Gujarat Breaking News Live: ગુજરાત સહિત દેશ-વિદેશમાં અનેક મોટી ઘટનાઓ બની રહી છે, જેમાં સરકારના નિર્ણયો, રાજકીય પાર્ટીઓના નિવેદનો, દેશના લોકોને અસર કરતા મુદ્દાઓ, અકસ્માતો, હવામાનના સમાચાર અને અન્ય મહત્વપૂર્ણ ઘટનાઓ તેમજ લેટેસ્ટ સમાચાર અને બ્રેકિંગ અપડેટ્સ માટે Zee 24 Kalak Gujarati સાથે જોડાયેલા રહો..
સુરત શહેર લાલગેટ પોલીસે ડ્રગ્સ સાથે મહિલાની ધરપકડ કરી છે. આરોપી રૂબીના યૂનુસખાન પઠાણ ચોરી-છુપીથી ડ્રગ્સના માલનું વેચાણ કરતી હતી. પોલીસે બાતમીના આધારે મહિલાને ઝડપી છે. મહિલા પાસેથી ૬૧.૭૮૦ ગ્રામ મેફેડ્રોન ડ્રગ્સ મળી આવ્યું છે.
દર વર્ષની જેમ ઇન્દિરા બ્રિજ ખાતે છઠપૂજાનું કરાયું આયોજન કરવામાં આવ્યું છે. છટપૂજા માટે સ્પેશિયલ ઘાટ બનાવવામાં આવ્યા હતા. મોટી સંખ્યામાં મહિલાઓ છઠપૂજા માટે પહોંચી હતી. ખાસ કરીને બિહાર અને અન્ય સ્થળેથી અમદાવાદમાં વસેલા લોકોએ ધામધૂમથી છઠપૂજા કરી છે. નાયબ મુખ્યમંત્રી હર્ષ સંઘવી પણ છઠ પૂજાના કાર્યક્રમમાં હાજરી આપી છે. મેયર હિતેશ બારોટ અને ધારાસભ્ય પાયલ કુકરાની પણ હાજર રહ્યાં હતા.
અમદાવાદ એરપોર્ટ પર સ્પાઇસ જેટના મુસાફરો અટવાયા છે. ફ્લાઇટ કેન્સલ થતાં મુસાફરો મુશ્કેલીમાં મુકાયા છે. એક બાદ એક ફ્લાઇટ કેન્સલ થતાં આ સ્થિતિ ઉભી થઈ છે. સવાર અને બપોરની ફ્લાઇટ કેન્સલ થયા બાદ હવે રાતની ફ્લાઇટ કેન્સલ થવાની ચર્ચા છે. જોકે આ વિશે હજુ એરલાયન્સ કંપનીએ કોઈ ખુલાસો કર્યો નથી.
પંચમહાલના મોરવા હડફના મોરા ખાતે ભગવાન બિરસા મુંડાની જન્મજયંતિની ઉજવણી નિમિત્તે આયોજિત કાર્યક્રમમાં પૂર્વ મુખ્યમંત્રી શંકરસિંહ વાઘેલા ઉપસ્થિત રહ્યા હતા. આ પ્રસંગે શંકરસિંહ વાઘેલાએ નિવેદન આપતા જણાવ્યું હતું કે, "તમે હિન્દુ નથી, આદિવાસી છો, એટલે વસ્તી ગણતરીમાં તમારી ઓળખ આદિવાસી તરીકે જ આપજો." તેમણે આદિવાસી સમાજને મળતા બંધારણીય લાભો તથા આદિવાસી સર્ટિફિકેટ માટે સાચા આદિવાસીઓની ઓળખ જરૂરી હોવાનું જણાવી ભાજપનું નામ લીધા વિના નેતૃત્વની પસંદગી પર શાબ્દિક કટાક્ષ કર્યા હતા. આયોજકોએ આ કાર્યક્રમને બિનરાજકીય ગણાવ્યો હતો, જેમાં યુવરાજસિંહ જાડેજા અને બ્રિજરાજસિંહ સહિત આપ અને કોંગ્રેસના રાજકીય તથા સામાજિક આગેવાનો ઉપસ્થિત રહ્યા હતા.
રાજકોટમાં બજાર ખુલતાની સાથે જ સિંગતેલના ભાવમાં ડબ્બે રૂ. 20 થી 30નો મોટો ઉછાળો નોંધાયો છે, જેના પગલે સારી ક્વોલિટીના સિંગતેલનો એક ડબ્બો રૂ. 3150ને પાર પહોંચી ગયો છે. ઉત્પાદન ઘટવાને કારણે બજારમાં પુરવઠા પર અસર પડી છે, જ્યારે બીજી તરફ સિંગતેલની માંગ યથાવત રહેતા ભાવમાં આ તેજી જોવા મળી રહી છે. દિવાળી બાદ સિંગતેલના ભાવમાં સતત તેજીનો માહોલ યથાવત છે અને આગામી દિવસોમાં પણ ભાવ વધવાની પૂરેપૂરી શક્યતા રહેલી છે. વેપારીઓની આગાહી મુજબ વર્ષ દરમિયાન સિંગતેલના ભાવમાં કોઈ ઘટાડો નહીં આવે, જેના કારણે મોંઘવારીના આ વધુ એક મારથી ગૃહિણીઓના રસોડાનું બજેટ ખોરવાશે.
ભારતીય ક્રિકેટ ટીમે ન્યૂઝીલેન્ડને પાંચમી અને અંતિમ વનડે મેચમાં હરાવી 5 મેચની સિરીઝ 3-1થી કબજે કરી છે. ભારતે પ્રથમ બેટિંગ કરતા 209 રન બનાવ્યા હતા. જેના જવાબમાં ન્યૂઝીલેન્ડની ટીમ 187 રનમાં ઓલઆઉટ થઈ ગઈ હતી. મેચમાં 4 બોલમાં 14 રન અને ત્રણ વિકેટ ઝડપનાર અર્શદીપ સિંહને પ્લેયર ઓફ ધ મેચ જાહેર કરવામાં આવ્યો હતો. જ્યારે ગુરનૂર બરાર પ્લેયર ઓફ ધ ટૂર્નામેન્ટ રહ્યો હતો.
પ્રધાનમંત્રી નરેન્દ્ર મોદીએ દેશવાસીઓને મહાપર્વ છઠની શુભેચ્છાઓ આપી. તેમણે એક્સ પર પોસ્ટ કરતા કહ્યું 'તમામ દેશવાસીઓને મહાપર્વ છઠની સંખ્યા અર્ધ્યની અનેકાનેક શુભકામનાઓ. પ્રકૃતિ-પૂજનને સમર્પિત આ પાવન અવસર દરેક માટે નવી ચેતના અને સ્ફૂર્તિ લાવે, સાથે સમાજમાં સદ્ભાવ તથા સમરસતાને વધુ મજબૂત કરે. સૂર્યદેવની કૃપાથી બધાનું જીવન ઉજ્જવળ થાય. જય છઠી મઇયા!'
