અદભુત સુવિધાઓથી સજ્જ 'કોર્ડિલિયા સ્કાઈ' ક્રૂઝ મુંબઈ આવી પહોંચ્યું, સમુદ્ર વચ્ચે મળશે આલીશાન અનુભવ

ભારતની ક્રૂઝ ઈન્ડસ્ટ્રી માટે એક નવો અધ્યાય શરૂ થયો છે. આ દેશના ક્રૂઝ ટૂરિઝ્મ સેક્ટરની આશાની દિશામાં એક મહત્વનું પગલું છે. કોર્ડેલિયા ક્રૂઝનું બીજું જહાજ કોર્ડેલિયા સ્કાઈ મુંબઈ પહોંચી ગયું છે. કંપની પ્રમાણે આ જહાજ આવવાથી ક્ષમતા વધશે, યાત્રિકોને ક્રૂઝ યાત્રામાં વધુ વિકલ્પ મળશે અને ભારતમાં ક્રૂઝ ટૂરિઝ્મને પ્રોત્સાહન આપવામાં મજબૂતી મળશે.

કોર્ડેલિયા સ્કાઈની એન્ટ્રી, કંપની દ્વારા ભારતમાં પોતાનું કામકાજ શરૂ કર્યાના લગભગ 5 વર્ષ બાદ થઈ છે. કંપનીએ પહેલા પોતાના પ્રથમ જહાજ કોર્ડેલિયા એમ્પ્રેસની સાથે ભારતીય બજારમાં પ્રવેશ કર્યો હતો. આ બીજું જહાજ જોડાવાથી કંપની પોતાના કામકાજને વધારવાના પ્રોજેક્ટ્સ પર આગળ વધી રહી છે.

2400થી વધુ યાત્રિકોની ક્ષમતા
કોર્ડેલિયા ક્રૂઝની ફેક્ટ શીટપ્રમાણે 'કોર્ડેલિયા સ્કાઈમાં એકવારમાં લગભગ 2400 યાત્રિ યાત્રા કરી શકે છે. આ જહાજમાં 12 ડેક છે અને તેની લંબાઈ લગભગ 484 ફીટ છે. તેનું ગ્રોસ ટનેજ 77104 છે. આ તેના આકાર અને ક્ષમતાને દર્શાવે છે. ખાવા-પીવા માટે જહાજ પર 10 જગ્યા છે, જ્યારે મનોરંજન માટે 11 બાર અને લાઉન્ઝ ઉપલબ્ધ છે. બભોજનના વિકલ્પોમાં પ્રાદેશિક ભારતીય વ્યંજનોથી લઈને ઇટાલિયન અને જાપાની વ્યંજન સામેલ છે. આ સિવાય યાત્રિકો માટે બુફે રેસ્ટોરન્ટ, કેફે અને સમુદ્રના નજારાની સાથે ભોજન કરવાની સર્વિસ પણ છે.'

A Holiday Like No Other with Cordelia Sky! Imagine waking up to beautiful sea views, enjoying great food and making memories with your loved ones, all while sailing across the sea. With Cordelia Sky, the journey is just as special as the destination. Get ready for a cruise experience filled with fun, relaxation, and unforgettable moments! Know more: https://t.co/eiuYy9FaYm #CordeliaSky #CordeliaCruises #CruiseLife #HolidayOnSea

— Zee 24 Kalak (@Zee24Kalak) October 10, 2026

મનોરંજન માટે ભરપૂર વિકલ્પ
કોર્ડેલિયા સ્કાઈ યાત્રિકોના મનોરંજન અને આરામ પર ભાર આપી રહ્યું છે. આ જહાજમાં બે સ્વિમિંગ પૂલ, 5હોટ ટબ અને 30000 વર્ગ ફૂટથી વધુનો ડેક સ્પેસ છે. તેમાં લાઇવ શો અને ઈવેન્ટ્સ માટે 930 સીટનું માર્કી થિએટર પણ છે. સાથે યાત્રિકો માટે સ્પોર્ટ્સ કોર્ટ, પિકલબોલ સર્વિસ, ફિટનેસ સેન્ટર, સ્પા અને સલૂન, ગેમિંગ લોન્જ અને બાળકો માટે ખાસ જગ્યા જેવી સર્વિસ પણ ઉપલબ્ધ છે. અલગ-અલગ જરૂરિયાત પ્રમાણે રહેવા માટે ઘણા વિકલ્પ છે. તેમાં સુઇટ અને મિની-સુઇટથી લઈને સમુદ્રના નજારાવાળું અને આંતરિક કેબિન સામેલ છે. કોર્ડેલિયા ક્રૂઝની પેરેન્ટ કંપની નુકસાનમાંથી નફામાં આવી છે.

ખોટમાંથી પ્રોફિટમાં આવી કંપની
સપ્ટેમ્બર ક્વાર્ટરમાં ક્રૂઝ ટ્રાવેલ કંપની વોટરવેઝ લીઝર ટૂરિઝ્મ પ્રાઇવેટ લિમિટે માટે સૌથી મોટો ફેરફાર પ્રોફિટના મામલામાં જોવા મળ્યો છે. પાછલા વર્ષે તમાન ક્વાર્ટરમાં કંપનીને 8.9 કરોડની ખોટ ગઈ હતી. તો હવે તેણે 58.5 કરોડની કમાણી કરી છે. રેવેન્યુ પાછલા વર્ષના 101.5 કરોડથી વધુ 132.9 કરોડ થઈ ગયું. આ વર્ષ-દર-વર્ષ લગભગ 31 ટકાનો વધારો છે. વોટરવેઝ લીઝરના બિઝનેસ ઓપરેશનમાં કાર્ડેલિયા ક્રૂઝની મહત્વની ભૂમિકા છે.