સુરતમાં ચર્ચને નિશાન બનાવનારા કુખ્યાત ચોર ઝડપાયો, 85,500નો મુદ્દામાલ જપ્ત

Surat Crime News: મળતી માહિતી મુજબ, આરોપી અનિલ પારગીએ ચોકબજાર વિસ્તારમાં આવેલા ચર્ચને નિશાન બનાવ્યું હતું. તેણે ચર્ચમાં પ્રવેશ કરી ત્યાં રાખેલી દાનપેટીમાંથી રૂપિયા 45,500ની રોકડ રકમની ચોરી કરી હતી. 

કિંમતી સામાન પણ ચોરી કરી ફરાર થઈ ગયો હતો

આ ઉપરાંત ચર્ચમાંથી મલ્ટીમીડિયા સ્પીકર, પંખા અને અન્ય કિંમતી સામાન પણ ચોરી કરી ફરાર થઈ ગયો હતો. CCTV ફૂટેજના આધારે પોલીસને સફળતા મળી હતી, ચર્ચમાં થયેલી આ ચોરીની સમગ્ર ઘટના ત્યાં લાગેલા CCTV કેમેરામાં કેદ થઈ ગઈ હતી. ફૂટેજના આધારે પોલીસ આરોપી સુધી પહોંચવામાં સફળ રહી હતી.

85,500 રૂપિયાનો મુદ્દામાલ કબજે કર્યો

આ ચોરી અંગે અગાઉ લાલગેટ પોલીસ સ્ટેશનમાં કાયદેસરનો ગુનો દાખલ કરવામાં આવ્યો હતો. હથિયારો અને સ્પીકર સહિતનો મુદ્દામાલ રિકવરક્રાઈમ બ્રાન્ચે આરોપી અનિલ પારગીની ધરપકડ કરીને તેની પાસેથી ચોરી કરેલા સ્પીકર, મોબાઈલ ફોન, પંખા અને ગુનામાં વપરાયેલા/રાખેલા હથિયારો મળી કુલ 85,500 રૂપિયાનો મુદ્દામાલ કબજે કર્યો છે. સુરત ક્રાઈમ બ્રાન્ચે આ મામલે આગળની કાયદેસરની કાર્યવાહી કરવા માટે આરોપીને લાલગેટ પોલીસ સ્ટેશનને સોંપવાની તજવીજ હાથ ધરી છે.

કુખ્યાત ચોર પકડાતા પોલીસે રાહતનો શ્વાસ લીધો

ધાર્મિક સ્થળ પર ચોરી કરનાર આ કુખ્યાત ચોર પકડાતા પોલીસે રાહતનો શ્વાસ લીધો છે અને તેની અન્ય ગુનાહિત પ્રવૃત્તિઓ અંગે પણ પૂછપરછ શરૂ કરવામાં આવી છે.