પંચાયત વિભાગનો મોટો નિર્ણય! 6 તાલુકા વિકાસ અધિકારીઓની તાત્કાલિક બદલી

Gujarat Government : રાજ્યના પંચાયત વિભાગ દ્વારા તાલુકા વિકાસ અધિકારીઓની બદલી અને નવી જગ્યાએ નિમણૂક અંગે મહત્વપૂર્ણ આદેશ જાહેર કરવામાં આવ્યો છે. આ આદેશ મુજબ રાજ્યના વિવિધ જિલ્લાઓમાં ફરજ બજાવતા છ તાલુકા વિકાસ અધિકારીઓની બદલી કરવામાં આવી છે.

સરકારના આદેશ અનુસાર, સિદ્ધપુર, માંગરોળ, અંબિકા, મહેમદાબાદ અને અન્ય તાલુકાઓમાં ફરજ બજાવતા અધિકારીઓને નવી જગ્યાએ જવાબદારી સોંપવામાં આવી છે. આ વહીવટી ફેરફારથી તાલુકા અને જિલ્લા સ્તરે વહીવટી કામગીરીમાં નવી જવાબદારીઓની ફાળવણી થશે.

અમદાવાદ, ગાંધીનગર, સુરત સહિત 6 શહેરોના 29 ઠેકાણાઓ પર EDના દરોડા, 1 લાખથી વધુ નાના રોકાણકારો ફસાયા

કોની કઈ જગ્યાએ થઈ બદલી?

સિદ્ધપુર ખાતે તાલુકા વિકાસ અધિકારી તરીકે ફરજ બજાવતા વિજયસિંહ બાજુજી પરમારની સુરત જિલ્લાના માંગરોળ તાલુકામાં તાલુકા વિકાસ અધિકારી તરીકે નિમણૂક આપવામાં આવી છે.

તેવી જ રીતે, હરદિપસિંહ છત્રસિંહ ધરિયા, જેઓ માંગરોળ તાલુકામાં ફરજ બજાવતા હતા, તેમની પાટણ જિલ્લાના સિદ્ધપુર તાલુકામાં બદલી કરવામાં આવી છે. ડૉ. પી. એસ. આસોડિયા, જેઓ સુરત જિલ્લાના અંબિકા ખાતે ફરજ બજાવતા હતા, તેમને ડાંગ જિલ્લાના આહવા ખાતે તાલુકા વિકાસ અધિકારી તરીકે નવી જવાબદારી સોંપવામાં આવી છે.

પંકજકુમાર જોરાવરસિંહ મહીડાની મહેમદાબાદથી ગાંધીનગર ખાતે ગુજરાત ગ્રામ ગૃહ નિર્માણ બોર્ડમાં મદદનીશ વહીવટી અધિકારી તરીકે નિમણૂક કરવામાં આવી છે.

પંચાયત વિભાગના વહીવટી માળખામાં ફેરફાર

બીજી તરફ, સ્વૈચ્છિક બદલીના ભાગરૂપે ભાવનાબેન નાનજી વાલેરાની અમરેલીના બગસરાથી રાજકોટ જિલ્લા પંચાયત કચેરીમાં અને મહેશ પરસોત્તમભાઈ વિરાણીની વડોદરાના શિનોરથી વલસાડ જિલ્લા પંચાયત કચેરીમાં ચીટનીશ કમ તાલુકા વિકાસ અધિકારી તરીકે નિમણૂક કરવામાં આવી છે.

વિભાગ દ્વારા જાહેર કરાયેલા આદેશમાં સંબંધિત અધિકારીઓને નવી જગ્યાએ ફરજ સંભાળવા સૂચના આપવામાં આવી છે. આ બદલીના આદેશથી રાજ્યના ગ્રામ વિકાસ અને પંચાયત વિભાગના વહીવટી માળખામાં ફેરફાર થશે.