8th Pay Commission: કર્મચારીઓનો વધેલો પગાર કેમ અટક્યો છે? જાણો ક્યારે ખાતામાં આવશે પૈસા

કેન્દ્રીય કર્મચારીઓનો એક સવાલ છે- આઠમું પગાર પંચ તો બની ગયું પૈસા ક્યારે વધશે? બધાને લાગી રહ્યું હતું કે રચના થઈ તો આગામી મહિનાથી પગાર ડબલ. પણ તેવું થતું નથી. રચના થવી અને પૈસા આવવા, બે અલગ-અલગ વાતો છે.

તો વિલંબ કેમ થઈ રહ્યો છે?
સ્ટેપ 1: પંચે હોમવર્ક કરવાનું છે
સરકારે 3 નવેમ્બર 2025ના પંચ બનાવી દીધું. હેડ છે સુપ્રીમ કોર્ટના પૂર્વ જજ જસ્ટિસ રંજના પ્રકાશ દેસાઈ, સાથે છે પ્રોફેસર પુલક ઘોષ અને પંકજ જૈન. હવે તેનું કામ છે દેશભરના કર્મચારીઓ, યુનિયનો, પેન્શનરોને મળવું, તેની માગ સાંભળવી-બેઝિક પગાર કેટલો હોય, HRA, DA, પેન્શન કેટલું વધે. પછી તેનો સંપૂર્ણ હિસાબ કરી એક રિપોર્ટ બનાવવાનો હોય છે.

તે માટે સરકારે 18 મહિનાનો સમય આપ્યો છે. એટલે કે રિપોર્ટ મે 2027 સુધી આવશે. આ પહેલા આવી જાય તો બોનસ સમજો, પરંતુ સત્તાવાર ટાઈમલાઈન આ છે.

સ્ટેપ 2: સરકાર રિપોર્ટનો અભ્યાસ કરશે
રિપોર્ટ આવવાની સાથે લાગૂ થતો નથી. સરકાર જોશે- જો પગાર 30 ટકા વધ્યો તો ખજાના પર કેટલો ભાર પડશે? કઈ ભલામણ માનવાની છે, કઈ નહીં. પછી કેબિનેટની મંજૂરી, પછી નાણા મંત્રાલયની મહોર અને નોટિફિકેશન જારી થશે. આ પ્રક્રિયામાં 3-4 મહિના લાગી જાય છે. તેથી સાતમાં પગાર પંચની રચના 2014મા થઈ હતી અને પૈસા 2016મા આવ્યા હતા.

આ પણ વાંચોઃ અદભુત સુવિધાઓથી સજ્જ 'કોર્ડિલિયા સ્કાઈ' ક્રૂઝ મુંબઈ આવી પહોંચ્યું, સમુદ્ર વચ્ચે મળશે આલીશાન અનુભવ

તો વધેલો પગાર ક્યારે મળશે?
સીધો હિસાબ લગાવો
રિપોર્ટ- મે 2027 સુધી
સરકારની સમીક્ષા- 3થી 6 મહિના
એટલે કે ખિસ્સામાં નવા પૈસા- 2027ના અંત કે 2028ની શરૂઆતમાં દેખાશે.

શું 1 જાન્યુઆરી 2026થી એરિયર મળશે?
આ સૌથી મોટી વાત છે. દર 10 વર્ષમાં નવું પગાર પંચ આવે છે. સાતમું 1 જાન્યુઆરી 2016થી લાગૂ થયું હતું, તો આઠમું 1 જાન્યુઆરી 2026થી માનવામાં આવી રહ્યું છે. જો સરકાર 1 જાન્યુઆરી 2026ને જ ઇફેક્ટિવ ડેટ માને છે અને પગાર તમને ડિસેમ્બર 2027મા મળે છે તો, વચ્ચેના લગભગ 24 મહિનાનું એરિયર એક સાથે મળશે. વિચારો બેઝિક 30થી 45 હજાર રૂપિયા થાય તો 24 મહિનાનું એરિયર 3થી 4 લાખ બની જશે.

કુલ મળીને વાત છે કે હજુ રાહ જુઓ, પંચ કામ કરી રહ્યું છે. મે 2027 સુધી રિપોર્ટ, પછી સરકારી પ્રક્રિયા. વધેલો પગાર 2027ના અંત સુધી આવી શકે છે અને એરિયર 1 જાન્યુઆરી 2026થી મળવાની આશા છે.

FAQ
Q: 8th Pay Commission નો રિપોર્ટ ક્યારે આવશે?
A: મે 2027 સુધી
Q: 8th Pay Commission અધ્યક્ષ કોણ છે?
A: જસ્ટિસ રંજના પ્રકાશ દેસાઈ