નશાના કાળા કારોબારનો પર્દાફાશ, અમદાવાદ SOGએ કરોડોના પોશડોડા સાથે બે આરોપીને દબોચ્યા
ગુજરાતને ઉડતા પંજાબ બનાવવાની ઈચ્છા રાખતા અપરાધીઓના સપના પર વધુ એકવાર ફરી વળ્યું છે પાણી. ગુજરાતની સુરક્ષા એજન્સીઓએ ફરી એકવાર નશાનો મસમોટો જથ્થો પકડીને સાબિત કર્યુ છે કે ગુજરાતના યુવાઓને નશાની લતમાં નહીં પડવા દેવામાં આવે. ત્યાં પકડાયેલો નશાનો સામાન કોણે મોકલ્યો હતો અને કેવી રીતે ગુજરાતમાં આવ્યો નશાનો સામાન? તેના વિશે આ લેખમાં જાણીશું.
ઉદય રંજન, અમદાવાદ : ગુજરાતને ઉડતા પંજાબ બનાવવાના અપરાધીઓના પ્રયાસને વધુ એકવાર સુરક્ષા એજન્સીઓ નાકામ કર્યો છે. અમદાવાદમાં આ ઘટના બની છે, જ્યાં ગ્રામ્ય SOG અને એન્ટીનાર્કોટિક્સ વિંગ દ્વારા એક ઓપરેશન પાર પાડવામાં આવ્યું. જે હેઠળ અંદાજે 1.47 કરોડ રૂપિયાની કિંમતના પોશડોડાના જથ્થાને જપ્ત કરવામાં આવ્યું એટલું જ નહીં બે આરોપીઓને પણ દબોચી લેવાયા.
ઘરનો ભેદી જ નીકળ્યો ચોર, અમદાવાદના એક વેપારી સાથે જે થયું, તે સાંભળીને તમારા હોશ ઊડી જશે!
પોલીસ તપાસમાં શું સામે આવ્યું?
- પોશડોડાનાો જથ્થો મધ્યપ્રદેશથી મોકલાયો હતો.
- સંતોષ નામના આરોપીએ જથ્થો મોકલ્યો હતો.
- મહારાષ્ટ્રથી ટ્રકમાં જથ્થો લોડ કરી મોકલાયો હતો.
- નાગપુરથી ટ્રક લઈને ભૈરારામ ગુજરાત તરફ આવ્યો હતો.
- કચ્છના સામખિયાળીમાં જેતારામે મંગાવ્યો હતો.
SOG અને એન્ટીનાર્કોટિક્સ વિંગનું ઓપરેશન
જો કે, જેતારામને જથ્થાની ડિલિવરી મળે તે પહેલા જ અમદાવાદ ગ્રામ્ય SOG અને એન્ટીનાર્કોટિક્સ વિંગની ટીમે બાતમીના આધારે ઓપરેશન પાર પાડ્યું. પોલીસની તપાસમાં સામે આવ્યું છે કે, પકડાયેલો ટ્રક ડ્રાઈવર ભેરારામ તરડ અને જથ્થો મંગાવનાર જેતારામ બંને રાજસ્થાનના બાડમેરના રહેવાસી છે અને જથ્થાને વેંચ્યા બાદ મળતા રૂપિયામાં તેનો પણ ભાગ હતો.
હાલ પોલીસે જુદા-જુદા એન્ગલો જેવા કે, પોશડોડાની સપ્લાય કોને-કોને કરવાની હતી, નશાના નેટવર્કમાં કોણ-કોણ સામેલ છે. ત્યારે નેટવર્ક ચલાવતા મુખ્ય આરોપી સંતોષને પકડવા માટે પોલીસે કવાયત હાથ ધરી છે. સંતોષની ધરપકડ બાદ ચોંકાવનારા ખુલાસાઓ પણ થઈ શકે છે.
