Gujarat News Live: જ્ઞાનેશ કુમાર CECના પદ પરથી હટશે અને જેલ જશે: રાહુલ ગાંધી, તાલાલા પંથકમાં કમોસમી વરસાદ

દિલ્લીના રામલીલા મેદાનમાં મહારેલીને સંબોધન કરતા રાહુલ ગાંધીએ કહ્યું કે, જ્ઞાનેશ કુમારે મુખ્ય ચૂંટણી કમિશનર (CEC)ના પદ પરથી રાજીનામું આપવું પડશે અને તેઓ જેલમાં જશે. આ કોઈ સામાન્ય ચોરી નથી, પરંતુ આ દરેક ભારતીય નાગરિકના મત અને અવાજની ચોરી છે. રાહુલ ગાંધીએ આને દેશદ્રોહનું કૃત્ય ગણાવ્યું.

તેમણે આરોપ લગાવ્યો કે આ લોકોએ તમામ બંધારણીય સંસ્થાઓ પર કબજો જમાવી લીધો છે. તેમણે દલીલ કરી કે, ખેડૂતોને તેમના અધિકારોથી વંચિત રાખવામાં આવી રહ્યા છે, યુવાનોને રોજગારી મળી રહી નથી. રાહુલે વધુમાં આરોપ લગાવ્યો કે હજારો કરોડની લોન માફ કરી દેવામાં આવે છે, જ્યારે જો કોઈ સામાન્ય નાગરિક આવું જ કંઈક કરે, તો તેને માર મારવામાં આવે અને જેલમાં નાખી દેવામાં આવે છે.

પંચમહાલમાં ખનીજ માફિયાઓ બેફામ બન્યા છે. ઘોઘંબા તાલુકાના સાજોરા પંથકમાં બેફામ રેતી અને માટી ચોરીના આક્ષેપ સામે આવ્યા છે. જાગૃત નાગરિકે વીડિયો બનાવી રેતી માટી ચોરીનો પર્દાફાશ કર્યો છે. હાલ પણ આ વિસ્તારમાં માફિયાઓ દ્વારા ખનન ચાલુ હોવાના આક્ષેપ છે. ખાન ખનીજ વિભાગ ઘોર નિંદ્રામાં હોય તેવું લાગી રહ્યું છે. 

દિવાળી પર્વ નિમિત્તે ગુજરાતના 143 કેદીઓને 15 દિવસના પેરોલ મંજૂર કરવામાં આવ્યા છે. 6 નવેમ્બરથી ધનતેરસના દિવસે કેદીઓને પેરોલ પર મુક્ત કરાશે. 60 વર્ષથી વધુ વયના 103 પુરુષ કેદીઓ અને 40 મહિલા કેદીઓને લાભ મળશે. વર્ષ 2003થી રાજ્ય સરકાર દ્વારા દિવાળી પર્વ પર કેદીઓને પેરોલ આપવાની પરંપરા છે. નાયબ મુખ્યમંત્રી હર્ષ સંઘવીના માર્ગદર્શન હેઠળ રાજ્ય સરકારનો નિર્ણય. પરિવારજનો સાથે દિવાળી ઉજવવાની તક મળશે. ગંભીર ગુનાઓમાં સજા ભોગવતા કેદીઓને પેરોલનો લાભ નહીં મળે.

A decision rooted in compassion and humanity. The Gujarat Government has granted 𝟭𝟱 𝗱𝗮𝘆𝘀 𝗼𝗳 𝗗𝗶𝘄𝗮𝗹𝗶 𝗽𝗮𝗿𝗼𝗹𝗲 𝘁𝗼 𝟭𝟰𝟯 𝗲𝗹𝗶𝗴𝗶𝗯𝗹𝗲 𝗽𝗿𝗶𝘀𝗼𝗻𝗲𝗿𝘀, giving them an opportunity to celebrate the festival of lights with their families and loved ones. An initiative that recognises the importance of family bonds, human values and the spirit of rehabilitation.

— Harsh Sanghavi (@sanghaviharsh) November 1, 2026

દિલ્લીના રામલીલા મેદાનમાં INDIA બ્લોકની મહારેલી યોજાઈ રહી છે. CEC જ્ઞાનેશકુમારના રાજીનામાની માગ સાથે તમામ વિપક્ષી નેતાઓ માર્ચમાં જોડાયા. પોલીસ 200 CCTV અને ડ્રોન કેમેરાથી ભીડ પર નજર રાખી રહી છે. રેલીમાં વિરોધ પક્ષોના ટોચના નેતાઓ ઉપરાંત પક્ષના કાર્યકરો, વિદ્યાર્થી સંગઠનો અને સમાજના પ્રતિનિધિઓ સહિત વિશાળ જનમેદની ઉમટી પડી છે.