સાઉદી અરબને બચાવમાં આવ્યા પાકિસ્તાન અને તુર્કી, લડવા માટે મોકલશે પોતાના સૌનિકો! જાણો

Mecca Joint Defence Agreement: સાઉદી અરેબિયામાં હુથી વિદ્રોહિયો દ્વારા કરવામાં આવેલા અનેક હુમલાઓ વચ્ચે, મક્કા કરાર પહેલીવાર અમલમાં આવ્યો છે. અહેવાલો અનુસાર, પાકિસ્તાન અને તુર્કીએ મક્કા સંયુક્ત સંરક્ષણ કરારની શરતો હેઠળ સાઉદી અરેબિયામાં પોતાના સૈનિકો મોકલવાનો નિર્ણય લીધો છે. સોમવારે રિયાધમાં યોજાયેલી ઈમજન્સીની બેઠક બાદ આ નિર્ણય લેવામાં આવ્યો હતો.

અહેવાલો અનુસાર, ત્રણેય દેશોના વરિષ્ઠ નેતાઓએ બેઠકમાં હાજરી આપી હતી. પાકિસ્તાનના આર્મી ચીફ ફિલ્ડ માર્શલ અસીમ મુનીર, વિદેશ પ્રધાન ઇશાક દાર અને સંરક્ષણ પ્રધાન ખ્વાજા આસિફ હાજર હતા. બેઠક દરમિયાન, ત્રણેય દેશોએ હુથી બળવાખોરો દ્વારા કરવામાં આવેલા હુમલાઓની સખત નિંદા કરતા એક નિવેદન બહાર પાડ્યું હતું અને કહ્યું હતું કે તેમને સહન કરવામાં આવશે નહીં.

ઓગસ્ટમાં થયો હતો આ કરાર

મક્કા કરાર પર અગાઉ ઓગસ્ટમાં સંમતિ થઈ હતી. નાટોના આર્ટિકલ 5ની જેમ, મક્કા કરારની મુખ્ય જોગવાઈ એ છે કે એક સભ્ય દેશ પર સશસ્ત્ર હુમલો બધા સભ્યો પર હુમલો માનવામાં આવે છે. આનો અર્થ એ છે કે કોઈપણ દેશ જે હુમલો કરે છે તે આપમેળે ગ્રુપના અન્ય દેશોને પોતાનો બચાવ કરવાનો અધિકાર આપે છે.

સાઉદી અરેબિયા, તુર્કી અને પાકિસ્તાન વચ્ચેના કરારના લગભગ એક મહિના પછી, પાકિસ્તાન અને તુર્કીએ પરીક્ષાનો સામનો કરવો પડ્યો. ખાસ કરીને પાકિસ્તાનને ઈરાન સમર્થિત જૂથ હુથી બળવાખોરોનો સામનો કરવો પડ્યો. તાજેતરના દિવસોમાં સાઉદી અરેબિયા પર હુથીઓના વધતા હુમલા છતાં ચૂપ રહેવા બદલ પાકિસ્તાનની ભારે ટીકા થઈ હતી. હવે, તમામ ક્ષેત્રો તરફથી ટીકાનો સામનો કર્યા પછી, પાકિસ્તાન સાઉદી અરેબિયાને મદદ કરવા સંમત થયું છે.

શું કરાર થયો હતો?

ત્રણેય દેશોએ કરારની શરતોને તાત્કાલિક અમલમાં મૂકવા અને સાઉદી અરેબિયામાં લશ્કરી સૈનિકો મોકલવા સંમત થયા છે. ત્રણેય દેશોએ તાત્કાલિક લશ્કરી દળો અને સંસાધનો તૈનાત કરવાનું વચન આપ્યું છે. જો કે, હજુ સુધી સત્તાવાર રીતે જાહેર કરવામાં આવ્યું નથી કે સાઉદી અરેબિયામાં કેટલા પાકિસ્તાની અને તુર્કી સૈનિકો મોકલવામાં આવશે. તે પણ સ્પષ્ટ નથી કે આ સૈનિકો સીધા યુદ્ધના મેદાનમાં પ્રવેશ કરશે કે ફક્ત સાઉદી અરેબિયાના મહત્વપૂર્ણ માળખાકીય સુવિધાઓ અને સરહદોનું રક્ષણ કરશે.

વધારે વધી રહ્યું છે યુદ્ધ

આ દરમિયાન, પશ્ચિમ એશિયામાં યુદ્ધ વધુ ઊંડું થઈ રહ્યું છે. હુથી બળવાખોરોએ સોમવારે સાઉદી અરેબિયા પર છેલ્લા 24 કલાકમાં તેમના પ્રદેશ પર 106 હવાઈ હુમલા કરવાનો આરોપ લગાવ્યો છે. આ દરમિયાન, યમનમાં સાઉદીની આગેવાની હેઠળના ગઠબંધન  ગ્રુપોએ બાબ અલ-મંડેબની આસપાસના ઘણા મુખ્ય વિસ્તારો પર ફરીથી નિયંત્રણ મેળવ્યું છે. અધિકારીઓએ જણાવ્યું હતું કે તેઓએ બાબ અને હદીદ શહેરો પર પણ નિયંત્રણ મેળવ્યું છે.