અમદાવાદીઓ સાવધાન! નવરાત્રિ ટાણે આ જીવલેણ રોગનો રાફડો ફાટ્યો; ખાલી સોલા સિવિલમાં જ 14,372 દર્દીઓ નોંધાયા

Ahmedabad News: અમદાવાદ શહેરમાં મચ્છરોના ઉપદ્રવને કારણે રોગચાળામાં નોંધપાત્ર વધારો થયો છે. ખાસ કરીને પશ્ચિમ વિસ્તારમાં આવેલી સોલા સિવિલ હોસ્પિટલ ખાતે દર્દીઓની ભારે ભીડ અને ધસારો જોવા મળી રહ્યો છે. સોલા સિવિલ હોસ્પિટલની OPDમાં માત્ર એક જ સપ્તાહ દરમિયાન કુલ 14,372 દર્દીઓ સારવાર અર્થે નોંધાયા છે. મચ્છરજન્ય રોગોમાં ડેન્ગ્યુનો ઉપદ્રવ સૌથી વધુ જોવા મળ્યો છે. સિવિલમાં ડેન્ગ્યુના 956 શંકાસ્પદ કેસ અને 115 પોઝિટિવ કેસ નોંધાયા છે.

Gujarat News Live: ગુજરાત પોલીસમાં સીધી ભરતી માટે મહત્વપૂર્ણ નિર્ણય, દીપક બાબરિયાનું નિધન, અમદાવાદમાં નવરાત્રિ ટાણે ડેન્ગ્યુનો કહે

સોલા સિવિલમાં રોગચાળાના આંકડા 
અમદાવાદમાં વિવિધ પાણીજન્ય-મચ્છરજન્ય રોગોના દર્દીઓનો આંકડાની વાત કરીએ તો મેલેરિયાના 1,358 શંકાસ્પદ કેસ અને 9 પોઝિટિવ કેસ નોંધાયા છે, તેવી જ રીતે ચિકનગુનિયાના 12 શંકાસ્પદ કેસ. સ્વાઇન ફ્લૂના 44 શંકાસ્પદ કેસ અને 5 પોઝિટિવ કેસ. ડાયેરિયાના 30 કેસ, ઝાડા-ઊલટીના 21 કેસ, ટાઇફોઇડનો 1 કેસ તેમજ વાયરલ હેપેટાઇટિસ Aનો 1 અને હેપેટાઇટિસ Bના 2 કેસ નોંધાયા છે.

પાલનપુરમાં ડેન્ગ્યુનો કહેર: સવા બે મહિનામાં 14 કેસ નોંધાતા ખળભળાટ
અમદાવાદ એકલું જ નહીં, ઉત્તર ગુજરાતના પાલનપુર અને સમગ્ર બનાસકાંઠા જિલ્લામાં પણ ડેન્ગ્યુના કેસો વધતા આરોગ્ય તંત્ર દોડતું થયું છે. છેલ્લા સવા બે મહિનામાં બનાસકાંઠા જિલ્લામાં ડેન્ગ્યુના કુલ 14 કેસ સામે આવ્યા છે. જેમાં માત્ર ઓક્ટોબર મહિનાના પ્રથમ 10 દિવસમાં જ 6થી વધુ દર્દીઓ પોઝિટિવ મળ્યા છે.

વીરજી ઠુમ્મર બાદ કોંગ્રેસના વરિષ્ઠ નેતા દીપક બાબરિયાનું નિધન: પક્ષમાં શોકની કાલિમા, લાંબી બીમારી બાદ લીધા અંતિમ શ્વાસ

આરોગ્ય તંત્રની યુદ્ધના ધોરણે કામગીરી શરૂ
ડેન્ગ્યૂ સહિતના રોગચાળાને કાબૂમાં લેવા માટે પાલનપુર અને બનાસકાંઠા જિલ્લા આરોગ્ય વિભાગ દ્વારા યુદ્ધના ધોરણે કામગીરી શરૂ કરવામાં આવી છે. મચ્છર નિયંત્રણ માટે જિલ્લાભરમાં દરરોજ 479 ટીમો સતત કાર્યરત રાખવામાં આવી છે. વધારે અસરગ્રસ્ત એવા પાલનપુર અને ડીસા શહેરમાં 10 વધારાની વેક્ટર કંટ્રોલ ટીમો તૈનાત કરવામાં આવી છે. અસરગ્રસ્ત વિસ્તારોમાં ઘરે-ઘરે જઈને પોરાનાશક (અભિયાન) કામગીરી કરવા સાથે તીવ્ર ફોગિંગ હાથ ધરવામાં આવ્યું છે.