આવી રહ્યું છે વાવાઝોડું! આ વર્ષના અંતમાં તબાહીની શક્યતા, અંબાલાલ કાકાએ કીધું એટલે ફાઈનલ! જાણો દિવાળી ટાણે શું કરી આગાહી

Ambalal Patel Rain Forecast: રાજ્યમાં નવરાત્રિના તહેવારની ધમાકેદાર શરૂઆત થઈ ચૂકી છે ત્યારે ગરબા રસિકો માટે હવામાન અંગેના મોટા સમાચાર સામે આવ્યા છે. જાણીતા હવામાન નિષ્ણાંત અંબાલાલ પટેલે આગામી દિવસોની હવામાનની સ્થિતિ અંગે આગાહી કરી છે. નવરાત્રિ દરમિયાન ખેલૈયાઓ ઉત્સાહભેર ગરબા રમી શકશે કારણ કે વરસાદ મોટો અવરોધ નહીં બને, પરંતુ ગરમી અને બફારો લોકોને ચોક્કસપણે હેરાન કરશે. અંબાલાલ પટેલે આ વર્ષના અંતમાં ભારે વાવાઝોડું આવવાની મોટી આગાહી કરી છે. આ વાવાઝોડાના કારણે રાજ્યમાં મોટી તબાહી અને નુકસાન થવાની આશંકા વ્યક્ત કરવામાં આવી છે, જેને પગલે લોકોને સાવધ રહેવા જણાવાયું છે.

અંબાલાલ પટેલની આગાહી અનુસાર, આગામી સમયમાં ગુજરાતના વિવિધ ભાગોમાં ગરમીનું પ્રમાણ યથાવત્ રહેશે. મધ્ય ગુજરાતમાં વિસ્તારોમાં તાપમાન 38 થી 39 ડિગ્રી સેલ્સિયસ સુધી ઊંચે જઈ શકે છે, જેના કારણે ગરમીનો અનુભવ વધુ થશે. સૌરાષ્ટ્ર અને અન્ય વિસ્તારો જેવા કે જૂનાગઢ, ભાવનગર અને અમરેલી સહિત સૌરાષ્ટ્રના વિવિધ ભાગોમાં પણ ગરમીનો પ્રભાવ જોવા મળશે.