ટ્રમ્પનો ક્રોધાગ્નિ કે ઈરાનની જીદ્દ? મિડલ ઈસ્ટમાં ફરી મોટો ધડાકો થવાના એંધાણ, ઈરાનની ૭ શરતોનું સસ્પેન્સ

US Midterm Elections : અમેરિકાની મિડટર્મ ચૂંટણીમાં ટ્રમ્પને જે રીતે હારનો સામનો કરવો પડ્યો છે. તેની ઉજવણી માત્ર અમેરિકામાં ડેમોક્રેટિક પાર્ટીના નેતાઓ જ નથી કરી રહ્યા પરંતુ ઈરાનમાં પણ ટ્રમ્પની હારને લઈને જશ્નનો માહોલ છે. ઈરાનના અલગ-અલગ શહેરોમાંથી ઉજવણીની તસવીરો સામે આવી રહી છે.

• ટ્રમ્પની હારથી ઈરાનમાં જશ્નનો માહોલ
• ઈરાનની ઉજવણીથી ટ્રમ્પને આવ્યો ગુસ્સો
• ટ્રમ્પે ઈરાન પર હુમલાની આપી ધમકી
• ઈરાન યુદ્ધથી અમેરિકામાં મોંઘવારીનો માર
• ઈરાને અમેરિકા સામે મૂકી સાત શરતો

જો કે, ઈરાનમાં ઉજવણી કરવાની રીત કંઈક અલગ જ છે. ક્યાંક બિલબોર્ડ પર ટ્રમ્પના પોસ્ટર સળગાવવામાં આવી રહ્યા છે. તો ક્યાંક ટ્રમ્પને મારી નાખવાની ધમકીઓ આપવામાં આવી રહી છે. આટલું જ નહીં, ઈરાનની રાજધાની તેહરાનના તાજરીશ સ્ક્વેરમાં અમેરિકી રાષ્ટ્રપતિ ડોનાલ્ડ ટ્રમ્પનો વેશ ધારણ કરેલા એક શખ્સને ફાંસીના માંચડે લટકાવવાનો પ્રતિકાત્મક કાર્યક્રમ પણ યોજાયો.

ટ્રમ્પનો ગુસ્સો ચરમસીમાએ 

ઈરાનમાંથી સામે આવી રહેલી આવી જ તસવીરો જોઈને ટ્રમ્પ નારાજ થયા છે. ટ્રમ્પનો ગુસ્સો ચરમસીમાએ છે ત્યારે અમેરિકાના મિડટર્મ ચૂંટણીમાં મળેલી હારનો બદલો લેવા ટ્રમ્પ ગમે ત્યારે ઈરાન પર હુમલો કરી શકે છે અને ખુદ ટ્રમ્પે જ આવી શક્યતા વ્યક્ત કરી છે.

 હું બાકીના દેશોને બરબાદ કરવા માગતો નથી

ઈરાનમાં છેલ્લા સાત મહિનામાં અમે ઘણું બધું હાંસલ કર્યું છે. અમે જે કરી શકીએ તેમ છીએ.પરંતુ હવે અમે નિર્ણય લઈશું કે ભવિષ્યમાં આવું ફરી ન થાય. જો શક્ય હોય તો હું બાકીના દેશને બરબાદ કરવા માગતો નથી. પરંતુ કદાચ મારે આવું કરવું પડી શકે છે.જેના વિશે તમને ટૂંક સમયમાં જાણ થઈ જશે.

તો શું ઈરાન અને અમેરિકા વચ્ચે ફરી એકવાર યુદ્ધનો પ્રારંભ થશે? શું મિડલ ઈસ્ટ ફરી એકવાર બારૂદી હુમલાઓથી ધધકી ઊઠશે? કારણ કે મિડટર્મ ચૂંટણીમાં રિપબ્લિકન પાર્ટીને થયેલા નુકસાન પાછળ ઈરાન યુદ્ધની ભૂમિકા મહત્ત્વની રહી હોવાનું માનવામાં આવે છે. ખુદ ટ્રમ્પ પણ સ્વીકારી ચૂક્યા છે કે યુદ્ધના કારણે પેટ્રોલના ભાવ વધ્યા. જેની અસર ચૂંટણી પર પડી.

ટ્રમ્પની રિપબ્લિકન પાર્ટીમાં પણ મતભેદ શરૂ

એટલું જ નહીં, અમેરિકાના મિડટર્મ ચૂંટણીમાં હાર બાદ રાષ્ટ્રપતિ ટ્રમ્પની રિપબ્લિકન પાર્ટીમાં પણ મતભેદ શરૂ થયા છે. વિદેશમંત્રી માર્કો રૂબિયો અને ઉપરાષ્ટ્રપતિ જેડી વેન્સ પણ ટ્રમ્પથી અંતર બનાવી રહ્યા  છે. આવી સ્થિતિમાં હવે ટ્રમ્પ ઈરાન પાસેથી બદલો લેવાની તૈયારીમાં હોવાની ચર્ચા છે. જોકે, ઈરાને પણ સ્પષ્ટ કરી દીધું છે કે આ વખતે અમેરિકાએ એક પણ હુમલો કર્યો તો તેને જડબાતોડ જવાબ આપવામાં આવશે.

જો કે, ઈરાને અમેરિકા સમક્ષ નવો પરમાણુ પ્રસ્તાવ પણ રજૂ કર્યો છે. કતાર મારફતે આ પ્રસ્તાવ અમેરિકા સુધી પહોંચાડવામાં આવ્યો છે જેમાં ઈરાને સાત શરતો મૂકી છે. ઈરાનનું કહેવું છે કે આ સાત શરતો પૂરી થયા બાદ જ પરમાણુ કાર્યક્રમ અંગે વાતચીત થશે અને હોર્મુઝની ખાડી ખોલવામાં આવશે. આખરે ઈરાનની એ સાત શરતો કઈ છે... તે પણ જાણી લો...

ખલીફાની 7 શરતો કઈ છે?     

હવે અમેરિકા ઈરાનની આ શરતો સ્વીકારે છે કે નહીં. તે હાલ સસ્પેન્સ છે પરંતુ એક વાત સ્પષ્ટ છે કે અમેરિકા પહેલાં ઈરાનના પરમાણુ કાર્યક્રમ પર વાતચીત કરવા માગે છે. જ્યારે ઈરાન પહેલાં આર્થિક અને સૈન્ય પ્રતિબંધો હટાવવાની માગણી કરી રહ્યું છે.