સૈયારા ફેમ અનીત પડ્ડાની ક્રાઈમ થ્રિલર વેબ સીરીઝમાં ચમકી, જાણો કેવી છે નવી વેબ સીરીઝ હુંકાર ?

Hunkkaar Web Series: ઓટીટી પર સૌથી વધુ કોઈ કંટેન્ટ જોવાતું હોય તો તે કદાચ ક્રાઈમ અને થ્રિલર જોનરની ફિલ્મો અને સીરીઝ હશે. લોકોની આ પસંદને ધ્યાનમાં રાખીને ઓટીટી પર ક્રાઈમ થ્રિલર વેબ સીરીઝ વધારે રિલીઝ થતી હોય છે. તાજેતરમાં જ જીયો હોટસ્ટાર પર પણ ક્રાઈમ થ્રિલર જોનરની વેબ સીરીઝ રિલીઝ થઈ છે જેના વખાણ થવા લાગ્યા છે. આ વેબ સીરીઝ છે હુંકાર ધ રોર

જીયો હાટસ્ટારની નવી વેબ સીરીઝ હુંકાર ધ રોરમાં મુખ્ય ભુમિકામાં સૈયારા ફેમ અનીત પડ્ડા મુખ્ય ભુમિકામાં છે. આ સીરીઝમાં તે એક પીડિતાના પાત્રમાં છે જેના પર એક આશ્રમના ધર્મગુરુ જેને બાપજી કહે છે તેણે ત્રાસ ગુજાર્યો હોય છે. બાપજીની કાળી કરતૂતો સામે અનીત પડ્ડા અવાજ ઉઠાવે છે. હુંકાર ધ રોર વેબ સીરીઝ હાલ જીયો હોટસ્ટાર પર ટ્રેંડ કરી રહી છે.

હુંકાર ધ રોર વેબ સીરીઝની સ્ટોરી

હુંકાર ધ રોર વેબ સીરીઝની સ્ટોરી મીનૂ રાવત અને બાપજીના આશ્રમની આસપાસ ફરે છે. મીનુ રાવત સ્વઘોષિત બાબાના આશ્રમમાં અભ્યાસ કરતી હોય છે ત્યાં તેના પર બાપજી અત્યાચાર કરે છે. પોતાના પર થયેલા અત્યાચાર સામે જ્યારે યુવતી અવાજ ઉઠાવે છે તો તેને ફક્ત બાબા નહીં સમાજનો સમાનો કરવો પડે છે. કારણ કે તેના વિરુદ્ધ આખો સમાજ થઈ જાય છે. આ ફિલ્મમાં મુખ્ય ભુમિકામાં અનીત પડ્ડા છે. અનીત પડ્ડા આ પહેલા મોહિત સુરીની ફિલ્મ સૈયારામાં જોવા મળી હતી.

હુંકાર ધ રોર વેબ સીરીઝ રેટિંગ

આઈએમડીબી પર હુંકાર ધ રોર વેબ સીરીઝને 6.6 નું રેટિંગ મળ્યું છે. હુંકાર ધ રોર વેબ સીરીઝ જીયો હોટસ્ટારની ટોપ 10 લીસ્ટમાં 3 ક્રમે ટ્રેંડ કરી રહી છે. જે લોકો આ સીરીઝ જોઈ ચુક્યા છે તેમનું કહેવું છે કે હુંકાર ધ રોર વેબ સીરીઝ બિંજ વોચ વર્ધી સીરીઝ છે. એટલે કે એક એપિસોડ જોવાનું શરુ કરો એટલે વેબ સીરીઝ પુરી થશે ત્યાં સુધી સ્ક્રીન પરથી નજર નહીં હટે.

હુંકાર ધ રોર વેબ સીરીઝની સ્ટાર કાસ્ટ

હુંકાર ધ રોર વેબ સીરીઝમાં સૈયારા ફેમ અનીત પડ્ડા ઉપરાંત અભિનેત્રી ફાતિમા સના શૈખ, મોહમ્મદ જીશાન અયૂબ, રઘુવીર યાદવ સહિતના કલાકારો જોવા મળશે. જેમાં રઘુવીર યાદવ બાપજી તરીકે નેગેટિવ રોલમાં જોવા મળશે. હુંકાર ધ રોર વેબ સીરીઝના દરેક એપિસોડમાં લેયરમાં સસ્પેન્સ ખુલે છે જે સીરીઝને છેલ્લે સુધી રસપ્રદ બનાવી રાખે છે.