બંગાળની ખાડીમાં વધુ એક રાક્ષસ જાગ્યો! જાણો વાવાઝોડું ક્યાં પહોંચ્યું અને કયા રાજ્યોને લેશે ભરડામાં?
અર્ણબ, મુરાસુ વાવાઝોડા બાદ હવે બંગાળની ખાડીમાંથી વધુ એક દૈત્ય એક્વાન ઊભો થયો છે અને હાહાકાર મચાવવાની તૈયારી કરી રહ્યો છે. આ વાવાઝોડું અત્યંત શક્તિશાળી બની રહ્યું છે અને 20 નવેમ્બરે ત્રાટકે તેવી પૂરેપૂરી શક્યતા છે. જાણો કયા કયા રાજ્યોને તે ઝપેટમાં લઈ શકે છે
ચોમાસું પૂરું થઈ ગયું અને આમ છતાં એક પછી એક વાવાઝોડા ભારતને હચમચાવી રહ્યા છે. બંગાળની ખાડીમાં ઉઠેલું વાવાઝોડું અક્વાન ઝડપથી શક્તિશાળી થઈ રહ્યું છે. હવામાન વિભાગ (IMD)ની લેટેસ્ટ આગાહી મુજબ આ તોફાન 20 નવેમ્બરે બપોરે આંધ્ર પ્રદેશ અને યાનમના કાંઠે ત્રાટકી શકે છે. આ દરમિયાન પવનની ઝજપ 120થી 130 કિમી પ્રતિ કલાક સુધી પહોંચવાની આશંકા છે. જ્યારે ઝાપટાની સાથે પવનની ઝડપ 145 કિમી પ્રતિ કલાકે પહોંચી શકે છે.
ઈરાને રાખ્યું છે વાવાઝોડાનું નામ
આ વાવાઝોડાનું નામ ઈરાને રાખ્યું છે. અક્વાન નામના મૂળિયા ફારસી પૌરાણિક કથાઓમાં છે. આ નામ એક્વાન એ દીવ સાથે જોડાયેલું છે. જે મશહૂર ફારસી મહાકાવ્યા શાહનામામાં એક રાક્ષસ જેવું પાત્ર છે. આ મહાકાવ્યની રચના ફિરદૌસીએ કરી હતી.
કુલગામમાં CRPF જવાનો પર હુમલાનો માસ્ટરમાઈન્ડ લતીફ ભટ એન્કાઉન્ટરમાં ઠાર, મસ્જિદમાં છૂપાયેલો હતો
20 નવેમ્બરે ત્રાટકી શકે છે
ભારતીય હવામાન વિભાગના જણાવ્યાં મુજબ વાવાઝોડું અક્વાન બંગાળની ખાડીના પશ્ચિમ મધ્ય ભાગમાં સક્રિય છે. ગંભીર ચક્રવાતી તોફાનમાં ફેરવાયેલું આ વાવાઝોડું 19 નવેમ્બર સુધીમાં અત્યંત ગંભીર ચક્રવાતી તોફાનનું સ્વરૂપ લઈ શકે છે અને ત્યારબાદ 20 નવેમ્બરે બપોરની આસપાસ ગંભીર ચક્રવાતી તોફાનમાં ફેરવાઈને નેલ્લોર અને વિશાખાપટ્ટનમ વચ્ચે આંધ્ર પ્રદેશ-યાનમના કાંઠાને પાર કરી શકે છે.
IMD લેટેસ્ટ અપડેટ
- ગંભીર ચક્રવાતી તોફાનમાં ફેરવાયેલું અક્વાન દક્ષિણ અને પશ્ચિમ મધ્ય બંગાળની ખાડીના મધ્ય ભાગો પર (આંધ્ર પ્રદેશ અને દક્ષિણ ઓડિશાના કાંઠાઓ માટે ચક્રવાતી એલર્ટ- ઓરેન્ટ એલર્ટ)
- દક્ષિણના મધ્ય ભાગો અને સાથે પશ્ચિમ-મધ્ય બંગાળની ખાડી પર ચક્રવાતી તોફાન અક્વાન છેલ્લા 6 કલાક દરમિયાન 3 કિમી પ્રતિ કલાકની ઝડપે ખુબ ધીરે ધીરે ઉત્તર-ઉત્તર પશ્ચિમ તરફ આગળ વધ્યું અને એક ગંભીર ચક્રવાતી તોફાનમાં ફેરવાયું.
- આજે 18 નવેમ્બર 2026ના રોજ સવારે 5.30 કલાકે તે વિસ્તારમાં અક્ષાંશ 12.7°N અને દેશાંતર 85.5°E પાસે, ચેન્નાઈથી લગભગ 580 કિમી પૂર્વમાં, ગોપાલપુર (ઓડિશા)થી 730 કિમી દક્ષિણમાં.
- ઉત્તર-ઉત્તર પશ્ચિમમાં આગળ વધતા તે 20 નવેમ્બર 2026ના રોજ બપોર આસપાસ એક ગંભીર ચક્રવાતી તોફાનમાં ફેરવાઈ શકે છે અને નેલ્લોર તથા વિશાખાપટ્ટનમ વચ્ચે આંધ્ર પ્રદેશ અને યનમના કાંઠાને પાર કરી શકે છે.
- આ તોફાનની મહત્તમ સતત પવનની ઝડપ 100-110 કિમી પ્રતિ કલાક રહી શકે છે જે વધીને 120 પર પહોંચી શકે છે.
નવેમ્બરમાં ત્રીજા વાવાઝોડાનો ખતરો, આ રાજ્યના દરિયાકાંઠે ત્રાટકવાનો ભય, ISROએ જાહેર કરી સેટેલાઇટ ઈમેજ
8 જિલ્લાઓમાં રેડ એલર્ટ
ચક્રવાતના જાખમને જોતા હવામાન વિભાગે આંધ્ર પ્રદેશના8 જિલ્લાઓમાં 19 નવેમ્બર માટે રેડ એલર્ટ જાહેર કર્યું છે. આ જિલ્લાઓમાં અત્યંત ભારે વરસાદની ચેતવણી આપવામાં આવી છે. જેમાં કાકીનાડા, કોનસીમા, પૂર્વી ગોદાવરી, પશ્ચિમ ગોદાવરી, એલુરુ, કૃષ્ણા, બાપટલા, નેલ્લોર સામેલ છે. આ ઉપરાંત યાનમ માટે પણ રેડ એલર્ટ જાહેર કરાયું છે. હવામાન વિભાગે આંધ્ર પ્રદેશ અને દક્ષિણ ઓડિશાના કાંઠા વિસ્તારો માટે વાવાઝોડા સંબંધિત ચેતવણી પણ બહાર પાડી છે. ઓડિશામાં બે લાખથી વધુ લોકોને સુરક્ષિત સ્થળો પર પહોંચાડવાની તૈયારી છે. ચક્રવાતની અસર ઓડિશામાં પણ જોવા મળી શકે છે. રાજ્ય સરકારે સંવેદનશીલ વિસ્તારોમાં રહેતા લોકોને સુરક્ષિત સ્થળો પર મોકલવાની તૈયારી તેજ કરી છે.
અધિકારીઓના જણાવ્યાં મુજબ રાજ્યાં 204070 લોકોની ઓળખ કરાઈ છે. જેમને જરૂર પડ્યે સુરક્ષિત સ્થળોએ પહોંચાડવામાં આવી શકે છે. જેમાં સૌથી વધુ 121597 લોકો ગંજામ જિલ્લાના છે. સરકારે 8 જિલ્લામાં 87 બ્લોકમાં 1902 સંવેદનશીલ સ્થળોની ઓળખ પણ કરી છે. ડિઝાસ્ટર મેનેજમેન્ટ મંત્રી સુરેશ પૂજારીએ કહ્યું કે સરકાર ચક્રવાતથી પ્રભાવિત થનારા સંભવિત વિસ્તારોમાં લોકોની સુરક્ષા માટે પગલાં ભરી રહી છે. ઓડિશા સરકારે 74 રેસ્ક્યૂ ટીમો પણ તૈનાત કરી છે. દક્ષિણી જિલ્લાઓમાં સંવેદનશીલ વિસ્તારના લોકોને પહેલેથી જ સુરક્ષિત સ્થળો પર પહોંચાડવાની પ્રક્રિયા શરૂ કરી દેવાઈ છે.
ઓડિશાના 6 જિલ્લામાં ભૂસ્ખલનનું જોખમ
ઓડિશા સરકાર સામે ચક્રવાતની સાથે સાથે ભૂસ્ખલનનો પણ પડકાર છે. રાજ્યના 6 જિલ્લાઓને ભૂસ્ખલનની રીતે ખુબ જ સંવેદનશીલ ગણવામાં આવી રહ્યા છે જેમાં ગંજામ, ગજપતિ, રાયગઢા, કંધમાલ, મલકાનગિરી, કોરાપુટ સામેલ છે.
અત્રે જણાવવાનું કે ગત મહિને આવેલા ચક્રવાત અર્નબના કારણે ઓડિશામાં 11 લોકોના મોત થયા હતા. જેમાંથી 10 લોકોના જીવ ભૂસ્ખલનના કારણે થયા હતા. છ લોકો હજુ પણ ગૂમ હોવાનું કહેવાયું હતું. રાયગઢ જિલ્લામાં પણ પ્રશાસને ભૂસ્ખલનની આશંકાવાળા 55 ગામડાઓની ઓળખ કરી છે.
Rahul Gandhi: રાહુલ ગાંધીએ ફરી બાફ્યું, શિવ-પાર્વતીનો ફોટો શેર કરી દલીલ કરી, ભાજપ એ પણ કર્યો પલટવાર
આ રાજ્યોમાં પણ વરસાદનું એલર્ટ
- ચક્રવાત અકવાનની અસર ફક્ત આધ્ર અને ઓડિશા સુધી સિમિત રહેશે એવું નથી પરંતુ અન્ય રાજ્યોમાં પણ થઈ શકે છે તેવું અનુમાન છે. હવામાન વિભાગે અન્ય કેટલાક રાજ્યોમાં વરસાદની ચેતવણી આપી છે.
- તમિલનાડુમાં 19 નવેમ્બરે ઉત્તરી તમિલનાડુ, પુડુચેરી, અને કરાઈકલમાં અનેક જગ્યાએ હળવાથી મધ્યમ વરસાદ અને કેટલાક સ્થળોએ ભારે વરસાદ પડી શકે છે.
- 19 અને 20 નવેમ્બરે આંધ્ર પ્રદેશના ઉત્તરી કાંઠા વિસ્તારોમાં ભારેથી અતિભારે વરસાદ તથા કેટલાક વિસ્તારોમાં અત્યંત ભારે વરસાદ પડી શકે છે.
- 20 અને 21 નવેમ્બરે પૂર્વી તેલંગણાના કેટલાક ભાગોમાં ભારે વરસાદ પડી શકે છે. ભદ્રાદ્રી કોઠાગુડેમ, ખમ્મમ, મહેબૂબાબાદ, અને સૂર્યાપેટમાં ઓરેન્જ એલર્ટ જાહેર કરાયું છે.
- 20 અને 21 નવેમ્બરે કેટલાક સ્થળો પર ભારે વરસાદ પડી શકે છે.
- પશ્ચિમ બંગાળમાં ગંગાના મેદાની વિસ્તારોમાં 19 અને 20 તારીખે ભારે વરસાદ પડી શકે છે.
- ઝારખંડમાં 20 અને 21 નવેમ્બરે કેટલાક વિસ્તારોમાં ભારે વરસાદ પડી શકે છે.
- 18 નવેમ્બરે આંદમાન અને નિકોબાર ટાપુઓના કેટલાક વિસ્તારોમાં વરસાદની આગાહી છે.
- પૂર્વોત્તર ભારતમાં અરુણાચલ પ્રદેશમાં 21થી 22 નવેમ્બરે, જ્યારે નાગાલેન્ડ, મણિપુર, મિઝોરમ, અને ત્રિપુરામાં 19થી 21 નવેમ્બરે અનેક ઠેકાણે વરસાદનું અનુમાન છે.
- અસમ અને મેઘાલયમાં 22 નવેમ્બર સુધીમાં કેટલાક સ્થળોએ વરસાદ પડી શકે છે.