SOCIAL MEDIA

Newsletter

PARTNER SITES
Select Language Select State

હવે ટ્રાયલ દૂર નથી: સુરત-બિલીમોરા વચ્ચે બુલેટ ટ્રેન ટ્રેક પર વીજળી દોડતી થઈ, 2027 માં પ્રથમ તબક્કો શરૂ કરવાની તૈયારી

Mumbai-Ahmedabad Bullet Train: મુંબઈ-અમદવાદ બુલેટ ટ્રેન પરિયોજના પર રેલવેએ મોટું અપડેટ આપ્યું છે. જેમાં સુરત-બિલિમોરા ખંડ પર ઓવરહેડ ઇક્વિપમેન્ટ ચાલૂ કરી દેવામાં આવ્યું છે.

Written By Gokani Dhaval
Published: Nov 22, 2026, 16:08 IST | Updated: Nov 22, 2026, 16:14 IST
Join

મુંબઈ-અમદાવાદ બુલેટ ટ્રેન પરિયોજના પર ઝડપથી કામ કરવામાં આવી રહ્યું છે. આ ભારતીય રેલવેનો મહત્વનો પ્રોજેક્ટ છે, જેના પર નવું અપડેટ આવ્યું છે. રેલવે તરફથી મળેલી જાણકારી પ્રમાણે સુરત-બિલિમોરા ખંડ પર ઓવરહેડ ઇક્વિપમેન્ટ સિસ્ટમને હવે ચાલૂ કરી દેવામાં આવી છે. નેશનલ હાઈ સ્પીડ રેલ કોર્પોરેશન લિમિટેડ (NHSRCL) એ શનિવારે આ જાણકારી આપી છે. જેમાં જણાવવામાં આવ્યું કે 20 નવેમ્બર 2026ના 50 કિલોમીટર લાંબા આ સેક્શનની અપ અને ડાઉન બંને લાઇનોમાં વીજળી સપ્લાય શરૂ કરી દેવામાં આવી છે. આ ભારતની પ્રથમ બુલેટ ટ્રેન સેવા શરૂ કરવાની દિશામાં એક મહત્વનું પગલું છે. આ ટ્રેન પરિયોજના શરૂ થયા બાદ મુંબઈથી અમદાવાદનું અંતર માત્ર બે કલાકમાં પૂર્ણ થઈ જશે.

સુરત-બિલીમોરા વિભાગને ઉર્જા આપવામાં આવી

સુરત-બિલિમોરા સેક્શનને ઉર્જા આપવામાં આવી છે. સરળ ભાષામાં જણાવવામાં આવે તો જ્યાં સુધી બુલેટ ટ્રેનના ટ્રેક માત્ર લોખંડ અને કોંક્રીટનું માળખું હતા, પરંતુ OHE એનર્ઝાઇઝ થવાનો મતલબ છે કે હવે તે ટ્રેક ઉપર લાગેલા તારોમાં હાઈ-વોલ્ટેજ વીજળી દોડવા લાગી છે. આ વીજળી આગળ જતાં બુલેટ ટ્રેનને ચલાવશે, જેનાથી હવે બુલેટ ટ્રેનના ટ્રાયલની આશા આગળ વધી છે. હવે આ સેક્શન પર ધીમે-ધીમે નાના હિસ્સામાં વીજળી વધારવામાં આવશે અને તકનીકી ટીમોની હાજરીમાં ટેસ્ટિંગ થશે. રેલવે પાસેથી મળેલી જાણકારી પ્રમાણે સુરતથી બિલિમોરા વચ્ચે આશરે 50 કિલોમીટર લાંબો એલિવેટેડ ટ્રેક બનાવવામાં આવ્યો છે, આ અલાઇનમેન્ટમાં ચાર નદીઓ પર બનેલા પુલ અને નેશનલ હાઈવે-53 પર બનેલ એક સ્ટીલ બ્રિજ પણ સામેલ છે. આસપાસ રહેતા લોકોને ટ્રેનના અવાજથી ઓછી મુશ્કેલી થાય, તે માટે આ સંપૂર્ણ વાયાડક્ટ પર આશરે 94000 નોઇઝ બેરિયર લગાવવામાં આવ્યા છે.

આ પણ વાંચોઃ કચ્છ અને કોટા અકસ્માત પર PM મોદીએ દુખ વ્યક્ત કર્યું: મૃતકોને ₹2 લાખ

મુંબઈ-અમદાવાદ કોરિડોર પર રેલવેનું ફોકસ

મુંબઈ-અમદાવાદ કોરિડોર પર ભારતીય રેલવેનું પણ ફોકસ છે. 508 કિલોમીટર લાંબા આ કોરિડોરમાં આધુનિક 2x25 કેવી ઓવરહેડ ટ્રેક્શન સિસ્ટમ લગાવવામાં આવી રહી છે, આ દુનિયાભરમાં હાઈ-સ્પીડ રેલ સિસ્ટમમાં ઉપયોગ થનાર સૌથી આધુનિક તકનીકમાંથી એક છે. સંપૂર્ણ કોરિડોરમાં કુલ 14 ટ્રેક્શન સબ-સ્ટેશન બનાવવામાં આવી રહ્યાં છે, આ સબ-સ્ટેશન નેશનલ ગ્રિડથી વીજળી લઈ ઓવરહેડ વાયર સુધી પહોંચાડશે. જેમાં ગુજરાતના નવસારી જિલ્લામાં બનાવવામાં આવેલું પ્રથમ ટ્રેક્શન સબ-સ્ટેશન સંપૂર્ણ રીતે તૈયાર થઈ ગયું છે. કંટ્રોલ પેનલ, ચેન્જઓવર સ્વિચ, ટ્રાન્સફોર્મર અને સર્કિટ બ્રેકર બિલ્ડિંગમાં ઈન્સ્ટોલેશનનું કામ પૂર્ણ થઈ ગયું છે. આ સેક્શન ચાલૂ થઈ ગયું છે.

મુંબઈ અમદાવાદ બુલેટ ટ્રેનમાં 12 સ્ટેશન હશે

મુંબઈ
થાણે
વિરાર
બોઈસર
વાપી
બીલીમોરા
સુરત
ભરૂચ
વડોદરા
આણંદ
અમદાવાદ
સાબરમતી

બુલેટ ટ્રેન પર રેલવે મંત્રીનું નિવેદન

મુંબઈ-અમદાવાદ બુલેટ ટ્રેનને બે તબક્કામાં શરૂ કરવાની તૈયારી છે. પહેલા તબક્કામાં સુરતથી વાપી વચ્ચે આશરે 100 કિલોમીટરનું સેક્શન હશે, જેમાં સુરત, બિલિમોરા અને વાપી, ત્રણ સ્ટેશન હશે. પહેલા યોજના માત્ર 50 કિમી સુરત-બિલિમોરાની હતી, બાદમાં તેને વધારી વાપી સુધી કરી દેવામાં આવ્યું છે. બીજા તબક્કામાં વાપીથી સુરત, પછી વાપીથી અમદાવાદ, ત્યારબાદ ઠાણેથી અમદાવાદ અને અંતમાં મુંબઈથી અમદાવાદ વચ્ચે શરૂ કરવામાં આવશે. ગુજરાતનો હિસ્સો ડિસેમ્બર 2027 સુધી અને સંપૂર્ણ કોરિડોર ડિસેમ્બર 2029 સુધી ચાલૂ કરવાનું લક્ષ્ય રાખવામાં આવ્યું છે.

જ્યારે સંપૂર્ણ કોરિડોર ચાલૂ થશે તો મુંબઈથી અમદાવાદની સફર માત્ર 1 કલાક 58 મિનિટમાં પૂર્ણ થશે. અત્યારે રોડ માર્ગે આ સફરમાં 7-8 કલાક લાગે છે. ફાસ્ટ સર્વિસમાં ટ્રેન માત્ર 4 સ્ટેશનો પર ઉભી રહેશે.
 

Add Zee News as a Preferred Source
TAGS:

About the Author

ધવલ ગોકાણી 14 વર્ષથી પત્રકારત્વમાં કાર્યરત છે. સ્પોર્ટસ, રાજનીતિ, બિઝનેસ, 'ટેક્નોલોજી, હેલ્થ અને રાષ્ટ્રીય-આંતરરાષ્ટ્રીય સમાચાર પર ખાસ નજર રાખે છે. ક્રિકેટ એમનું પેશન છે, ક્રિકેટ જગતના અવનવા રેકોર્ડની જાણકારી અને સમજ હોવાની સાથે તેઓ જુલાઈ 2017થી Z 24 Kalakમાં ચીફ સબ એડિટર તરીકે ફરજ બજાવે છે. આ પહેલાં એમને ETV Bharat અને News 18માં પણ કામ કર્યું છે. અર્થશાસ્ત્રમાં સ્નાતક હોવાની સાથે તેઓ સૌરાષ્ટ્ર યુનિવર્સસિટીમાંથી પત્રકારત્વનો અભ્યાસ કરી ચૂક્યા છે. 
Read More

ZEENEWS TRENDING STORIES