PPF, સુકન્યા અને SCSS માટે વ્યાજદર જાહેર, જાણો કઈ સ્કીમમાં મળશે કેટલું વ્યાજ

આ વ્યાજ દરો અંગેની જાહેરાત કેન્દ્રીય નાણાં મંત્રાલય દ્વારા કરવામાં આવી હતી. સરકારે ઓક્ટોબર-ડિસેમ્બર ત્રિમાસિક ગાળા માટે આ યોજનાઓના વ્યાજ દરોમાં કોઈ ફેરફાર કર્યો નથી, તે યથાવત રહેશે. આનો અર્થ એ છે કે તમને પહેલાની જેમ જ વ્યાજ મળતું રહેશે. આ સતત નવમો ત્રિમાસિક ગાળો છે જેમાં નાની બચત યોજનાઓના વ્યાજ દરોમાં કોઈ ફેરફાર કરવામાં આવ્યો નથી.

વ્યાજ દરોની જાહેરાત

નાણાં મંત્રાલય હેઠળના આર્થિક બાબતોના વિભાગે બુધવારે આ નિર્ણયની જાહેરાત કરી હતી. નિર્ણય મુજબ, 1 ઓક્ટોબર, 2026થી શરૂ થતા ત્રિમાસિક ગાળા દરમિયાન નાની બચત યોજનાઓ દ્વારા મળતા વળતરમાં કોઈ ફેરફાર થશે નહીં.

નાની બચત યોજનાઓ માટે વ્યાજ દરો કયા આધારે નક્કી કરવામાં આવે છે ?

સરકાર દર ત્રિમાસિક ગાળે નાની બચત યોજનાઓના વ્યાજ દરોની સમીક્ષા કરે છે. આ સમીક્ષા દરમિયાન, સરકારી બોન્ડ પરનું વળતર, પ્રવર્તમાન વ્યાજ દરો અને બજાર તથા ભૌગોલિક-રાજકીય પરિસ્થિતિઓ જેવા પરિબળોનું મૂલ્યાંકન કરવામાં આવે છે.

આ વિશ્લેષણના આધારે વ્યાજ દરો નક્કી કરવામાં આવે છે. છેલ્લો ફેરફાર એપ્રિલ 2024માં થયો હતો, જ્યારે સરકારે 3 વર્ષીય પોસ્ટ ઓફિસ ટાઈમ ડિપોઝિટ પરનો વ્યાજ દર 7% થી વધારીને 7.1% કર્યો હતો. સુકન્યા સમૃદ્ધિ યોજના માટેનો દર પણ 8%થી વધારીને 8.2% કરવામાં આવ્યો હતો.