Gujarat News Live: આજે કેટલાક જિલ્લામાં વરસાદની આગાહી, મહારાષ્ટ્રના બીડમાં અકસ્માતમાં 5 લોકોના મોત

નાયબ મુખ્યમંત્રી હષ સંધવી જાપાન પહોંચ્યા છે. રાજ્યમાં આગામી વર્ષે યોજાનાર વાઈબ્રન્ટ સમિટ પહેલા હર્ષ સંઘવી જાપાનની મુલાકાતે પહોંચ્યાં છે. અહીં તેઓ વિવિધ ડેલિગેશન સાથે મુલાકાત કરશે.

મહારાષ્ટ્રના બીડ જિલ્લાના માજલગાંવ તાલુકામાં ખામગાંવ-પંઢરપુર નેશનલ હાઈવે પર શિંદેવાડી ફાટા પર એક ભયાનક અકસ્માત થયો છે. કહેવામાં આવી રહ્યું છે તે તુલજાપુર દર્શન માટે ગયેલા માજલગાંવના એક પરિવારની ગાડી અવિનાશ દાદા બેંસોડેના પેટ્રોલ પંપની સામે દુર્ઘટનાગ્રસ્ત થઈ ગઈ હતી.

આ ઘટના સમયે સ્થળ પર હાજર પ્રત્યક્ષદર્શીઓએ શરૂઆતી જાણકારી આપી છે કે આ દુર્ઘટનામાં ગજાનન નામદાસ સહિત 5 લોકોના ઘટનાસ્થળે મોત થયા છે. આ વચ્ચે ઘટનાસ્થળે લોકો રસ્તા પર ઉતર્યાં છે અને રસ્તો જામ કરી દીધો છે. 
 

ખેલૈયાઓ માટે મોટા સમાચાર છે. હવામાન વિભાગે બે દિવસ હળવા વરસાદની આગાહી કરી છે. સાયક્લોનિક સર્કુલેશનને કારણે વરસાદી માહોલ જોવા મળી શકે છે. દક્ષિણ ગુજરાત અને સૌરાષ્ટ્રમાં હળવા વરસાદની સંભાવના છે. રાજકોટ, જૂનાગઢ, દાહોદ, છોટાઉદેપુરમાં હળવા વરસાદની સંભાવના છે. આવતીકાલે ભાવનગર, અમરેલી, વલસાડ, તાપીમાં વરસાદ પડી શકે છે. અમદાવાદમાં પણ વાદળછાયું વાતાવરણ રહેશે.

સુરતમાં દશેરાના તહેવાર પહેલાં આરોગ્ય વિભાગ હરકતમાં આવ્યું છે. આરોગ્ય વિભાગે ફાફડા-જલેબીના વિક્રેતાઓને ત્યાં દરોડો પાડ્યા છે. આરોગ્ય વિભાગ દ્વારા નમૂના લઈ તપાસ માટે મોકલી આપવામાં આવશે. જોકે દશેરામાં લોકો ફાફડા-જલેબી આરોગી જશે ત્યારબાદ રિપોર્ટ આવશે.

મધ્યપ્રદેશના ગ્વાલિયરમાં શીતળા માતા મંદિરની પાસે થયેલા અકસ્માતમાં મૃત્યુ પામેલા લોકોના પરિવારજનોએ હોસ્પિટલમાં પોસ્ટમોર્ટમ હાઉસની બહાર હંગામો કર્યો હતો. મોડી રાત્રે એક ટ્રક અનિયંત્રિત થવાને કારણે દુર્ઘટનામાં 15 લોકોના મોત થયા છે. રવિવારે સવારે પીડિત પરિવારના સભ્યો મોટી સંખ્યામાં પોસ્ટમોર્ટમ હાઉસની બહાર એકત્ર થયા હતા. તેમણે જિલ્લા તંત્ર વિરુદ્ધ પોતાનો આક્રોશ વ્યક્ત કર્યો હતો.

ફ્રાન્સમાં વધતી મોંઘવારી, ખરાબ થઈ રહેલી જાહેર સેવાઓ અને સ્કૂલની સમસ્યાઓ વિરુદ્ધ શનિવાર, 17 ઓક્ટોબરે મોટા પાયે પ્રદર્શન થયા હતા. પેરિસ સહિત ઘણા શહેરોમાં પ્રદર્શન દરમિયાન પોલીસ અને લોકો વચ્ચે ઘર્ષણ થયું. કેટલીક જગ્યાએ દુકાનોમાં તોડફોન અને લૂટફાટની ઘટના થઈ, જ્યારે કેટલીક ઈમારતોમાં આગ લગાવી દેવામાં આવી હતી. ફ્રાન્સના પ્રધાનમંત્રી સેબેસ્ટિયન લેકોર્નૂ પ્રમાણે હિંસા બાદ 1200થી વધુ લોકોની ધરપકડ કરવામાં આવી અને 150 પોલીસકર્મી ઘાયલ થયા છે.

ફ્રાન્સના ગૃહમંત્રી લોરેન્ટ નુનેઝ અનુસાર દેશભરમાં આશરે 5.5 લાખ લોકો પ્રદર્શનમાં સામેલ થયા. તેમાંથી લગભગ 1.1 લાખ લોકો પેરિસમાં રસ્તા પર ઉતર્યા હતા. પરંતુ પ્રદર્શન આયોજીત કરનાર સંગઠનોએ દાવો કર્યો કે આંદોલનમાં આશરે 8 લાખ લોકોએ ભાગ લીધો હતો.