કોફી વીથ કરન સીઝન 9 હશે ચેટ શોની છેલ્લી સીઝન, આ તારીખથી OTT પર સ્ટ્રીમ થશે નવા એપિસોડ

Koffee With Karan Season 9: કોફી વિથ કરન ચેટ શો ના ચાહકો માટે એક સારા સમાચાર અને એક ખરાબ સમાચાર બંને સામે આવ્યા છે. સારા સમાચાર એ છે કે ફિલ્મ મેકર કરન જોહરના ચેટ શો કોફી વિથ કરનની 9 મી સીઝન ઓક્ટોબર મહિનામાં jio hotstar પર સ્ટ્રીમ કરવામાં આવશે. અને ખરાબ સમાચાર એ છે કે કોફી વિથ કરન શો ની આ છેલ્લી સીઝન હશે. આ ન્યુઝનું ઓફિસિયલ એનાઉન્સમેન્ટ કરી દેવામાં આવ્યું છે.

કોફી વીથ કરન સીઝન 9

ફિલ્મ મેકર કરન જોહરનો એક વિડીયો જીઓ હોટસ્ટારના ઓફિશિયલ એક્સ અકાઉન્ટ પર શેર કરવામાં આવ્યો છે. આ વીડિયોમાં કરન જોહર જણાવે છે કે કોફી વીથ કરન ચેટ શોની શરૂઆત કેવી રીતે થઈ, શો ને લઈને કેવા વિવાદ થયા, શો દરમિયાન તેને કેવા અનુભવ થયા અને સાથે જ એ પણ જણાવે છે કે હવે આ શો પુરો થવાનો છે. આ વીડિયોમાં કરણ જોહર તેના પિતા યશ જોહરને પણ યાદ કરે છે. કોફી વિથ કરણની નવમી સિઝનનું આ ઓફિશિયલ અનાઉન્સમેન્ટ સાથે જ એ વાત પણ નક્કી થઈ ગઈ કે આ સીઝન ચેટ શો ની છેલ્લી સીઝન હશે ત્યાર પછી કોફી વિથ કરણ ફરીથી નવા એપિસોડ સાથે નહીં જોવા મળે.

કોફી વીથ કરન શો ની છેલ્લી સીઝન

કરણ જોહરના ચેટ શો કોફી વિથ કરન માટેનો જે વિડિયો શેર કરવામાં આવ્યો છે તેમાં એ પણ જણાવી દેવામાં આવ્યું છે કે કોફી વિથ કરન ના નવા એપિસોડ ક્યારથી જોવા મળશે. કોફી વિથ કરનના નવા એપિસોડ jio hotstar પર 14 ઓક્ટોબરથી જોવા મળશે. નવા એપિસોડ કેવી રીતે રિલીઝ થશે અને આ વખતે કોફી વિથ કરનારના કાઉચ પર કયા કયા સેલિબ્રિટી જોવા મળશે તે અંગે હજુ સુધી સત્તાવાર જાહેરાત નથી થઈ.

ઉલ્લેખનીય છે કે કોફી વિથ કરન ચેટ સોની શરૂઆત 2004માં થઈ હતી. અત્યાર સુધીમાં આ ચેટ સોની 8 સીઝન આવી ચૂકી છે. આ 8 સીઝન દરમિયાન કરણ જોહરે ઘણા બધા ઉતાર ચઢાવનો સામનો કર્યો છે. કરણ જોહર તેના વીડિયોમાં પણ જણાવે છે કે તેને નેપોટિઝમ માટે પણ ટ્રોલ કરવામાં આવ્યો હતો. કોફી વિથ કરનની 8 સિઝનમાં કુલ 161 એપિસોડ ઓન એર થયા છે.

કોફી વિથ કરણની નવમી સીઝન ધમાકેદાર હશે

કોફી વિથ કરન ચેટ શો ની નવમી સીઝન નું અનાઉન્સમેન્ટ કરતા આ વીડિયોમાં કરણ જોહર એવું પણ કહે છે કે આ શો દરમિયાન ઘણી બધી સારી અને ખરાબ યાદો બની છે. જ્યારે નવમી સીઝન ઓન એર થશે ત્યારે પણ તે ટ્રોલ થશે, કોમેન્ટસ્ આવશે. પણ તે બધું જ હેન્ડલ કરવા માટે રેડી છે. કરણ જોહરની આ વાત પરથી લાગે છે કે કોફી વિથ કરણની નવમી સીઝન ધમાકેદાર હશે. આ વીડિયો સામે આવ્યા પછી દર્શકો એ જાણવા પણ ઉત્સુક થયા છે કે આ વખતની સિઝનમાં કયા કયા સ્ટાર્સ કાઉચ પર જોવા મળશે. અને કોફી વીથ કરન સીઝન 9 નું ટ્રેલર ક્યારે જોવા મળશે ? આ અંગે જીઓ હોટસ્ટાર કે પછી કરણ જોહર તરફથી હજુ સુધી કોઈ પુષ્ટિ કરવામાં આવી નથી. હાલ તો માત્ર એટલું જ જાહેર કરવામાં આવ્યું છે કે 14 ઓક્ટોબરથી જીઓ હોટસ્ટાર પર કોફી વિથ કરનની 9 મી સીઝનના એપિસોડ સ્ટ્રીમ થશે.

(Disclaimer: અહીં આપેલી માહિતી અને ઘરગથ્થુ ઉપચાર સામાન્ય માહિતી પર આધારિત છે. ZEE24kalak તેની પુષ્ટિ કરતું નથી.)