ટ્રમ્પનું 'મિશન હોર્મુઝ' ફેલ? ખાડી દેશોમાંથી અમેરિકી નેવી ગાયબ! શું અમેરિકાના ડરથી હોર્મુઝ અને બ્રિટન છોડીને ભાગ્યા B-2 બોમ્બર્સ?
Strait of Hormuz : શું સ્ટ્રેટ ઓફ હોર્મુઝ અમેરિકાના હાથમાંથી નીકળી ચૂક્યું છે? આ સવાલ એટલા માટે મહત્વનો છે, કારણ કે યુદ્ધના 8 મહિનામાં આજ સુધી અમેરિકી નૌસેના હોર્મુઝમાં દાખલ થઈ શકી નથી, હવે ઈરાનનો દાવો છે કે અમેરિકી નેવી હોર્મુઝથી એક હજાર કિલોમીટર દૂર સુધી ક્યાંય દેખાઈ રહી નથી. ઈરાને કહ્યું છે કે અમેરિકી સેના અમારી નૌકાદળની તાકાત જોઈને ગભરાઈ ગઈ છે. આ દાવાની સાથે અમેરિકી સેનામાં દહેશતના સંકેત પણ દેખાયા. અમેરિકાએ બ્રિટનમાં પોતાના એરબેઝ પરથી તૈનાત B-2 બોમ્બર્સને હટાવી લીધા છે. આની પાછળનું કારણ બતાવવામાં આવી રહ્યું છે- ઈરાનનો સંભવિત હુમલો. તો શું ઈરાને કોઈ સીક્રેટ ફોર્સ તૈયાર કરી લીધી છે જે હોર્મુઝથી લઈને બ્રિટન સુધી ગમે ત્યાં હુમલો કરી શકે છે...?
RAF Fairford Airbase : અમેરિકાના B-2 બોમ્બર્સથી દુનિયાની દરેક સેના ફફડે છે. પરંતુ આ પહેલીવાર છે જ્યારે ટ્રમ્પ પોતે જ પોતાના B-2 બોમ્બર્સને લઈને ડરમાં છે. અમેરિકાએ બ્રિટનના RAF ફેરફોર્ડ એરબેઝ પરથી પોતાના તમામ બોમ્બર વિમાનો પાછા બોલાવી લીધા છે. આ એરબેઝનો ઉપયોગ અમેરિકી સેનાએ ઈરાન પર હુમલા માટે કર્યો હતો. માનવામાં આવી રહ્યું છે કે અમેરિકાએ આ નિર્ણય બ્રિટનના આ એરબેઝ પર આતંકી હુમલાના ષડયંત્રની તપાસ વચ્ચે લીધો છે. પેન્ટાગોનના સૂત્રોના જણાવ્યા અનુસાર, આ નિર્ણય બાદ અમેરિકી બોમ્બર્સને પાછા અમેરિકામાં તેમના સૈન્ય ઠેકાણા પર મોકલી દેવામાં આવ્યા છે.
RAF ફેરફોર્ડ એરબેઝ લંડનથી આશરે 160 કિમી પશ્ચિમમાં છે. અમેરિકા દાયકાઓથી મિડલ ઈસ્ટના યુદ્ધોમાં આ એરબેઝનો ઉપયોગ કરતું આવ્યું છે. પરંતુ હવે અહીં એક પણ B-2 બોમ્બર નથી. તો શું ઈરાનના સંભવિત હુમલાઓથી ટ્રમ્પ ફફડી ગયા છે? ઈરાનનો દાવો તો એ પણ છે કે ટ્રમ્પ ભલે મિડલ ઈસ્ટમાં 10 હજાર સૈનિકો મોકલીને મનોવૈજ્ઞાનિક દબાણ બનાવવાના પ્રયત્ન કરતા હોય, પરંતુ ગ્રાઉન્ડ રિયાલિટી કંઈક અલગ જ છે.
એટલું જ નહીં ખાડીથી લઈને હિંદ મહાસાગર સુધીના 1 હજાર કિલોમીટર સુધીમાં સુધી US ફોર્સ ગાયબ હોવાનો ઈરાનનો દાવો છે.
ઈરાનના ડરથી અમેરિકીઓ ભાગી ગયા છે. 1853 પછી આ પહેલીવાર છે જ્યારે પર્સિયન ખાડીથી લઈને હોર્મુઝ, ઓમાનની ખાડી અને ઉત્તરી હિંદ મહાસાગરમાં એક હજાર કિમી સુધી અમેરિકી નૌસેનાનો કાફલો નથી. ઈરાનની નૌસૈનિક શક્તિ આગળ તેઓ પીછેહટ કરવા મજબૂર થયા.”
ઈરાનનો દાવો છે કે અમેરિકી યુદ્ધ જહાજો રિપેરિંગ કે સૈનિકોને આરામ આપવાના બહાને ઈરાની સમુદ્રી સીમાથી દૂર જઈ ચૂક્યા છે. હવે અહીં ઈરાનની નેવીનો કબ્જો છે, જેને કોઈ તોડી શકે તેમ નથી. પરંતુ ડોનાલ્ડ ટ્રમ્પનો દાવો ઈરાનથી બિલકુલ અલગ છે.
૨૪ કલાકમાં ખોલાવશે હોર્મુઝ?
“આ બહુ જટિલ નથી. અમે આવતીકાલ સુધીમાં સ્ટ્રેટ ઓફ હોર્મુઝને પૂરી રીતે ખોલી દઈશું. આ અમારા પ્લાનનો પહેલો તબક્કો છે. ટ્રમ્પ આ કેવી રીતે કરશે, આ સવાલનો જવાબ તેઓ અવારનવાર ટાળી જાય છે. ટ્રમ્પની દલીલ હોય છે કે આ રણનીતિ સાથે જોડાયેલો મામલો છે. પરંતુ આવા દાવા તેઓ ઘણા મહિનાઓથી કરી રહ્યા છે, પરંતુ હોર્મુઝમાં ઈરાનની નાકાબંધી આજ સુધી તોડી શક્યા નથી...
બીજી તરફ ઈરાનની સીક્રેટ સૈન્ય તૈયારી અલગ જ લેવલ પર ચાલી રહી છે. બે દિવસ પહેલા સી-૧૩૦ પ્લેને ટ્રાન્સપોન્ડર ઓફ કરીને ઈરાનમાં લેન્ડ કર્યું હતું, હવે વધુ એક પ્લેન ઈરાનમાં લેન્ડ કરતું જોવા મળ્યું. આ પ્લેન અંગે ઓબ્ઝર્વર્સનું માનવું છે કે આ મિલિટરી ટ્રાન્સપોર્ટ પ્લેન છે, જેમાં સૈન્ય સાધન-સામગ્રી હોઈ શકે છે. પરંતુ આ પ્લેન ક્યાંથી આવ્યું અને લેન્ડ કર્યા પછી ક્યાં ગયું, એ કોઈને ખબર નથી...
અમેરિકી એજન્સીઓને સૌથી વધુ ચિંતા ચીન અને રશિયા તરફથી મળી રહેલી સીક્રેટ સૈન્ય મદદને લઈને છે. જોકે આના પર કોઈ સત્તાવાર નિવેદન નથી, પરંતુ રશિયન રાષ્ટ્રપતિ પુતિને આ આખા યુદ્ધના તણાવનો દોષ અમેરિકા પર મઢ્યો છે.
ત્રીજું વિશ્વયુદ્ધ કરાવવા પર ઉતરી આવ્યા છે ડોનાલ્ડ ટ્રમ્પ?
અમારી નજરમાં અમેરિકા એ સિસ્ટમની અણદેખી કરીને બહુ મોટી ભૂલ કરી રહ્યું છે, જે ૨૦૧૯ની મિસાઈલ ટ્રીટી દ્વારા બનાવવામાં આવી હતી. અમારી પાસે ચોક્કસ સમાચાર છે કે અમેરિકા પોતાના સહયોગી દેશો સાથે પોતાની ફાસ્ટ મિસાઈલ સિસ્ટમને દુનિયાના અલગ-અલગ દેશોમાં તૈનાત કરી રહ્યું છે. પોતાના સીધા નિવેદનથી પુતિને ટ્રમ્પને એલર્ટ કરી દીધા છે કે રશિયાની નજર તેમની દરેક ગતિવિધિ પર છે. જો ટ્રમ્પ ઈરાનથી લઈને યુરોપ સુધી આ જ મોડમાં રહ્યા, તો ત્રીજા વિશ્વયુદ્ધને રોકવું મુશ્કેલ બનશે.
