SOCIAL MEDIA

Newsletter

PARTNER SITES
Select Language Select State

હાર્દિક પંડ્યા બાદ મુંબઈ ઈન્ડિયન્સના વધુ એક દિગ્ગજની પંજાબ કિંગ્સમાં થશે એન્ટ્રી, ટૂંક સમયમાં થશે જાહેરાત

Paras Mhambrey: હાર્દિક પંડ્યા ટ્રેડ દ્વારા મુંબઈ ઈન્ડિયન્સ છોડીને પંજાબ કિંગ્સમાં જોડાયો છે. હવે, મુંબઈ ઈન્ડિયન્સના પૂર્વ બોલિંગ કોચ પારસ મ્હામ્બ્રે પણ પંજાબ કિંગ્સમાં જોડાઈ શકે છે, જ્યાં તેઓ બોલિંગ કોચની ભૂમિકા સંભાળી શકે છે.

Written By Dilip Chaudhary
Published: Nov 22, 2026, 15:23 IST | Updated: Nov 22, 2026, 15:27 IST
Join

Paras Mhambrey: IPL 2027 પહેલાં હાર્દિક પંડ્યા મુંબઈ ઈન્ડિયન્સ છોડીને ટ્રેડ દ્વારા પંજાબ કિંગ્સમાં જોડાયો છે, આ એક એવો નિર્ણય છે, જેણે તમામ ચાહકોને ચોંકાવી દીધા છે. હવે, મુંબઈ ઈન્ડિયન્સનો વધુ એક પૂર્વ સભ્ય પંજાબ કિંગ્સમાં જોડાઈ શકે છે. ભારતના પૂર્વ ફાસ્ટ બોલર પારસ મ્હામ્બ્રે, જેમનો મુંબઈ ઈન્ડિયન્સ સાથેનો કાર્યકાળ તાજેતરમાં જ પૂર્ણ થયો છે, તેઓ હવે પંજાબ કિંગ્સમાં જોડાઈ શકે છે. જ્યાં તેઓ બોલિંગ કોચ તરીકેની જવાબદારી સંભાળશે.

પારસ મ્હામ્બ્રે પંજાબ કિંગ્સમાં જોડાશે

સ્પોર્ટસ્ટારના અહેવાલ મુજબ, પારસ મ્હામ્બ્રેએ પંજાબ કિંગ્સ સાથે તમામ જરૂરી કાર્યવાહી પૂર્ણ કરી લીધી છે અને તે આગામી સીઝન માટે ટીમની કોચિંગ ટીમનો ભાગ બનશે. IPL 2026 પછી મુંબઈ ઈન્ડિયન્સે તેમના કોચિંગ સ્ટાફમાં મોટો ફેરફાર કર્યો હતો, જેમાં મહેલા જયવર્દનેના સ્થાને કિરોન પોલાર્ડને નવા હેડ કોચ નિયુક્ત કરવામાં આવ્યા હતા. આ ઉપરાંત, લસિથ મલિંગા અને પારસ મ્હામ્બ્રેને બોલિંગ કોચના પદ પરથી હટાવી દેવામાં આવ્યા હતા.

W,W,W,W... આ ક્રિકેટરે ડેબ્યૂ મેચમાં મચાવી તબાહી, સતત 4 બોલમાં લીધી 4 વિકેટ

ત્યારબાદ મુંબઈ ઈન્ડિયન્સે તેમના સ્ટાફમાં પૂર્વ ફાસ્ટ બોલરો મિશેલ મેકક્લેનાઘન અને ધવલ કુલકર્ણીનો સમાવેશ કર્યો છે. પંજાબ કિંગ્સે પણ આગામી સીઝન પહેલાં તેમના કોચિંગ સ્ટાફમાં ફેરફારો કર્યા છે. ફિલ્ડિંગ કોચ બ્રાડ હેડિન અને બોલિંગ કોચ જેમ્સ હોપ્સે ટીમ છોડી દીધી છે, જ્યારે સાઈરાજ બહુતુલેએ પણ ફ્રેન્ચાઈઝી છોડીને ભારતીય નેશનલ ટીમમાં સ્પિન બોલિંગ કોચ તરીકેની જવાબદારી સ્વીકારી છે.

રિકી પોન્ટિંગ સાથે પુનઃમિલન

રિકી પોન્ટિંગ અને પારસ મ્હામ્બ્રે અગાઉ 2015માં મુંબઈ ઈન્ડિયન્સમાં સાથે કામ કરી ચૂક્યા છે. આ ઉપરાંત, તેઓ 2022 થી 2024 દરમિયાન ભારતીય ટીમના કોચિંગ સ્ટાફમાં પણ મહત્વના સભ્યો હતા. તેમણે બોલિંગ કોચ તરીકે શાનદાર કામગીરી કરી હતી અને તેમના કાર્યકાળ દરમિયાન જ ટીમ ઈન્ડિયાએ 2024 T20 વર્લ્ડ કપ જીત્યો હતો. ત્યારબાદ, તેઓ મુંબઈ ઈન્ડિયન્સના કોચિંગ સ્ટાફમાં પરત ફર્યા હતા. IPLની 2026ની સીઝન મુંબઈ ઈન્ડિયન્સ માટે અત્યંત નિરાશાજનક રહી હતી, જેના કારણે તેમણે મોટા ફેરફારો કર્યા અને આ પ્રક્રિયા દરમિયાન પારસ મ્હામ્બ્રેનો કાર્યકાળ પણ સમાપ્ત થયો.

પંજાબ કિંગ્સ સાથે IPLમાં એક નવો અધ્યાય

જોકે, હવે પારસ પંજાબ કિંગ્સ સાથે IPLમાં એક નવો અધ્યાય શરૂ કરવા જઈ રહ્યા છે, જ્યાં તેઓ ફરી એકવાર રિકી પોન્ટિંગ અને હાર્દિક પંડ્યા સાથે કામ કરશે. પંજાબ કિંગ્સ તરફથી ટૂંક સમયમાં સત્તાવાર જાહેરાત થવાની અપેક્ષા છે. ભલે પારસ IPLમાં મુંબઈ ઈન્ડિયન્સથી અલગ થઈ ગયા હોય, પરંતુ તેઓ વિવિધ ફ્રેન્ચાઈઝી લીગમાં મુંબઈ ઈન્ડિયન્સ સાથે સંકળાયેલી અન્ય ટીમો સાથે કામ કરવાનું ચાલુ રાખશે.

Add Zee News as a Preferred Source
TAGS:

About the Author

2020માં Inshorts સાથે પત્રકારત્વ ક્ષેત્રે કારકિર્દીની શરૂઆત કરી. જ્યાં બે વર્ષથી વધુ સમય સુધી ગુજરાતી કન્ટેન્ટ સ્પેશિયાલિસ્ટ તરીકે કામ કર્યું. ત્યારબાદ Sandesh Digital સાથે જોડાયા, જ્યાં ગુજરાતના લોકલ સમાચાર ઉપરાંત નેશનલ અને સ્પોર્ટ્સ સહિતની વિવિધ કેટેગરીમાં કામ કર્યું. આ દરમિયાન ગુજરાત વિધાનસભા ચૂંટણી 2022 અને IPL જેવી મહત્વપૂર્ણ ઇવેન્ટ્સ કવર કરી. ત્યારબાદ TV9 Gujarati સાથે જોડાયા, જ્યાં ગુજરાતના લોકલ સમાચાર ઉપરાંત નોલેજ, બિઝનેસ, ઓટો સહિતની વિવિધ કેટેગરીમાં કામ કર્યું. આ ઉપરાંત પ્રીમિયમ કન્ટેન્ટ માટે પણ કામ કર્યું અને રિસર્ચ-બેઝ્ડ સ્ટોરી લખવાનો અનુભવ મેળવ્યો. હાલમાં Zee 24 Kalakમાં સિનિયર સબ-એડિટર તરીકે કાર્યરત છે અને સ્પોર્ટ્સ, બિઝનેસ, ગુજરાત, જોબ્સ, ઓટો અને ટેક સહિતની વિવિધ કેટેગરીનું કન્ટેન્ટ તૈયાર કરી સરળ ભાષામાં વાચક મિત્રો સુધી પહોંચાડી રહ્યા છે.
Read More

ZEENEWS TRENDING STORIES