SOCIAL MEDIA

Newsletter

PARTNER SITES
Select Language Select State

નશાના ઓવરડોઝે એક જ પરિવારના 7 લોકોનો ભોગ લીધો! 6 પુત્રોની યાદમાં વૃદ્ધ માતાના નથી સુકાતા આંસુ!

નશો માત્ર એક વ્યક્તિને નહીં પરંતુ આખા પરિવારને તબાહ કરવાની ક્ષમતા ધરાવે છે. પંજાબના શેરેવાલા ગામમાં નશાના ઓવરડોઝે એક જ પરિવારના સાત લોકોના જીવ લઈ લીધા. પતિ અને પુત્રોને ગુમાવ્યા બાદ હવે ઘરમાં ફક્ત એક વૃદ્ધ મહિલા જ રહી ગયા છે.

Written By Viral Raval
Published: Nov 21, 2026, 13:37 IST | Updated: Nov 21, 2026, 13:44 IST
Join

ઝી મીડિયાના નશામુક્ત ભારત અભિયાન સાથે જોડાનારા લોકોની સંખ્યા દિન પ્રતિદિન વધી રહી છે. આ જોઈને આનંદ થાય છે કે દેશના લોકો નશા વિરુદ્ધની આ લડાઈમાં આગળ આવીને સાથ આપવા માંગે છે અને આપે છે પણ ખરા. જે લોકો હજુ સુધી આ અભિયાન સાથે જોડાયેલા નથી તેમને પણ આગ્રહ છે કે આગળ આવે અને આ અભિયાનનો ભાગ બને.

નશો કોઈ એક વ્યક્તિને નહીં પરંતુ આખા પરિવારને તબાહ કરી નાખે છે. પંજાબના શેરેવાલા ગામમાં એક પરિવાર ખુબ જ હર્યોભર્યો અને ખુશીથી રહેતો હતો. પરિવારમાં પતિ અને પત્ની તથા તેમના છ પુત્રો હતા. પરંતુ નશાની એક લતે આખો પરિવાર તબાહ કરી નાખ્યો અને ઘરમાં ફક્ત એક વૃદ્ધ માતા રહ્યા છે.

નશાના ખપ્પરમાં આ પરિવાર એવો તે હોમાયો કે પહેલા પતિ અને પછી એક પછી એક બધા પુત્રો ડ્રગના ઓવરડોઝનો ભોગ બની ગયા. હવે ઘરમાં ફક્ત શિંદર કૌર, એક વહુ અને પૌત્ર જ બચ્યા છે.

સૌથી પહેલા પતિ બન્યો ભોગ

આ પરિવારમાં સૌથી પહેલા વર્ષ 2012માં શિંદર કૌરના પતિ મુખ્તિયાર સિંહનું મોત થયું હતું. ત્યારબાદ એક પછીએક તેમના પુત્ર ગુરદીપ સિંહ, જસવંત સિંહ, બલજીત સિંહ, અને રાજૂ સિંહએ આ દુનિયામાંથી વિદાય લીધી. છેલ્લે બચેલો પુત્ર જસવીર સિંહ પણ નશાના ઓવરડોઝના કારણે મોતનો ભોગ બન્યો.

પંજાબમાં અનેક પરિવાર પર નશાનો માર

પંજાબમાં આ કહાની કોઈ એક પરિવારની નથી. કપૂરથલામાં એક માતાએ એવો દાવો કર્યો છે કે આઠ વર્ષમાં નશાની લતના કારણે તેમના પાંચ પુત્રોના મોત થયા. ફરીદકોટમાં પણ એક જ પરિવારના બે પુત્રોના ઓવરડોઝથી મોત થયા. તરનતારનમાં પણ બે ભાઈ નશાના ઓવરડોઝના કારણે માર્યા ગયા. નશો કોઈ એક વ્યક્તિને નહીં પરંતુ આખા પરિવારને ભારે પડે છે. નશો આમ તો આખા દેશ માટે મોટી સમસ્યા છે પરંતુ પંજાબમાં તે ખુબ જ ઝડપથી ફેલાઈ રહ્યો છે.

પંજાબમાં નશા અંગે ચોંકાવનારા આંકડા

કેવી રીતે નશા પીડિતોની મદદ કરી શકાય

નશો એક વ્યક્તિ કરે છે પરંતુ તેની બદનામી આખા પરિવારે ભોગવવી પડે છે. અહીં એ વાતનું ધ્યાન રાખવું જરૂરી છે કે નશો કરનારો વ્યક્તિ નશા પીડિત છે. આથી તેનો તિરસ્કાર કરવાની જગ્યાએ તેની મદદ કરવી જોઈએ.

નશો છોડવા માંગતા યુવાઓ માટે પંજાબમાં આઉટપેશન્ટ ઓપિઓઈડ આસિસ્ટેડ ટ્રીટમેન્ટ એટલે કે OOAT ક્લિનિક અને સરકારી નશામુક્ત કેન્દ્રોનો વિસ્તાર કરાયો છે.

2026-27ના બજેટમાં નશામુક્તિ અને સ્વાસ્થ્ય માળખા માટે ખાસ કરીને 175 કરોડ રૂપિયાની ફાળવણી થઈ છે. ગામડાનાઓના સ્તરે નિગરાણી રાખવા માટે લગભગ 1.5 લાખ ગ્રામ રક્ષા સમિતિ સ્વયંસેવકોને જોડવામાં આવ્યા છે. પંજાબમાં રહેતા લોકો પણ તેની સાથે જોડાઈ શકે છે.

આ નંબર પર ફોન કરી માંગી શકો મદદ

 

Add Zee News as a Preferred Source
TAGS:

About the Author

આસીસ્ટન્ટ ન્યૂઝ એડિટર તરીકે Z 24 કલાક સાથે કાર્યરત. ગુજરાત, દેશ-વિદેશના સમાચારો, રાજકારણ, સાંપ્રત ઘટનાઓથી લોકોને રૂબરૂ કરાવવા ઉપરાંત ધાર્મિક, સ્વાસ્થ્ય, યુટિલિટી, ટેક્નોલોજી, મનોરંજન, વેપાર જેવા વિષયો તથા ગુજરાતના ઊંડા અને આંતરિયાળ વિસ્તારોના લોકોની સમસ્યાઓને વાચા આપતી સ્ટોરીઓમાં ઊંડો રસ છે. 14 વર્ષ કરતા વધુ સમયનો ડિજિટલ પત્રકારત્વનો અનુભવ છે. બી.કોમ બાદ ગુજરાત વિદ્યાપીઠમાંથી પત્રકારત્વમાં અનુસ્નાતક (M.A)ની પદવી મેળવી છે. અગાઉ દિવ્યભાસ્કર, સંદેશ, સમભાવ, અભિયાન સાથે કામ કર્યું છે.  વર્ષ 2017 નવેમ્બરથી ઝી મીડિયા સાથે જોડાયેલા છે. 
Read More

ZEENEWS TRENDING STORIES