ઇગ્નુમાં પ્રોફેસર સહિત 43 પદો પર ભરતી: જાણો શું છે શૈક્ષણિક યોગ્યતા અને અરજીની વિગતો

ઇગ્નુએ પ્રોફેસર, એસોસિએટ પ્રોફેસર અને સહાયક પ્રોફેસરની કુલ 43 જગ્યા ભરવા માટે અરજીઓ મગાવી છે. આ ભરતી 14 અલગ-અલગ સ્કૂલ ઓફ સ્ટડીઝમાં કરવામાં આવશે. ઇચ્છુક અને પાત્ર ઉમેદવાર સત્તાવાર વેબસાઈટ ignou.ac.in દ્વારા ઓનલાઈન અરજી કરી શકે છે. આ ભરતી માટે જાહેરાત નંબર 01/2026/એસીડી જારી કરવામાં આવ્યો છે. ઓનલાઈન અરજી કરવાની છેલ્લી તારીખ 20 ઓક્ટોબર 2026 છે. પરંતુ રોજગાર સમાચારમાં જાહેરાત પ્રકાશનના 30 દિવસ બાદ ફોર્મની હાર્ડ કોપી જમા કરાવી શકાય છે.

પ્રોફેસર સહિત આ જગ્યા પર થઈ રહી છે ભરતી
ઇન્ગુની આ ભરતીમાં પ્રોફેસર, એસોસિએટ પ્રોફેસર અને આસિસ્ટન્ટ પ્રોફેસરની જગ્યા સામેલ છે. નોટિફિકેશન અનુસાર પ્રોફેસરની 21 જગ્યા, એસોસિએટ પ્રોફેસરની 16 અને આસિસ્ટન્ટ પ્રોફેસરની 6 જગ્યા સામેલ છે.

કઈ કેટેગરીમાં કેટલી જગ્યા?
આ ભરતીમાં 12 જનરલ કેટેગરીની જગ્યા, 15 ઓબીસી, 8 એસસી, 5 એસટી અને 3 PWBD ની જગ્યા સામેલ છે. આ ભરતી 14 અલગ-અલગ સ્કૂલ ઓફ સ્ટડીઝમાં સંબંધિત વિષયોને અનુસાર કરવામાં આવશે. ઉમેદવારોની નિમણૂંક સીધી ભરતીના આધારે થશે. તે માટે સ્ક્રીનિંગ બાદ પસંદગી સમિતિ તરફથી ઈન્ટરવ્યુ કરાવવામાં આવશે.

કેટલો મળશે પગાર? 
આ જગ્યા માટે અલગ-અલગ પે લેવલ નક્કી કરવામાં આવ્યા છે. પ્રોફેસર પદ એકેડમિક લેવલ 14મા છે, જેમાં પગાર 1,44,200થી 2,18,200 રૂપિયા સુધી છે. તો એસોસિએટ પ્રોફેસરનું પદ એકેડમિક લેવલ 13 એમાં છે અને પગાર 1,31,400 થી 2,17,100 રૂપિયા છે. તો સહાયક પ્રોફેસર એકેડમિક લેવલ 10મા છે, જેમાં 57,700 થી 1,82,400 સુધી પગાર આપવામાં આવશે.

કોણ કરી શકશે અરજી? 
આ જગ્યા માટે ઉમેદવારોની પાસે સંબંધિત વિષય અને જગ્યા અનુસાર નક્કી શૈક્ષણિક યોગ્યતા અને અનુભવ હોવો જોઈએ. અલગ-અલગ જગ્યા માટે યોગ્યતા અને અનુભવની શરતો અલગ-અલગ હશે. તેથી અરજી કરતાં પહેલા તમામ વિગતો સત્તાવાર વેબસાઇટ પર ચેક કરવાની સલાહ આપવામાં આવે છે.

આ રીતે કરી શકો છો અરજી

• ઉમેદવારે સૌથી પહેલા ઇન્ગુની વેબસાઇટ  ignou.ac.in પર જવું પડશે.
• ત્યારબાદ ફોર્મ ભરતા પહેલા વેબસાઇટ પર નોટિફિકેશન અને યોગ્યતા ચેક કરો.
• પોતાની અંગત વિગત અને શૈક્ષણિક જાણકારી યોગ્ય રીતે ભરો.
• અરજીની સાથે તમામ ડોક્યુમેન્ટ ઓનલાઈન અપલોડ કરો.
• ત્યારબાદ જે ફી ભરવાની હોય તે ઓનલાઈન ભરો.
• છેલ્લે ફોર્મને ચેક કરી અને પ્રિન્ટ આઉટ તમારી પાસે રાખી લો.

હવે આ ફોન લાઈન ફોર્મની પ્રિન્ટ કાઢવાની સાથે જરૂરી ડોક્યુમેન્ટ પર સહી કરી પોસ્ટના માધ્યમથી એકેડમી ડિવિઝનને મોકલવાના રહેશે. હાર્ડ કોપી 30 ઓક્ટોબર 2026 સુધી પહોંચી જવી જોઈએ. ઉમેદવારોએ આ હાર્ડ કોપી શૈક્ષણિક સમન્વય વિભાગ, ઈગ્નુ, મેદાન ગઢી નવી દિલ્હી- 110068 પર મોકલવી પડશે.