વાપીની દીકરીનો તુર્કીમાં ડંકો: આંતરરાષ્ટ્રીય ગ્રેપલિંગ ચેમ્પિયનશિપમાં મેડલ જીતી દેશનું ગૌરવ વધારતી કરીના

નિલેશ જોશી/વાપી: નાના શહેરની અને સામાન્ય કુટુંબમાંથી આવતી કરીના કૌલતેએ દીકરીની આંતરરાષ્ટ્રીય સિદ્ધિને કારણે સિદ્ધિએ કરીનાએ પોતાના પરિવાર અને વાપી સહિત સમગ્ર દેશનું નામ રોશન કર્યું છે. નાની ઉંમરમાં તુર્કીના ઉસ્તંબુલમાં યોજાયેલી આંતરરાષ્ટ્રીય ગ્રેપલીંગ ચેમ્પિયનશિપમાં વાપીની આ દીકરીએ આંતરરાષ્ટ્રીય મંચ સુધી પહોંચી છે. સામાન્ય પરિવારમાંથી આવી અને મેડલ જીતનાર કરીનાની આ સિદ્ધિ પાછળ તેની સતત મહેનત, કઠોર પરિશ્રમ અને કોચનું માર્ગદર્શન મહત્વપૂર્ણ રહ્યું છે.

કરીનાની આંતરરાષ્ટ્રીય સફરની શરૂઆત વર્ષ 2025માં થાઈલેન્ડ ખાતે યોજાયેલી Asian & Oceania Grappling Championshipથી થઈ હતી. જ્યાં તેને પ્રથમ વખત ભારતનું પ્રતિનિધિત્વ કરવાની તક મળી હતી. ત્યારબાદ સતત મહેનતના પરિણામે તેણે ઇસ્તંબુલની આંતરરાષ્ટ્રીય સ્પર્ધામાં બ્રોન્ઝ મેડલ મેળવ્યો છે. કરીનાની આ સફળતાથી વાપી પંથકમાં ખુશીનો માહોલ છે.

મહત્વપૂર્ણ છે કે આ આંતરરાષ્ટ્રીય ચેમ્પિયનશિપમાં ભારતમાંથી કુલ 17 લોકોએ ભાગ લીધો હતો. જેમાં પાંચ ગુજરાતી દિકરા દીકરીઓ હતા. તેમાંથી ચાર ગુજરાતીઓએ પણ આંતરરાષ્ટ્રીય ચેમ્પિયનશિપમાં મેડલ મેળવી સમગ્ર દેશ અને દુનિયામાં ગુજરાતને નું નામ રોશન કર્યું છે.

જોકે અન્ય રમત ગમતો ને સરકાર દ્વારા પ્રોત્સાહન મળે છે. પરંતુ આ ગ્રેપ્લિંગ ની રમતને હજુ સુધી કોઈ સરકારી પ્રોત્સાહન નહીં મળતું હોવાથી આ દીકરા દીકરીઓએ સ્વખર્ચે વિદેશમાં ચેમ્પિયનશિપમાં ભાગ લઈ લીધો હતો. આથી આંતરરાષ્ટ્રીય સ્તરે દેશ અને રાજ્યને પ્રસિદ્ધિ અપાવનાર આવા યુવા અને પ્રતિભાશાળી ખેલાડીઓ સરકારની મદદની અપેક્ષા રાખી રહ્યા છે.