ગાંધીનગરમાં 01 વાગ્યા સુધીમાં 31.90 ટકા મતદાન, કૃષ્ણનગર પોલીસની દારૂની લઈ મોટી કાર્યવાહી, ચોટીલા યાત્રાધામમાં ભક્તોનું ઘોડાપૂર

પંજાબના અમૃતસરમાં થયેલ મધુ સુદાન સિંહ ઉર્ફે મેડ સંધુની હત્યા કેસના ૩ વોન્ટેડ આરોપીઓની ગુજરાત એ.ટી.એસ. અને વલસાડ એસ.ઓ.જી. દ્વારા ધરપકડ કરવામાં આવી છે. ગત ૩ ઓક્ટોબર ૨૦૨૬ના રોજ અમૃતસરના લોરાહકા રોડ પર કાર વોશિંગ સેન્ટર પાસે બે અજાણ્યા શખ્સો દ્વારા ફાયરિંગ કરી મેડ સંધુની હત્યા કરાઈ હતી. અમૃતસર કેંટોનમેન્ટ પોલીસ સ્ટેશનમાં આ અંગે કેસ નોંધાયો હતો અને પંજાબ સી.આઈ.એ. દ્વારા આ કેસની બાતમી ગુજરાત એ.ટી.એસ. ને આપી હતી. ગુજરાત એ.ટી.એ અને વલસાડ પોલીસે બાતમીને આધારે ત્રણેય આરોપીઓ વલસાડના વાપીમાં છુપાયા હોવાનું સામે આવ્યું હતું. વલસાડ એસ.ઓ.જી.ની ટીમ દ્વારા ત્વરિત કાર્યવાહી કરીને વાપીમાંથી હરસિમરનજિત સિંહ, ફતેહ સિંહ અને અરમાન સિંહ નામના ત્રણેય આરોપીઓને ડિટેઈન કરવામાં આવ્યા.

કિર્તીદાન ગઢવી સાથે Z 24 કલાકની વાતચીતે કરી છે. વાતચીત દરમિયાન કિર્તીદાન ગઢવીનું મોટુ નિવેદન. જો વિધર્મીઓ આપણી સંસ્કૃતિને નુકશાન કરે તો તેમને પ્રવેશ ન આપવો જોઈએ. શેરી ગરબા અને ક્લબ ગરબાને લઇને પણ આપ્યું નિવેદન. સમય બદલાતા શેરીઓ હવે રહી કેટલી છે? કિર્તીદાન ગઢવી. શહેરીકરણ થતા લોકો ક્લબ ગરબા તરફ વળ્યાં,જોકે ગરબા ક્યાય રમાય, આસ્થા એ જ છે .

સુરત શહેરમાં 40 જેટલી 'શી ટીમ' કાર્યરત. ગરબા ડોમમાં ટ્રેડિશનલ ડ્રેસમાં મહિલા પોલીસ તૈનાત રહેશે. યુવતીઓની છેડતી કરનાર સામે તાત્કાલિક કાર્યવાહી કરાશે. ડોમ બહાર અને અવાવરુ સ્થળોએ પેટ્રોલિંગ કરાશે. 'શી ટીમ'ની 5 ટુકડીઓ ખાસ પેટ્રોલિંગ કરશે. રાત્રે મુશ્કેલીમાં મુકાયેલી મહિલાઓની મદદે પહોંચશે ટીમ. નવરાત્રિમાં મહિલા સુરક્ષા માટે સુરત પોલીસ સજ્જ.

અમદાવાદના કૃષ્ણનગર વિસ્તારમાં કૃષ્ણનગર પોલીસની દારૂ ની લઈ ને મોટી કાર્યવાહી. કૃષ્ણનગર પોલીસે ગુજરાત હાઉસીંગ બોર્ડમાં દરોડો પાડીને વિદેશી દારૂનો મોટો જથ્થો ઝડપી પાડ્યો છે. કુલ 2,736 વિદેશી દારૂની બોટલો કબજે કરવા માં આવી. ફ્લેટમાંથી અલગ-અલગ કંપનીઓની 180  કુલ ૨,૭૩૬ વિદેશી દારૂની બોટલો કબજે કરવામાં આવી છે. પોલીસે કબજે કરેલ મુદ્દામાલની કુલ કિંમત 7.78 લાખથી વધુ થવા પામી. દારૂ, વાહનો અને મોબાઈલ ફોન સહિત કુલ ૭,૭૮,૪૦૮ રૂપિયાની કિંમતનો મુદ્દામાલ કબજે કરાયો છે. કૃષ્ણનગર પોલીસે રેડ દરમિયાન નિશીત ઉર્ફે નિશુ શાહ, જય ઉર્ફે દાદુ પવાર અને કિશન શાહ નામના ત્રણ શખ્સોની ધરપકડ કરી છે. આરોપીઓ ના એક્ટિવા, જ્યુપીટર અને ઓલા ઇલેક્ટ્રીક સ્કૂટર જેવા ત્રણ વાહનો દ્વારા ગ્રાહકોને દારૂની હોમ ડિલિવરી કરતા હતા. રાજસ્થાનથી દારૂ મંગાવાતો હોવાનું પોલીસ તપાસમાં સામે આવ્યું. આ વિદેશી દારૂનો જથ્થો રાજસ્થાનના સાંચોર ખાતે રહેતા ઓમપ્રકાશ બિશ્નોઈ પાસેથી પોર્ટલ મારફતે મંગાવવામાં આવતો હતો. કૃષ્ણનગર પોલીસે પકડાયેલા આરોપીઓ તેમજ અન્ય વોન્ટેડ ઇસમો સામે પ્રોહિબિશન એક્ટની કલમો હેઠળ કાયદેસરની કડક કાર્યવાહી હાથ ધરી છે.

અમદાવાદ ક્રાઈમ બ્રાન્ચે લાલદરવાજા પાસેથી નકલી CISF ના અધિકારીની ધરપકડ કરી છે.આરોપી લાલદરવાજા પાસે રોફ જમાવવા માટે પેન્ટ પર CISF ના DSP નું આઇકાર્ડ લગાવીને ફરતો હતો.પોલીસ તપાસમાં આરોપી પંજાબનો હોવાનું સામે આવ્યું છે.હાલ આરોપીની ધરપકડ કરીને કારંજ પોલીસ સ્ટેશનમાં ફરિયાદ નોંધાવવામાં આવી છ
 

સુપ્રસિદ્ધ યાત્રાધામ ડાકોરમાં કરિયાણાના વેપારી માંગીલાલ જૈનનું ગોમતી તળાવમાં અગમ્ય કારણોસર મોત. આશરે 62 વર્ષીય વેપારીના મોતથી પંથકમાં ચકચાર. ઘટનાની જાણ થતાં પોલીસ તાત્કાલિક ઘટનાસ્થળે પહોંચી. પોલીસે મૃતદેહનો કબજો મેળવી પોસ્ટમોર્ટમ અર્થે ડાકોર રેફરલ હોસ્પિટલમાં ખસેડ્યો. વેપારીના મોતનું ચોક્કસ કારણ જાણવા પોલીસ તપાસ હાથ ધરશે.

ચોટીલા ડુંગર ઉપર ચામુંડા માતાજીના દર્શન માટે ભાવિકોની ભીડ. આસો માસના પ્રથમ નોરતે ચોટીલા ધામમાં ભક્તોની ભારે ભીડ. રવિવારની રજા અને નવરાત્રિના પ્રારંભે માઈભક્તો ઉમટ્યા. વહેલી સવારથી જ મા ચામુંડાના દર્શન માટે ભક્તોની લાંબી કતારો. દૂર-દૂરથી શ્રદ્ધાળુઓ ચોટીલા ધામે દર્શનાર્થે પહોંચ્યા. માતાજીના જયઘોષથી ચોટીલા ધામ બન્યું ભક્તિમય. નવરાત્રિના પ્રથમ દિવસે ચોટીલા ધામમાં ભક્તિનો માહોલ જામ્યો.

ગાંધીનગર મહાનગરપાલિકા ચૂંટણીમાં બપોરે 1 વાગ્યા સુધીમાં 31.90 ટકા મતદાન. ગાંધીનગર મહાનગરપાલિકાની ચૂંટણીમાં બપોરે 1 વાગ્યા સુધીમાં કુલ 2 લાખ 59 હજાર 985 મતદારોમાંથી 82 હજાર 945 મતદારોએ મતદાન કર્યું. 11 વોર્ડમાં સૌથી વધુ મતદાન વોર્ડ નંબર 4માં 42.20 ટકા નોંધાયું. સૌથી ઓછું મતદાન વોર્ડ નંબર 5માં 26.09 ટકા નોંધાયું. વોર્ડ દીઠ મતદાનની વિગતોની વાત કરીએ તો વોર્ડ નંબર 1માં 41.23 ટકા મતદાન, વોર્ડ નંબર 2માં 37.35 ટકા મતદાન, વોર્ડ નંબર 3માં 31.93 ટકા મતદાન, વોર્ડ નંબર 4માં 42.20 ટકા મતદાન, વોર્ડ નંબર 5માં 26.09 ટકા મતદાન, વોર્ડ નંબર 6માં 31.81 ટકા મતદાન, વોર્ડ નંબર 7માં 38.22 ટકા મતદાન, વોર્ડ નંબર 8માં 26.91 ટકા મતદાન, વોર્ડ નંબર 9માં 26.90 ટકા મતદાન, વોર્ડ નંબર 10માં 26.26 ટકા મતદાન, વોર્ડ નંબર 11માં 30.45 ટકા મતદાન. કુલ 2 લાખ 59 હજાર 985 મતદારોમાંથી 82 હજાર 945 મતદારોએ મતાધિકારનો ઉપયોગ કર્યો. પુરુષ મતદારોમાં 35.47 ટકા અને મહિલા મતદારોમાં 28.19 ટકા મતદાન નોંધાયું. ગાંધીનગર મહાનગરપાલિકા ચૂંટણીમાં બપોરે 1 વાગ્યા સુધીમાં સરેરાશ 31.90 ટકા મતદાન નોંધાયું.

રાજકોટમાં આજે નવરાત્રીના પ્રારંભે જ લવ જેહાદના પોસ્ટરો લાગ્યા છે. અલગ અલગ વિસ્તારમાં નવરાત્રીના આયોજનો બહાર પોસ્ટરો લાગ્યા. 'લવ જેહાદ થી સાવધાન' લખેલા પોસ્ટરો. થોડા સમય પહેલા હિન્દૂ સંગઠનો દ્વારા પોલીસ  કમિશ્નરને રજૂઆત કરવામાં આવી હતી. અર્વાચીન રાસોત્સવ આયોજકો સાથે હિન્દૂ સંગઠનોએ કરી હતી બેઠક. બેઠકમાં ગરબા આયોજકોને વિધર્મી ગાયક કલાકારો, વાજિંત્રો વાદકો, વિધર્મી સિક્યોરિટી ગાર્ડને ન રાખવા અપીલ કરી હતી. વિધર્મી ખેલૈયાઓને પ્રવેશ ન આપવાની ઉઠી હતી માંગ. પોસ્ટરો થી પ્રથમ દિવસે જ વિવાદ.

ગાંધીનગર મનપાની ચૂંટણીમાં કોંગ્રેસ નેતા શક્તિસિંહ ગોહિલે ભાજપ પર આકરા પ્રહારો કર્યા છે. તેમણે જણાવ્યું છે કે ગાંધીનગરમાં ઓછું મતદાન થાય તે માટે ભાજપની યુક્તિ છે. સેક્ટર 20ના લોકોએ સેક્ટર 19માં આવવું પડે છે. ગાંધીનગરના દરેક સેક્ટરમાં મતદાનનું આયોજન થઈ શકે છે. પરંતુ મતદારોને તકલીફ પડે તેવી વ્યવસ્થા ઉભી કરાઈ છે. ગાંધીનગરના લોકો આ વખતે B ટીમને મત નહીં આપે. 

ગાંધીનગર મનપાની ચૂંટણીમાં 11 વાગ્યા સુધીમાં 18.24 ટકા મતદાન નોંધાયું છે. સૌથી વધુ વોર્ડ નંબર 1માં 25.61 ટકા મતદાન નોંધાયું છે. વોર્ડ નંબર 9માં સૌથી ઓછું 14.70 ટકા મતદાન, વોર્ડ 2માં 21.39, વોર્ડ નંબર 3માં 18.24 ટકા મતદાન, વોર્ડ 4માં 24.64, વોર્ડ નંબર 5માં 15.02 ટકા મતદાન, વોર્ડ 6માં 18.65, વોર્ડ નંબર 7માં 22.76 ટકા મતદાન, તમામ 11 વોર્ડમાં શાંતિપુર્ણ મતદાન ચાલી રહ્યુ છે. મતદારોમાં ભારે ઉત્સાહનો માહોલ દેખાઈ રહ્યો છે.

થરા નગરપાલિકાના મતદારોમાં ભારે ઉત્સાહ દેખાઈ રહ્યો છે. અત્યાર સુધીમાં 35.34 ટકા મતદાન થયું છે. સૌથી વધુ વોર્ડ નંબર 6માં 38.23 ટકા મતદાન, વોર્ડ નંબર 5માં 37.08 ટકા મતદાન. વોર્ડ નંબર 4માં 36.93 ટકા મતદાન. વોર્ડ નંબર 3માં 35.57 ટકા મતદાન અને વોર્ડ નંબર 2માં 31.78 અને 1માં 32.92 ટકા મતદાન નોંધાયું છે.

બે વોર્ડના એક જ સ્થળે મતદાન મથકથી મુશ્કેલી. કોંગ્રેસના ઉપાધ્યક્ષ નિશીત વ્યાસે ઉઠાવ્યા સવાલ. સેક્ટર ૧૯માં વોર્ડ ૪ તથા વોર્ડ ૫ ના મતદારો માટે બૂથ બનાવાયા. સેક્ટર ૨૦ ના વિસ્તારના મતદારો ને સેક્ટર ૧૯ માં મત આપવાની ફરજ પડી. ભાજપને હાર દેખાઈ ગઈ છે. ચૂંટણી પંચની કામગીરી સામે ઉઠાવ્યા સવાલ.

બોડેલી-ડભોઈ રોડ પર સાલપુરા ગામ નજીક રેતી ભરેલી ટ્રકમાં ભીષણ આગ. ટ્રકના ટાયરમાંથી શરૂ થયેલી આગે જોતજોતામાં વિકરાળ સ્વરૂપ ધારણ કર્યું. આકાશમાં કાળા ધુમાડાના ગોટેગોટા દૂર સુધી જોવા મળતાં અફરાતફરી મચી. ઘટનાની જાણ થતાં બોડેલી બજાર સમિતિ ફાયર બ્રિગેડની ટીમ તાત્કાલિક દોડી આવી. ફાયર બ્રિગેડે ભારે જહેમત બાદ આગ પર કાબૂ મેળવ્યો. આગ લાગવાનું ચોક્કસ કારણ અકબંધ.

ગાંધીનગર વોર્ડ નંબર 6 માં EVM મશીન બંધ થતાં મતદાન અટવાયું છે. મશીન 10:51ના સમયે બંધ થયું. મશીનમાં 137 મત પડયા. આખરે ચૂંટણી અયોગે તરત મશીન મગાવી મતદાન શરૂ કરાયું. વોર્ડ 6 માં મતદાન અટક્યું. અડધા કલાક મતદાન અટકાવ્યા બાદ શરૂ થયું.

થરા નગરપાલિકાની ચૂંટણીને લઈને કોંગ્રેસ -ભાજપના નેતાઓ કરી રહ્યા છે આક્ષેપ-પ્રતિઆક્ષેપ. કાંકરેજના ધારાસભ્ય અમૃતજી ઠાકોરે થરા પાલિકામાં મતદાન કોંગ્રેસ તરફી થતું હોવાથી ભાજપ રઘવાયું થયું હોવાના નિવેદનને લઈને થરા પાલીકાના પૂર્વ પ્રમુખ અને ઉમેદવાર પૃથ્વીરાજસિંહ વાઘેલાનું નિવેદન. અમૃતજી ભાષણ કરતા હોય તો પણ બરાડા પાડતાં હોય છે એ એમની આદત છે બાકી ભાજપ તરફી મતદાન થઈ રહ્યું છે. અમારે કોઈની સાથે જીભાજોડીમાં ઉતરવું નથી લોકો પોતાનો મત યોગ્ય જગ્યાએ આપી રહ્યા છે. અમે 5 વર્ષમાં થરાનો બહુ વિકાસ કર્યો છે. 1350 જેટલા પ્રધાનમંત્રી આવાસ યોજનાના મકાનો આપ્યા છે. લોકો વિકાસને જોઈને મત કરી રહ્યા છે.

ગાંધીનગર તાલુકા પગાર કેન્દ્ર શાળા સેક્ટર 6 ખાતે સીજે ચાવડા મતદાન કરવા પહોંચ્યા. ગાંધીનગર મહાનગરપાલિકાની ચૂંટણીમાં ધારાસભ્ય ડો સી જે ચાવડાએ મતદાન કર્યું. સેક્ટર ૬ ખાતે ડો સી જે ચાવડાએ મતદાન કર્યું. વિકાસના કામોને પ્રાધાન્ય જનતા આપશે તેવો વિશ્વાસ વ્યક્ત કર્યો. ગાંધીનગરમાં થયેલા વિકાસકામોના કરણે પાટનગર વિશ્વ ફલક પર મુકાયું. ઓછા મતદાન માટે નવરાત્રી કારણ ગણાવ્યું. માતાજીના સ્થાપન બાદ મતદાન વધશે તેવો વિશ્વાસ વ્યક્ત કર્યો. સરમાં કમી થયેલા મતદારોને લઈ નિવેદન, વિસ્થાપન, મૃતક મતદારોના નામ કમી થવાના કારણે મતદારો ઘટ્યા.
 

આણંદ જિલ્લાના સોજીત્રાના કાસોર ગામમાં રહેણાક મકાનમાં 9.6 ફૂટ લાંબો મહાકાય મગર ઘુસી જતા સ્થાનિકોમાં અફડા તફડી સાથે દહેશત પ્રસરી જવા પામી હતી,કાસોર ગામના કોડેર વિસ્તારમાં રહેતા વિઠ્ઠલભાઈ શનાભાઈ પરમારના રહેણાંક મકાનની રવેસીમાં મહાકાય મગર ઘુસી જતા પરિવારજનોમાં દહેશત પ્રસરી જતા તેમણે તાત્કાલિક દયા ફાઉન્ડેશન, કરમસદને જાણ કરી હતી. ઘટનાની જાણ થતાં દયા ફાઉન્ડેશનના સભ્યો અને સોજીત્રા વન વિભાગની ટીમ સ્થળ પર પહોંચી હતી અને ભારે જહેમત બાદ મહાકાય મગરનું સુરક્ષિત રેસ્ક્યૂ કર્યું હતું. ત્યારબાદ મગરને તેના કુદરતી આવાસમાં મુક્ત કરવામાં આવ્યો હતો.

સુરતના બિટકોઇન કૌભાંડમાં મુખ્ય આરોપી દિવ્યેશ દરજીની ED દ્વારા ધરપકડ કરાઈ છે. ₹690 કરોડના કૌભાંડ અને 6,994 બિટકોઇનની હેરાફેરીના આક્ષેપો. સ્પેશિયલ ED કોર્ટે દિવ્યેશ દરજીના બુધવારે સાંજે 5 વાગ્યા સુધીના રિમાન્ડ મંજૂર કર્યા, EDનો દાવો: 2024માં બિટકોઇન વેચી મળેલી રકમ પરિવારના સભ્યોમાં વહેંચી. મની લોન્ડરિંગ અને હવાલા મારફતે નાણાં સગેવગે થયાની આશંકા. ટ્યુશન ક્લાસીસ ચલાવતા દિવ્યેશ પર ઊંચા વળતરની લાલચ આપી રોકાણકારોને ફસાવવાનો આરોપ. સમગ્ર કૌભાંડ આશરે ₹2,000 કરોડ સુધી પહોંચ્યું હોવાનો અંદાજ. આરોપી અગાઉ લાંબા સમય સુધી દુબઈમાં રહ્યો હતો, 2018માં CID ક્રાઇમે પણ ધરપકડ કરી હતી. બચાવ પક્ષની દલીલ: EDના સમન્સ પર 11 વખત હાજર રહી તપાસમાં સહકાર આપ્યો. વકીલનો દાવો: 72 કલાકની તપાસમાં વાંધાજનક પુરાવા મળ્યા નહોતા, તમામ આક્ષેપો પાયાવિહોણા.