોંગ્રેસ સરકારોના વારસાને આગળ વધારશે, તેની પાસે સરકાર ચલાવવાનો લાંબો અનુભવ હોવો જોઈએ અને તેની ઈમાનદારીનો રેકોર્ડ બેગાદ હોવો જોઈએ.