8 નવેમ્બરથી બેંકોમાં લાંબી રજાઓ, જાણો કયા દિવસે બંધ રહેશે બેંકો, એક ક્લિકમાં જાણી લો લિસ્ટ

Bank Holiday : નવેમ્બર મહિનો તહેવારો અને રજાઓની દ્રષ્ટિએ ખૂબ જ મહત્વપૂર્ણ રહેવાનો છે. દિવાળી, ગોવર્ધન પૂજા અને ભાઈબીજ જેવા તહેવારોને કારણે દેશના ઘણા રાજ્યોમાં બેંકો સતત કેટલાક દિવસો સુધી બંધ રહી શકે છે. જો તમારે ચેક જમા કરાવવો હોય, રોકડ ઉપાડવી હોય અથવા કોઈ તાત્કાલિક કામ માટે બેંક શાખાની મુલાકાત લેવાની હોય, તો અગાઉથી રજાઓની યાદી તપાસી લેવી જોઈએ. રિઝર્વ બેંક ઓફ ઈન્ડિયાના નવેમ્બર 2026ના રજાઓના કેલેન્ડર મુજબ, 8 નવેમ્બરથી વિવિધ રાજ્યોમાં બેંકિંગ સેવાઓ પર અસર પડશે.

અમેરિકન બજાર ક્રેશ! દિવાળી પર ભારતીય બજારમાં ધૂમ, સેન્સેક્સમાં 1200 પોઈન્ટનો ઉછાળો.... જાણો તેજીના કારણો ?

8 નવેમ્બરથી 11 નવેમ્બર વચ્ચે બેંકો ક્યારે અને ક્યાં બંધ રહેશે?

નવેમ્બરના બીજા સપ્તાહમાં તહેવારો અને સાપ્તાહિક રજાઓને કારણે ઘણા રાજ્યોમાં બેંકો બંધ રહેશે. જો કે, તમામ રાજ્યોમાં રજાઓ એકસરખી નહીં હોય. RBI કેલેન્ડર મુજબ રજાઓની વિગતો નીચે મુજબ છે:

8 નવેમ્બર, રવિવાર: આ દિવસે રવિવારના કારણે સમગ્ર દેશમાં બેંકોમાં રજા છે, તમામ બેંકો બંધ રહેશે.

9 નવેમ્બર, સોમવાર: ત્રિપુરા, મધ્ય પ્રદેશ, પંજાબ, હરિયાણા, સિક્કિમ, મણિપુર, રાજસ્થાન, ઉત્તર પ્રદેશ અને છત્તીસગઢમાં બેંકો બંધ રહેશે. આ રાજ્યોમાં દિવાળી, લક્ષ્મી પૂજા, ગોવર્ધન પૂજા અને વિશ્વકર્મા દિવસ નિમિત્તે રજા રહેશે.

10 નવેમ્બર, મંગળવાર: ગુજરાત, મહારાષ્ટ્ર, કર્ણાટક, ઉત્તરાખંડ અને સિક્કિમમાં બેંકિંગ સેવાઓ બંધ રહેશે. આ દિવસે દિવાળી, બલિ પ્રતિપદા, ગોવર્ધન પૂજા અને વિક્રમ સંવત નવા વર્ષ નિમિત્તે રજા રહેશે.

11 નવેમ્બર, બુધવાર: સિક્કિમ, મણિપુર, ઉત્તર પ્રદેશ, પશ્ચિમ બંગાળ અને હિમાચલ પ્રદેશમાં બેંકો બંધ રહેશે. આ રાજ્યોમાં લક્ષ્મી પૂજા, નિંગોલ ચક્કોબા, ભાઈબીજ, ભ્રાતૃ દ્વિતીયા અને ચિત્રગુપ્ત જયંતિ નિમિત્તે રજા રહેશે.

બેંકો બંધ હોય ત્યારે જરૂરી કામકાજ કેવી રીતે કરવા?

બેંક શાખાઓ બંધ હોવાનો અર્થ એ નથી કે ગ્રાહકોને નાણાકીય વ્યવહારોમાં મુશ્કેલી પડશે. રજાના દિવસોમાં પણ ઓનલાઇન બેંકિંગ, મોબાઈલ બેંકિંગ અને UPIનો ઉપયોગ કરીને નાણાં ટ્રાન્સફર કરી શકાશે. આ ઉપરાંત, ATMમાંથી રોકડ ઉપાડવાની સુવિધા પણ ચાલુ રહેશે. જોકે, ચેક ક્લિયરન્સ, ડિમાન્ડ ડ્રાફ્ટ મેળવવા અથવા અન્ય જરૂરી કામો કે જેના માટે બેંક શાખાની મુલાકાત લેવી આવશ્યક હોય, તે માટે રજાઓ પૂરી થાય ત્યાં સુધી રાહ જોવી પડી શકે છે.