અરબ પક્ષો સાથે ડીલ નક્કી: ગાદી આઈજનકોટ બનશે ઇઝરાયેલના નવા પ્રધાનમંત્રી? નેતન્યાહૂની સત્તા સામે મોટો ખતરો

ઇઝરાયલમાં ચૂંટણી બાદ સરકાર રચનાને લઈને જારી ખેંચતાણ વચ્ચે તેલ અવીવથી એક નવા સમાચાર સામે આવ્યા છે. રિપોર્ટ્સ પ્રમાણે ઇઝરાયલની અરબ પાર્ટીઓ ગાદી આઇઝનકોટને બહારથી સમર્થન આપવા માટે તૈયાર છે. પરંતુ તેમણે એક શરત રાખી છે- નેસેટ (ઇઝરાયલી સંસદ) ના સ્પીકર અમીર ઓહાનાને પદ પરથી હટાવવા. આઇજનકોટ જો તે માટે તૈયાર થાય છે તો સરકાર બનાવવાની કવાયત શરૂ થઈ શકે છે.

હારેત્ઝ પ્રમાણે બંને અરબ પાર્ટીઓનો પ્રથમ પ્રયાસ બેન્ઝામિન નેતન્યાહુને પ્રધાનમંત્રીની ખુરશીમાંથી નીચે ઉતારવાનો છે. તે માટે બંને પાર્ટીના નેતાઓએ સોમવાર (2 નવેમ્બર) એ એક બેઠક યોજી હતી.

અરબ પાર્ટી RA’AM ના એક વરિષ્ઠ નેતાએ કહ્યું કે અમે બહારથી સમર્થન આપવા તૈયાર છીએ. સરકાર બનાવવાની કવાયત ચાલી રહી છે. જલ્દી રાષ્ટ્રપતિ સાથે અમારા નેતા મુલાકાત કરી શકે છે.

સૌથી પહેલા સ્પીકર અમીર ઓહાનેને હટાવવાની માગ

અરબ પાર્ટી જોઈન્ટ લિસ્ટે સોમવારે એક નિવેદનમાં કહ્યું કે અમે સરકાર બનાવવાની કવાયત શરૂ કરી છે. અમારી માગ છે કે ચેન્જ બ્લોકના નેતા સ્પીકરને પહેલા હટાવે. સરકાર બનાવવાની દિશામાં પ્રથમ પગલું હશે.

આ પણ વાંચોઃ ઓમાન નજીક ભારતીય ધ્વજવાળા જહાજ પર હુમલો: ગુજરાતના એક નાવિકનું મોત, 13ને સુરક્ષિત બચાવ્યા

તો અરબ ગઠબંધન RA’AM તરફથી જારી નિવેદનમાં કહેવામાં આવ્યું કે ચેન્જ બ્લોકની સરકાર ઇઝરાયલમાં બનવા જઈ રહી છે. બંને અરબ પાર્ટીની પાસે કુલ 19 સાંસદ છે. જો આઇજનકોટની સાથે તેઓ મળે છે તો તેની સંખ્યા 67 થઈ જશે.

ઇઝરાયલમાં સરકાર બનાવવા માટે 61 સભ્યોની જરૂર હોય છે. આ સમયે નેતન્યાહુ ગઠબંધનની પાસે 53 સભ્યો છે.

બુધવારથી સરકાર બનાવવાની કવાયત શરૂ થશે

ટાઇમ્સ ઓફ ઇઝરાયલ પ્રમાણે ઇઝરાયલના રાષ્ટ્રપતિ હર્ઝોગ બુધવારે એક-એક કરી બધી પાર્ટીઓ સાથે વાચચીત કરશે. હર્ઝોગ ત્યારબાદ કોઈ એક નેતાને સરકાર બનાવવા માટે બોલાવી શકે છે. હર્ઝોગે એક નિવેદનમાં કહ્યું કે આપણે વધુ એક ચૂંટણીથી બચવાની જરૂર છે.

હર્ઝોગનો પ્રથમ પ્રયાસ બહુમતના આધારે નેતા પસંદ કરવાનો હશે. જો કોઈ દળ બહુમતી સાબિત ન કરી શકે તો અંતે ગૃહને ભંદ કરી દેવામાં આવશે. જો તેમ થાય તો આગામી ચૂંટણી સુધી નેતન્યાહુ વચગાળાના પ્રધાનમંત્રી રહી શકે છે.