અમેરિકાનો મોટો નિર્ણય, ભારતની આ ખાસ દવાઓને 100% ટેરિફમાંથી રાહત!

US Tariff: યુનાઇટેડ સ્ટેટ્સે ભારત સહિત 20 દેશોની કેટલીક દવાઓ અને તેમના કાચા માલને 100 ટકા ટેરિફમાંથી મુક્તિ આપી છે. આ નિર્ણય ભારતીય ફાર્માસ્યુટિકલ કંપનીઓ માટે નોંધપાત્ર રાહત છે. જો કે, આ મુક્તિ ભારતથી યુનાઇટેડ સ્ટેટ્સમાં મોકલવામાં આવતી બધી દવાઓ પર લાગુ પડશે નહીં.

પીટીઆઈ મુજબ, અમેરિકા આજથી એટલે કે 29 સપ્ટેમ્બરથી કેટલીક પેટન્ટ દવાઓ અને તેના સંબંધિત ઉત્પાદનો પર 100 ટકા ટેરિફ લગાવવાની તૈયારી કરી રહ્યું છે. જો કે, કેટલીક ખાસ શ્રેણીની દવાઓને આ ડ્યુટીમાંથી મુક્તિ આપવામાં આવી છે.

બધી ભારતીય દવાઓને મુક્તિ આપવામાં આવી નથી

અમેરિકાનો આ નિર્ણય બધી ભારતીય દવાઓ પર લાગુ પડતો નથી. ફક્ત કેટલીક ખાસ શ્રેણીની દવાઓ અને તેમના સંબંધિત ઘટકોને 100 ટકા ટેરિફમાંથી મુક્તિ આપવામાં આવશે. જો કે, સામાન્ય જેનેરિક દવાઓ અને તેમના સંબંધિત ઘટકો પહેલાથી જ આ ખાસ ટેરિફ દ્વારા આવરી લેવામાં આવ્યા નથી.

કઈ દવાઓને મુક્તિ આપવામાં આવશે?

• અમેરિકા મુખ્યત્વે નીચેની દવાઓને મુક્તિ આપી છે
• દુર્લભ બિમારીઓની સારવાર માટે દવાઓ
• નિસંતાનના સારવાર માટે વપરાતી દવાઓ
• સેલ થેરાપી સાથે જોડાયેલી દવાઓ
• જેન થેરેપી સાથે જોડાયેલી દવાઓ
• એન્ટિબોડી-ડ્રગ કન્જુગેટ્સ (ADCs)
• પ્રાણીઓની સારવારમાં વપરાતી ચોક્કસ દવાઓ

આ દવાઓના ઉત્પાદનમાં વપરાતા સંબંધિત કાચા માલ અને અન્ય આવશ્યક ઘટકોનો પણ આ ટેરિફમાંથી મુક્તિ આપવામાં આવી છે.

ભારત સહિત અન્ય કયા દેશોને થશે ફાયદો ?

ભારત સહિતના દેશોની આ યાદીમાં આર્જેન્ટિના, બાંગ્લાદેશ, કંબોડિયા, ઇક્વાડોર, અલ સાલ્વાડોર, યુરોપિયન યુનિયન, ગ્વાટેમાલા, ઇન્ડોનેશિયા, જાપાન, જોર્ડન, મલેશિયા, ઉત્તર મેસેડોનિયા, દક્ષિણ કોરિયા, સ્વિટ્ઝર્લૅન્ડ, લિક્ટેંસ્ટાઇન, તાઇવાન, થાઇલેન્ડ, યુનાઇટેડ કિંગડમ અને વિયેતનામનો સમાવેશ થાય છે.

આ મુક્તિ શા માટે આપવામાં આવી?

યુએસ ડિપાર્ટમેન્ટ ઓફ કોમર્સ અનુસાર, આ દેશોને આ મુક્તિ એટલા માટે આપવામાં આવી છે કારણ કે યુએસના તેમની સાથે હાલના અથવા ભવિષ્યના વેપાર અને સુરક્ષા કરાર છે.

યુએસએ 100 ટકા ટેરિફ કેમ લગાવ્યો?

એપ્રિલમાં, યુએસ પ્રમુખ ડોનાલ્ડ ટ્રમ્પે પેટન્ટ દવાઓ, બાયોલોજિક્સ અને ચોક્કસ સંબંધિત ઘટકોની આયાત પર ટેરિફની જાહેરાત કરી હતી. આ નિર્ણય યુએસ કાયદાની કલમ 232 હેઠળ લેવામાં આવ્યો હતો. યુએસ સરકાર જણાવે છે કે આ પગલાનો હેતુ યુએસમાં દવાઓનું ઉત્પાદન વધારવાનો છે.

આજથી લાગુ થનારા ટેરિફ

કેટલીક કંપનીઓ માટે 100 ટકા ટેરિફ જોગવાઈ 31 જુલાઈથી લાગુ થઈ ગઈ છે. બાકીની કંપનીઓ માટે, આ વ્યવસ્થા આજથી, 29 સપ્ટેમ્બર, 2026થી લાગુ થવાની છે. યુ.એસ.એ આ વ્યવસ્થામાં કેટલાક તકનીકી ફેરફારો પણ કર્યા છે. આમાં જેનેરિક દવાઓની વ્યાખ્યા સ્પષ્ટ કરવાનો સમાવેશ થાય છે. વધુમાં, એ સ્પષ્ટ કરવામાં આવ્યું છે કે ફાર્માસ્યુટિકલ આર્ટિકલમાં ફિનિશ્ડ દવાઓ તેમજ તેમના સક્રિય ફાર્માસ્યુટિકલ ઘટકો (API) અને તેમના ઉત્પાદનમાં વપરાતા મુખ્ય કાચા માલનો સમાવેશ થઈ શકે છે.