રીલ જેવી લૂંટ, રિયલમાં ફેલ: અમદાવાદમાં આંગડિયા પેઢીને લૂંટવા આવેલા શખ્સો પોલીસના સળિયા પાછળ!, જાણો ક્યાં ભૂલ કરી
Ahmedabad Police : ગુનેગારો ગમે તેટલા શાતિર કેમ ન હોય, પણ કાયદા અને બહાદુરી સામે અંત નિશ્ચિત હોય છે! ત્રણ દેશી તમંચા, ઓગણીસ જીવતા કારતૂસ અને આંગડિયા પેઢીના ટેબલ પર પડેલા 11 લાખ રૂપિયા પર લુટારુઓની નજર! અમદાવાદના ઈસનપુરમાં ગુરુવારે સાંજે એક એવો ખૌફનાક ખેલ ખેલાયો, જેણે સમગ્ર અમદાવાદને હચમચાવી દીધું. કેવી રીતે રચાયો હતો આ આખો બિહારી ગેંગનો માસ્ટર પ્લાન? અને કેવી રીતે પોલીસે ગણતરીની મિનિટોમાં આ ગેંગનો ખેલ ખતમ કરી નાખ્યો? જુઓ સાવધાન ગુજરાતમાં.
Bihari Gang busted Ahmedabad : ૩ દેશી તમંચા, 19 જીવતા કારતૂસ અને 10 થી 15 છરીઓ! હથિયારોનો આ આખો જથ્થો કોઈ આતંકવાદી ગેંગનો નથી, પરંતુ અમદાવાદના ઈસનપુરમાં ત્રાટકેલી એક લુટારુ ગેંગનો છે. અમદાવાદના નારોલ બીઆરટીએસ પાસે આવેલી પટેલ મહેન્દ્ર સોમા આંગડિયા પેઢીમાં ગઈકાલે સાંજે લૂંટનો એક એવો હચમચાવતો બનાવ બન્યો, જે કોઈ બોલિવૂડ ફિલ્મની સ્ક્રિપ્ટ જેવો હતો.
- માથે તમંચો...ટેબલ પર 11 લાખ
- એક મિનિટનો ખૌફનાક ખેલ
- રીલ જેવી લૂંટ...રિયલમાં ફેલ
બે હથિયારધારી લૂંટારૂઓ કાળ બનીને અંદર ઘૂસી ગયા. પેઢીના કર્મચારી અંકિત ગજ્જર કંઈ સમજે તે પહેલાં જ એક લૂંટારૂએ તેમના માથા પર દેશી તમંચો તાણ્યો અને બીજાએ પેટના ભાગે બંદૂક નભાવી બિહારી ભાષામાં ગર્જના કરી. 'પૈસા નિકાલો!' તે સમયે પેઢીની અંદર 11 લાખ રૂપિયાની કેશ પડી હતી.
એક મિનિટ સુધી ઝપાઝપી ચાલી
મોત સામે ઉભું હતું છતાં અંકિત ગજ્જર જરાય ડર્યા નહીં. તેમણે જીવના જોખમે લૂંટારાઓના હાથ પકડી લીધા અને બંને વચ્ચે એક મિનિટ સુધી ઝપાઝપી ચાલી. લૂંટારાઓ ફાયરિંગ ન કરી શક્યા અને આસપાસના લોકો એલર્ટ થતાં જ ગેંગ ભાગી છૂટી.
- ત્રણ તમંચા...લૂંટનો પ્લાન
- ફિલ્મી સ્ટાઈલમાં લૂંટનો ખેલ
- 11 લાખ પર લૂંટારુઓની નજર
- રીલ જેવી લૂંટ...રિયલમાં ફેલ
- તમંચા સાથે ત્રાટક્યા...પ્લાન થયો ફેલ
પરંતુ અસલી ટ્વિસ્ટ હવે શરૂ થાય છે. આસપાસના કર્મીઓએ તાત્કાલિક ઈસનપુર પોલીસને ફોન જોડ્યો અને માત્ર ગણતરીની મિનિટોમાં પોલીસનો કાફલો લૂંટારુઓ પર તૂટી પડ્યો.પોલીસ આટલી સુપરફાસ્ટ કેમ પહોંચી? કારણ કે બરાબર 15 દિવસ પહેલાં જ ઈસનપુર પોલીસે આંગડિયા કર્મીઓ સાથે સ્પેશિયલ સિક્યોરિટી મીટિંગ કરીને ડાયરેક્ટ નંબર આપ્યા હતા, જે આ લૂંટમાં બ્રહ્માસ્ત્ર સાબિત થયા.
અલી મહમદ શેખને રંગેહાથ દબોચી લીધા
ઈસનપુર પોલીસે આ ફિલ્મી લૂંટના મુખ્ય માસ્ટરમાઈન્ડ રાજન ધનંજય શાહ અને તેના 60 વર્ષીય મદદગાર અલી મહમદ શેખને રંગેહાથ દબોચી લીધા છે, જ્યારે હથિયાર સપ્લાય કરનાર પ્રીતમ સિંહ હજુ ફરાર છે.
બિહારમાં સેટલ થવાનો આ ખતરનાક શૉર્ટકટ પ્લાન બનાવ્યો
પકડાયેલી આ આખી ગેંગ મૂળ બિહારના સિવાન જિલ્લાની છે. પૂછપરછમાં લૂંટ પાછળનું જે કારણ સામે આવ્યું તે પણ આશ્ચર્યજનક છે...મુખ્ય આરોપી રાજન ચંડોળા તળાવ પાસે ભાડાના મકાનમાં રહેતો હતો, પરંતુ ડિમોલિશનમાં તેનું મકાન તૂટી જતાં તે કંગાળ બન્યો હતો. છૂટક મજૂરીમાં કમાણી ન થતાં તેણે આંગડિયા પેઢી લૂંટીને મળેલા લાખો રૂપિયા સાથે કાયમ માટે બિહારમાં સેટલ થવાનો આ ખતરનાક શૉર્ટકટ પ્લાન બનાવ્યો હતો.પરંતુ કાયદાના લાંબા હાથે લુટારુઓના આ બિહારી પ્લાનને લોકઅપની અંધારી કોટડીમાં બદલી નાખ્યો છે...
જો નાગરિકો બહાદુરી બતાવે અને પોલીસ સમયસર પહોંચી જાય, તો ગમે તેવા ગુનેગારોના મનસૂબા પર પાણી ફરી વળે છે. લૂંટ ચલાવીને લાખો રૂપિયા સાથે બિહાર ભાગી જવાનું સપનું જોનારા આ લુટારુઓને કદાચ ખબર નહોતી કે આ અમદાવાદ છે, અહીં ગુનેગારો માટે કોઈ સ્થાન નથી!.
