ગુજરાત સરકારે જાહેર કર્યું વર્ષ 2027ની જાહેર રજાઓનું કેલેન્ડર; જાણો સરકારના કર્મચારીઓ અને બેંકની રજાઓનું લિસ્ટ
Gujarat Government Holiday List 2027: ગુજરાત સરકારે વર્ષ ૨૦૨૭ની જાહેર રજાઓનું કેલેન્ડર જાહેર કર્યું. વર્ષ ૨૦૨૭ દરમિયાન રાજ્ય સરકારની કચેરીઓમાં ૨૨ જાહેર રજાઓ રહેશે. દિવાળી ઉત્તરાયણ હોળી ઈદ અને જન્માષ્ટમી સહિતના તહેવારોની રજાઓ જાહેર. સરકારી કર્મચારીઓ માટે ૪૨ મરજિયાત રજાઓની યાદી પણ જાહેર કરાઈ. બેંકો માટે અલગથી જાહેર રજાઓનું કેલેન્ડર જાહેર. ગુજરાત સરકારના સામાન્ય વહીવટ વિભાગ દ્વારા જાહેરનામું બહાર પડાયું.
Gujarat Government Holiday List 2027: ગુજરાતના સીએમ ભૂપેન્દ્ર પટેલ સરકારના સામાન્ય વહીવટ વિભાગ દ્વારા બહાર પાડવામાં આવેલા જાહેરનામા અનુસાર વર્ષ 2027માં વિવિધ ધાર્મિક અને રાષ્ટ્રીય તહેવારો પર રજાઓ નિશ્ચિત કરવામાં આવી છે. રાજ્યની સરકારી કચેરીઓ માટે આ રજાઓ લાગુ રહેશે. આ સાથે જ, કર્મચારીઓ માટે કુલ 42 મરજિયાત રજાઓની યાદી પણ સાથે બહાર પાડવામાં આવી છે, જેમાંથી કર્મચારીઓ નિયમ મુજબ વધુમાં વધુ બે મરજિયાત રજાઓનો લાભ મળી રહેશે.
બેંક કર્મચારીઓ માટે અલગ કેલેન્ડર: રવિવાર-શનિવારે આવતા તહેવારોની વધારાની રજા નહીં મળે
સરકારી કર્મચારીઓની જેમ જ બેંક કર્મચારીઓ માટે પણ અલગથી જાહેર રજાઓનું કેલેન્ડર જાહેર કરવામાં આવ્યું છે. બેંકોના વ્યવહારો અને નાણાકીય સેવાઓને ધ્યાનમાં રાખીને આ રજાઓની અલગ યાદી તૈયાર કરાઈ છે.
વર્ષ 2027માં કુલ 34 દિવસની શું છે રજાઓનું ગણિત
ગુજરાત સરકારના કર્મચારીઓ માટે વર્ષ 2027 રજાઓની દ્રષ્ટિએ ખૂબ જ રાહતભર્યું રહેવાનું છે. નિયમિત સાપ્તાહિક રજાઓ અને જાહેર રજાઓને ભેગી કરીને કુલ ગણતરી કરીએ તો કર્મચારીઓને મોટો લાભ મળશે. જેમાં 52 રવિવારની નિયમિત રજાઓ, 24 બીજા તથા ચોથા શનિવારની રજાઓ, રવિવાર અને શનિવાર સિવાયના દિવસોમાં આવતી 18 જાહેર રજાઓનો સમાવેશ થાય છે. આમ, કુલ 365 દિવસના વર્ષમાંથી કર્મચારીઓને કુલ 94 દિવસ રજા મળશે, જ્યારે બાકીના 271 દિવસ કામકાજના રહેશે.
