Gujarat Breaking News Live: ગુજરાત સહિત દેશ-વિદેશના બ્રેકિંગ ન્યૂઝ અને લેટેસ્ટ અપડેટ તમને અહીં મળશે. તમામ સમાચારો માટે ઝી 24 કલાક સાથે જોડાયેલા રહો.
SIR ને લઈને કોંગ્રેસ નેતા રાહુલ ગાંધીના આરોપો પર કેન્દ્રીય ગૃહમંત્રી અમિત શાહે પ્રહાર કર્યો છે. તેમણે કહ્યું કે, હું રાહુલને પૂછવા ઈચ્છુ છું કે શું કોંગ્રેસ ગુજરાતમાં એસઆઈઆરને કારણે હારી. તેમણે કહ્યું કે ગુજરાતમાં ગાંધીનગર મનપામાં ભાજપની જીત થઈ છે. ગુજરાતમાં કોંગ્રેસ 41 વર્ષથી હારી રહી છે. રાહુલ ગાંધીએ આત્મનિરીક્ષણ કરવું જોઈએ.
જીગરદાન ગઢવીના ગરબાને આખરે પોલીસે મંજૂરી આપી દીધી છે. બીજા નોકરે પોલીસની મંજૂરી ન હોવાને ગરબાનું આયોજન થયું નહીં અને ભારે વિવાદ થયો હતો. હવે પોલીસે જીગરદાન ગઢવીના ગરબાને મંજૂરી આપી દીધી છે. નોંધનીય છે કે પહેલા ફાયર એનઓસીને લઈને સાચી નવરાત્રીમાં ભારે વિવાદ થયો હતો. બીજા દિવસે સ્ટ્રક્ચરલ સ્ટેબિલિટી રિપોર્ટ રજૂ ન કરતા પોલીસની મંજૂરી મળી નહોતી. ત્યારબાદ બીજા નોરતે ગરબા રમવા પહોંચેલા ખેલૈયાઓમાં ભારે આક્રોશ જોવા મળ્યો હતો.
લદ્દાખને લઈને આપવામાં આવેલા નિવેદન બાદ ભારતે ચીનને વળતો જવાબ આપ્યો છે. વિદેશ મંત્રાલયે સ્પષ્ટ કર્યું કે લદ્દાખ કેન્દ્ર શાસિત પ્રદેશ ભારતનું એક અભિન્ન અને અવિભાજ્ય હિસ્સો છે. કોઈના કહેવાથી સત્ય બદલાઈ જશે નહીં. MEA પ્રવક્તા રણધીર જાયસવાલે કહ્યુ કે લદ્દાખમાં વર્તમાન 28 જગ્યાની ઓળખ સર્વે ઓફ ઈન્ડિયાના સત્તાવાર નક્શા પર પ્રમાણભૂત નામોની સાથે કરવામાં આવી છે અને આ કામ લદ્દાખ કેન્દ્ર-શાસિત પ્રદેશ અને સ્થાનીક હિતધારકોની સાથે ચર્ચા-વિચારણા બાદ કરવામાં આવ્યું છે.
ચીને ભારતના લદ્દાખ સ્થિત ઘણા ક્ષેત્રોના સ્ટાન્ડર્ડ નામ જાહેર કરવા પર મંગળવારે વાંધો ઉઠાવ્યો હતો. ત્યારબાદ વિદેશ મંત્રાલયે કહ્યું કે સર્વે ઓફ ઈન્ડિયાના લદ્દાખ કેન્દ્ર શાસિત પ્રદેશના માનચિત્ર પર આ સ્થાનોને ઔપચારિક રૂપથી ચિન્હિત કરવાનો ઉદ્દેશ્ય તેની ચોક્કસ ઓળખને સરળ બનાવવા અને સામાન્ય જનતા વચ્ચે યોગ્ય જાગૃતતા પેદા કરવાનો છે.
ગાંધીનગર મહાનગર પાલિકાની ચૂંટણીમાં ભાજપે ભવ્ય જીત મેળવી છે. જ્યારે કોંગ્રેસના ખાતામાં માત્ર 5 સીટો આવી છે. ગાંધીનગર શહેર કોંગ્રેસ પ્રમુખે કહ્યુ કે પરિણામ અમારા ધાર્યા કરતા વિપરીત આવ્યા છે. શહેરી વિસ્તારમાં લોકોએ અમને સ્વીકાર્યા નથી. ક્યાંક ખામી રહી ગઈ છે વધુ કામ કરીશું. આ સાથે તેમણે આરોપ લગાવ્યો કે પોલીસ દ્વારા અમારા કાર્યકરોને ધમકાવવામાં આવ્યા હતા.
કોંગ્રેસ સંસદીય દળના અધ્યક્ષ સોનિયા ગાંધી, લોકસભામાં વિપક્ષ નેતા અને કોંગ્રેસ સાંસદ રાહુલ ગાંધીના આવાસ પર હાઈ ટી મીટિંગ માટે પહોંચ્યા છે. રાહુલ ગાંધીએ ઈન્ડિયા ગઠબંધનના નેતાઓ, વિપક્ષી સાંસદો, છાત્ર સંગઠનો અને નાગરિક સમાજના સાથીઓને ચા પર પોતાના આવાસ પર આમંત્રિત કર્યાં છે.
કેન્દ્રીય મંત્રી અને ભાજપ નેતા પીયુષ ગોયલે કોંગ્રેસ પર ચૂંટણી પંચના પદનો ખોટો ઉપયોગ કરવા અને પૂર્વ ચૂંટણી કમિશનરોને રાજકીય પદ આપવાનો આરોપ લગાવ્યો. તેમણે પૂર્વ મુખ્ય ચૂંટણી કમિશનરો અને ચૂંટણી કમિશનરોની નિમણૂંકનો હવાલો આપતા કોંગ્રેસના કામકાજ પર સવાલ ઉઠાવ્યા છે. તેમણે કહ્યુ કે કોંગ્રેસ ચૂંટણી પંચની નિષ્પક્ષતા પર સવાલ ઉઠાવે છે, પરંતુ તેમણે પોતાના જૂના રેકોર્ડ પર નજર કરવી જોઈએ. તેમણે કહ્યું કે પ્રધાનમંત્રી મોદીના નેતૃત્વમાં એનડીએ સરકારે ચૂંટણી પંચને સ્વાવલંબી રીતે દેશહિત અને જનહિતમાં કામ કરવા માટે આઝાદી આપી છે અને કોઈપણ ચૂંટણી કમિશનર નિમણૂંક થયા હોય તેને કોઈ રાજકીય લાભ આપવાનો પ્રયાસ કરવામાં આવ્યો નથી.
કોંગ્રેસ સાંસદ પવન ખેડાએ કહ્યુ કે રાહુલ ગાંધીના નિવાસ્થાને યોજાનારી બેઠકમાં વિપક્ષ આગામી રણનીતિ નક્કી કરશે. આ આઝાદીનું આંદોલન છે અને તેમાં અમારા પર જેટલું દમન થશે એટલું સારૂ છે. આજે દેશ આક્રોશિત છે અને આ આક્રોશને કોઈ ખોટી દિશા ન મળે શાંતિપૂર્ણ રીતે બધી વસ્તુ થાય તે અમારી પ્રાથમિકતા છે.
