સોના-ચાંદીની કિંમતો (Gold-Silver Rate) એ પોતાના રોકાણકારોને ચોંકાવી દીધા છે અને દરેક પસાર થઈ રહેલા દિવસોની સાથે જોરદાર નુકસાન કરાવી રહ્યાં છે. આ કિંમતી ધાતુઓના ભાવ મલ્ટી કોમોડિટી એક્સચેન્જ (MCX) થી લઈને ઘરેલું માર્કેટ સુધી ક્રેશ થઈ ગયા છે. ચાંદી તો પોતાના હાઈથી 2.71 લાખ રૂપિયા પ્રતિ કિલો સસ્તી થઈ ગઈ છે, તો સોનું હાઈથી 72000 રૂપિયા પ્રતિ 10 ગ્રામ સસ્તું મળી રહ્યું છે.
Gold-Silver Rates માં ઘટાડાનો સિલસિલો આમ તો લાંબા સમયથી ચાલી રહ્યો છે, પરંતુ પાછલા સપ્તાહે આ બંને કિંમતી ધાતુઓનો વાયજા ભાવમાં કડાકો થયો છે. માત્ર પાંચ કારોબારી દિવસમાં 4 ડિસેમ્બરની એક્સપાયરીવાળી ચાંદીનો ભાવ 1,76,309 રૂપિયા પ્રતિ કિલોગ્રામથી ઘટી શુક્રવારે 1,48,900 રૂપિયા પર આવી ગયો હતો. એટલે કે ચાંદી 27409 રૂપિયા પ્રતિ કિલો સસ્તી થઈ છે. તો આ એક્સપાયરીવાળું સોનું 136705 રૂપિયા પ્રતિ 10 ગ્રામથી એક ઝટકામાં 14756 રૂપિયા સસ્તું થઈ 121949 રૂપિયા થઈ ગયું છે.
ચાંદીની કિંમતમાં ભારે ઘટાડા પર નજર કરીએ તો માત્ર નવેમ્બર મહિનામાં તે ધડાધડ તૂટ્યું છે. ઓક્ટોબર મહિનાના છેલ્લા કારોબારી દિવસ એમસીએક્સ પર તેનો ભાવ 179132 રૂપિયા પ્રતિ કિલોગ્રામ હતો અને આ શુક્રવાર સુધી તે 30221 રૂપિયા સસ્તી થઈ છે. તો સતત થઈ રહેલા ઘટાડા બાદ 1 કિલો ચાંદી પોતાના જાન્યુઆરીના હાઈ 4,20,048 રૂપિયાથી 2,71,148 સસ્તી થઈ ગઈ છે.
આંતરરાષ્ટ્રીય બજારમાં પણ ચાંદીની કિંમતમાં સતત ઘટાડો જોવા મળી રહ્યો છે અને આ વર્ષની શરૂઆતમાં પોતાના હાઈ લેવલથી અત્યાર સુધી વધુ સસ્તી થઈ ગઈ છે. તેની કિંમતમાં આવેલા ફેરફારો પર નજર કરીએ તો તે 29 જાન્યુઆરીના રેકોર્ડ હાઈ લેવલ $121.785 પ્રતિ ઔંસથી ક્રેસ થઈ ગઈ છે. 19 નવેમ્બરે કોમેક્સમાં સિલ્વરની કિંમત $44.025 સુધી પહોંચી, જે 10 મહિનાથી ઓછા સમયમાં લગભગ 63.9 ટકાનું કરેક્શન દર્શાવે છે.
ન માત્ર ચાંદી, પરંતુ કિંમતી પીળી ધાતુની કિંમતમાં પણ ભારે ઘટાડો જોવા મળ્યો છે. તેની કિંમત નવેમ્બર મહિનામાં અત્યાર સુધી 16536 રૂપિયા પ્રતિ 10 ગ્રામ સુધી ઓછી થઈ છે. તો એમસીએક્સ પર ગોલ્ડના લાઇફ ટાઈમ હાઈ લેવલથી કરીએ, જે 1.93 લાખ રૂપિયા પ્રતિ 10 ગ્રામ છે, તો અહીંથી અત્યાર સુધી 10 Gram 24 Karat Gold 72 હજાર રૂપિયાથી વધુ સસ્તું મળી રહ્યું છે.