Gujarat News Live: 3 નવેમ્બરે ગાંધીનગરને મળશે નવા મેયર, બનાસકાંઠાના ખેડૂતોને પણ સહાય આપવામાં આવે: ગેનીબેન ઠાકોર

દુષ્કાળગ્રસ્ત જિલ્લાઓની જાહેરાતને લઈને સાંસદ ગેનીબેનનું નિવેદન સામે આવ્યું છે. ગુજરાતમાં ઓછા વરસાદ અને સિંચાઈના પાણીની અછત છે, ત્યારે બનાસકાંઠામાં પણ ઓછા વરસાદને કારણે અનેક વિસ્તારોમાં પાકને નુકસાન થયું છે, જ્યારે ઘાસચારાની અછતને લઈને પણ પશુપાલકો મુશ્કેલીનો સામનો કરી રહ્યા છે. બનાસકાંઠાના ખેડૂતો અને પશુપાલકો માટે પણ સહાય પેકેજ આપવામાં આવે.

બનાસકાંઠામાં પણ અસરગ્રસ્ત ખેડૂતોને યોગ્ય વળતર આપવામાં આવે, ઘાસચારાની વ્યવસ્થા કરવામાં આવે અને મનરેગા અંતર્ગત તાત્કાલિક કામો શરૂ કરવામાં આવે. આગામી 30 ઓક્ટોબરે વડાપ્રધાન નરેન્દ્ર મોદી બનાસકાંઠા અને વાવ-થરાદની મુલાકાતે આવવાના છે. ત્યારે નર્મદા કમાન્ડ વિસ્તારની કેનાલો દ્વારા પૂરતું પાણી ન મળવાના મુદ્દે ખેડૂતો પશુપાલકો મુશ્કેલીમાં છે તેમના માટે સહાય જાહેર કરે. 

અમદાવાદના સોલામાં બની રહેલા ડ્રેનેજ પમ્પિંગ સ્ટેશનમાં મોટી દુર્ઘટના બની છે. વેલ્ડિંગ કામગીરી દરમિયાન ડ્રેનેજના ગેસની અસરથી એક શ્રમિક પાણીમાં પડ્યો હકો, જેને બચાવવા અન્ય ૩ પણ કૂદ્યા હતા. 4 પૈકીના બેને બચાવવામાં સફળતા મળી છે, જ્યારે બાકીના 2ની ફાયરબ્રિગેડ દ્વારા શોધખોળ શરૂ કરવામાં આવી છે. AMC ડ્રેનેજ પ્રોજેક્ટ વિભાગના અધિકારીઓ સ્થળ પર પહોંચ્યા છે.

ગાંધીનગર મહાનગરપાલિકાના નવા હોદ્દેદારોની નિમણૂક મામલે મહત્વના સમાચાર સામે આવ્યા છે. 3 નવેમ્બરના રોજ ગાંધીનગર મનપાના હોદ્દેદારોની વરણી કરવામાં આવશે. મેયર, ડે મેયર અને સ્ટેન્ડીગ કમિટીના ચેરમેનના નામો જાહેર કરવામાં આવશે. 3 નવેમ્બરે ગાંધીનગર મનપાની સામાન્ય સભા મળશે.

દુષ્કાળ અંગેની જાહેરાત પર કોંગ્રેસ નેતા અમિત ચાવડાનું મોટું નિવેદન સામે આવ્યું છે. તેમણે જણાવ્યું હતું કે, સરકારે મોડે મોડે અમારી રજુઆત માની છે. પણ માત્ર 4 જિલ્લાઓ જ દુષ્કાળગ્રસ્ત જાહેર કર્યા છે. સરકારને રજુઆત છે કે અન્ય જિલ્લાઓ પણ અસરગ્રસ્ત જાહેર કરે. ખેતી ઉપરાંત પીવાની પાણી પણ સમસ્યાઓ છે. રાજ્ય સરકારે કરેલ સહાય રાશિ પણ ખૂબ જ ઓછી છે. સહાય ખેડૂતો માટે મજાક સમાન છે.

રાજ્ય સરકાર દ્વારા ચાર જિલ્લાને દુષ્કાળગ્રસ્ત જાહેરાત કરાયા છે, ત્યારે રાજકોટ જિલ્લાને દુષ્કાળગ્રસ્ત જાહેર ન કરાતા ખેડૂતોમાં રોષ ફેલાયો છે. સરકારે ફેર વિચારણા કરી રાજકોટ જિલ્લાને દુષ્કાળગ્રસ્ત જાહેર કરવાની ખેડૂતોની માંગ છે. રાજકોટ જિલ્લાના અમુક તાલુકામાં માત્ર 7 ઇંચ જેવો વરસાદ પડ્યો હોવાનો ખેડૂતોનો દાવો છે. વરસાદ ન વરસતા ખેડૂતોના પાક સુકાઈ ગયા હતા.

સરકારે વ્હાલા દવલાની નીતિ છોડી સૌરાષ્ટ્ર આખાને દુષ્કાળગ્રસ્ત જાહેર કરવા જોઈએ. ચોમાસુ પાકના વાવેતરનો ખર્ચ પણ હાથમાં આવ્યો નથી. સરકારે હાલ જે જિલ્લાને દુષ્કાળગ્રસ્ત સહાય જાહેર કરી છે તે પણ ખૂબ ઓછી છે, 8500 રૂપિયા હેક્ટર દીઠ સહાયની જાહેર કરી ખેડૂતો સાથે રમત કરી છે, સરકર ઉદ્યોગપતિઓ દેવા માફ કરે તો રાજકોટ જિલ્લાને પણ દુષ્કાળગ્રસ્ત જાહેર કરી ખેડૂતોની પડખે ઉભું રહેવું જોઈએ.
 

અમદાવાદની CN વિદ્યાલયમાં બાળકને માર મારવા મામલે શિક્ષકને સસ્પેન્ડ કરવામાં આવ્યો છે. બાળક વર્ગમાં વાતચીત કરતા શિક્ષકે બાળકને છ લાફા ઝીંક્યા હતા. ઘટના બાદ વિદ્યાર્થીના વાલીએ DEO કચેરીએ રજુઆત કરી હતી. રજુઆત બાદ DEOએ શાળાને કારણદર્શક નોટીશ પાઠવી હતી. નોટિસ બાદ શાળાએ શિક્ષકને સસ્પેન્ડ કર્યા છે. 

વડોદરા શહેરમાં આયુર્વેદિક ત્રણ રસ્તા નજીક ભૂવો પડતા વાહન ખાબક્યું. વગર વરસાદે પડેલા ભૂવામાં ડમ્પર ખાબક્યું હોવાની ઘટના સામે આવી છે. સદનસીબે રસ્તાની સાઇડ પર ઊભેલા બે યુવકોના બચી ગયા હતા. ઘટનામાં કોઈપણ પ્રકારની જાનહાનિ થઈ નથી. દરરોજના અનેકો વાહન આ રોડ પરથી પસાર થાય છે. ડમ્પર પલટી મારતા સ્થાનિકોએ ડમ્પર ચાલકને બહાર કાઢ્યો હતો.