SOCIAL MEDIA

Newsletter

PARTNER SITES
Select Language Select State

TAT પરીક્ષાના પરિણામ સામે ઉમેદવારોમાં રોષ, પરીક્ષાર્થીઓનો ગાંધીનગરમાં ઉગ્ર વિરોધ, નિષ્પક્ષ તપાસની માંગ

TAT Candidate Protest : ગુજરાતમાં TAT હાયર સેકન્ડરીની લગભગ 47 હજાર જેટલા ઉમેદવારોએ પરીક્ષા આપી હતી. જેમાંથી 30 હજાર ઉમેદવાર ફેલ થતાં પરીક્ષાર્થીઓમાં અસંતોષ ફેલાયો છે. રાજ્યભરમાંથી પરીક્ષાર્થીઓ ગાંધીનગર ખાતે એકત્રિત થયા હતા અને વિરોધ નોંધાવ્યો હતો.

Written By Dilip Chaudhary
Published: Nov 16, 2026, 17:34 IST | Updated: Nov 16, 2026, 17:47 IST
Join

TAT Candidate Protest : ગુજરાતમાં TAT હાયર સેકન્ડરીની પરીક્ષાના પરિણામને લઈને ઉમેદવારોમાં ભારે નારાજગી જોવા મળી રહી છે. પરીક્ષામાં મોટી સંખ્યામાં ઉમેદવારો નાપાસ થતાં રાજ્યભરમાંથી પરીક્ષાર્થીઓ ગાંધીનગર ખાતે એકત્રિત થયા હતા. સેક્ટર-21 સ્થિત ગુજરાત રાજ્ય પરીક્ષા બોર્ડ ખાતે પહોંચેલા ઉમેદવારોએ પરિણામ સામે વિરોધ નોંધાવી રજૂઆત કરી હતી. ઉમેદવારોએ બંને પેપરના માર્ક જાહેર કરવા તેમજ પરિણામની નિષ્પક્ષ તપાસ કરવાની માંગ સાથે બોર્ડને આવેદનપત્ર આપ્યું હતું.

મુખ્યમંત્રી પદ કોળી સમાજ પાસે હોવું જોઈએ': પાટીદારોના દબદબા વચ્ચે ભાજપના જ ધારાસભ્યે નવો પલિતો ચાંપ્યો, જાણો શું છે વિવાદ

TAT હાયર સેકન્ડરીની પરીક્ષામાં અંદાજે 47 હજાર જેટલા ઉમેદવારોએ પરીક્ષા આપી હતી. જેમાંથી આશરે 16 હજાર ઉમેદવારો જ પાસ થયા હોવાનું સામે આવ્યું છે, જ્યારે લગભગ 30 હજાર જેટલા ઉમેદવારો નાપાસ થતાં પરીક્ષાર્થીઓમાં અસંતોષ ફેલાયો છે. આ પરિણામને લઈને ઉમેદવારોમાં અનેક સવાલો ઊભા થયા છે.

બંને પેપરના માર્ક જાહેર કરવાની માંગ

ગાંધીનગરના સેક્ટર-21 ખાતે એકત્રિત થયેલા ઉમેદવારોએ ગુજરાત રાજ્ય પરીક્ષા બોર્ડ સમક્ષ પોતાની રજૂઆત કરી હતી. ઉમેદવારોનું કહેવું છે કે પરીક્ષાના પરિણામમાં પારદર્શિતા હોવી જરૂરી છે. ખાસ કરીને પેપર-1 અને પેપર-2ના અલગ-અલગ માર્ક જાહેર કરવામાં આવે, જેથી ઉમેદવારોને પોતાના પરિણામ અંગે સ્પષ્ટ માહિતી મળી શકે.

 

ઉમેદવારોએ એવી પણ માંગ કરી છે કે પરિણામની નિષ્પક્ષ રીતે તપાસ કરવામાં આવે અને મૂલ્યાંકન પ્રક્રિયામાં કોઈ ભૂલ થઈ હોય તો તેની યોગ્ય ચકાસણી કરવામાં આવે.

ગાંધીનગરના કાવાદાવા : ગુજરાતના રાજકારણમાં PM મોદીને શેનો ડર? સરકાર-સંગઠનને માપમાં રહેવાનો સંદેશ આપ્યો

પરીક્ષા બોર્ડને આવેદનપત્ર આપી ન્યાયની માંગ

રાજ્યના અલગ-અલગ જિલ્લાઓમાંથી ગાંધીનગર પહોંચેલા ઉમેદવારોએ પરીક્ષા બોર્ડ સામે વિરોધ નોંધાવી આવેદનપત્ર સુપરત કર્યું હતું. ઉમેદવારોની મુખ્ય માંગ છે કે બંને પેપરના ગુણ જાહેર કરવામાં આવે, પરિણામની પારદર્શક તપાસ કરવામાં આવે અને ઉમેદવારોને ન્યાય મળે.

હવે ઉમેદવારોની આ રજૂઆત બાદ ગુજરાત રાજ્ય પરીક્ષા બોર્ડ દ્વારા શું નિર્ણય લેવામાં આવે છે અને પરિણામ અંગે કોઈ સ્પષ્ટતા કરવામાં આવે છે કે નહીં તેના પર સૌની નજર છે.

Add Zee News as a Preferred Source
TAGS:

About the Author

2020માં Inshorts સાથે પત્રકારત્વ ક્ષેત્રે કારકિર્દીની શરૂઆત કરી. જ્યાં બે વર્ષથી વધુ સમય સુધી ગુજરાતી કન્ટેન્ટ સ્પેશિયાલિસ્ટ તરીકે કામ કર્યું. ત્યારબાદ Sandesh Digital સાથે જોડાયા, જ્યાં ગુજરાતના લોકલ સમાચાર ઉપરાંત નેશનલ અને સ્પોર્ટ્સ સહિતની વિવિધ કેટેગરીમાં કામ કર્યું. આ દરમિયાન ગુજરાત વિધાનસભા ચૂંટણી 2022 અને IPL જેવી મહત્વપૂર્ણ ઇવેન્ટ્સ કવર કરી. ત્યારબાદ TV9 Gujarati સાથે જોડાયા, જ્યાં ગુજરાતના લોકલ સમાચાર ઉપરાંત નોલેજ, બિઝનેસ, ઓટો સહિતની વિવિધ કેટેગરીમાં કામ કર્યું. આ ઉપરાંત પ્રીમિયમ કન્ટેન્ટ માટે પણ કામ કર્યું અને રિસર્ચ-બેઝ્ડ સ્ટોરી લખવાનો અનુભવ મેળવ્યો. હાલમાં Zee 24 Kalakમાં સિનિયર સબ-એડિટર તરીકે કાર્યરત છે અને સ્પોર્ટ્સ, બિઝનેસ, ગુજરાત, જોબ્સ, ઓટો અને ટેક સહિતની વિવિધ કેટેગરીનું કન્ટેન્ટ તૈયાર કરી સરળ ભાષામાં વાચક મિત્રો સુધી પહોંચાડી રહ્યા છે.
Read More

ZEENEWS TRENDING STORIES