2026માં સૌથી વધુ ODI વિકેટ લેનાર ટોપ-20 બોલર, લિસ્ટમાં એકપણ નથી ભારતીય

Most ODI Wickets in 2026 : ભારતીય ક્રિકેટ માટે આ વર્ષ અત્યાર સુધી ઉતાર-ચઢાવવાળું રહ્યું છે, ખાસ કરીને જ્યારે વનડેમાં બોલરોની વાત આવે તો 2026માં અત્યાર સુધી ટોપ-20 બોલરમાં એકપણ ભારતીય બોલરનો સમાવેશ થતો નથી. ત્યારે આ લેખમાં 2026માં સૌથી વધુ વન-ડે વિકેટ લેનાર ટોપ-5 બોલરો વિશે જાણીશું.

દક્ષિણ આફ્રિકા સામેની ચાલુ વન-ડે શ્રેણીની પ્રથમ મેચ દરમિયાન ઓસ્ટ્રેલિયાના નાથન એલિસે 2 વિકેટ ઝડપી હતી, જે બાદ આ વર્ષે તેની કુલ વન-ડે વિકેટની સંખ્યા 20 થઈ ગઈ છે. તે હાલમાં 2026માં સૌથી વધુ વનડે વિકેટ લેનારા બોલરોની યાદીમાં ચોથા સ્થાને છે. આ તેની વર્ષની નવમી મેચ છે અને તેણે અત્યાર સુધીમાં 20 વિકેટ લીધી છે.

ટોપ પર કોણ છે ?

બાંગ્લાદેશી બોલર નાહિદ રાના 2026માં અત્યાર સુધી સૌથી વધુ વનડે વિકેટ લેનાર બોલર છે. જેણે 2024માં વનડેમાં પદાર્પણ કર્યું હતું, તેણે આ વર્ષે 10 મેચ રમી છે. તે 27 વિકેટ સાથે યાદીમાં ટોપ પર છે અને તેણે ત્રણ વખત એક મેચમાં પાંચ વિકેટ લીધી છે.

ટોપ-5માં કોણ છે?

નાહિદ રાણા પછી 2026માં સૌથી વધુ વનડે વિકેટ લેનાર બોલર નેપાળનો સંદીપ લામિછાને છે, જેણે 13 મેચમાં 23 વિકેટ ઝડપી છે. ત્યારબાદ ન્યુઝીલેન્ડનો જેડન લેનોક્સ ત્રીજા સ્થાને છે. તેણે આ વર્ષે 10 મેચમાં 22 વિકેટ લીધી છે. ઓસ્ટ્રેલિયાનો નાથન એલિસ ચોથા ક્રમે છે, જેણે 9 મેચમાં 20 વિકેટ લીધી છે. બાંગ્લાદેશનો તસ્કીન અહેમદ પાંચમા સ્થાને છે, જેણે 11 મેચમાં 20 વિકેટ લીધી છે.

સૌથી વધુ વિકેટ લેનાર ભારતીય બોલર કોણ છે?

2026માં સૌથી વધુ વન-ડે વિકેટ લેનાર ભારતીય બોલર પ્રસિદ્ધ કૃષ્ણા છે, જોકે તે ટોપ-20 ખેલાડીઓની યાદીમાં સામેલ નથી. તે 21મા ક્રમે છે. પ્રસિદ્ધ કૃષ્ણાએ આ વર્ષે 7 વનડે મેચ રમી છે અને 13 વિકેટ લીધી છે. ત્યારબાદ ગુરનૂર બ્રારનો નંબર આવે છે, જેણે 6 મેચમાં 11 વિકેટ ઝડપી છે. આ બંને ખેલાડીઓ વેસ્ટ ઈન્ડિઝ સામેની વનડે શ્રેણીનો ભાગ છે.