Gujarat Breaking News Live: ગુજરાત સહિત દેશ અને દુનિયામાં બનતી તમામ મહત્વની ઘટનાઓ, રાજકારણ, હવામાન, અકસ્માત, રમતગમત, બિઝનેસ, મનોરંજન સહિતના દરેક મોટા સમાચારની પળેપળની લાઈવ અપડેટ અને બ્રેકિંગ ન્યૂઝ એક જ જગ્યાએ મેળવવા માટે જોડાયેલા રહો Zee 24 Kalakના લાઈવ બ્લોગ સાથે...
ભારતીય ટીમે ચોથી ટી20 મેચમાં 87 રને હારનો સામનો કરવો પડ્યો છે. ન્યૂઝીલેન્ડે પ્રથમ બેટિંગ કરતા 20 ઓવરમાં 259 રન ફટકાર્યા હતા. જેના જવાબમાં ભારતીય ટીમ 20 ઓવરમાં 9 વિકેટે 172 રન બનાવી શકી હતી. મેચમાં સદી ફટકારનાર કીવી બેટર ગ્લેન ફિલિપ્સને મેન ઓફ ધ મેચ જાહેર કરવામાં આવ્યો હતો. હવે બંને ટીમો વચ્ચે પાંચમી અને અંતિમ ટી20 મેચ રવિવારે રમાશે. પાંચ મેચની સિરીઝમાં ભારત 3-1થી આગળ છે.
ઉત્તરાખંડમાં જોશીમઠની પાસે હેલિકોપ્ટર ક્રેશ થઈ ગયું છે. હેલિકોપ્ટર બદ્રીનાથ ધામથી પરત ફરી રહ્યું હતું. પ્રાપ્ત વિગત અનુસાર હેલિકોપ્ટરમાં પાયલટ સહિત કુલ છ લોકો સવાર હતા, જેમાં પાંચ યાત્રી સામેલ હતા. દુર્ઘટનામાં બધા છ લોકોના મોત થયા. ઘટનાની સૂચના મળતા સ્થાનિક તંત્રની ટીમ ઘટનાસ્થળે રવાના થઈ હતી. તંત્ર દ્વારા રેસ્ક્યુ ઓપરેશન શરૂ કરવામાં આવ્યું છે.
પ્રધાનમંત્રી નરેન્દ્ર મોદી ગાંધીનગર રાજભવનથી નીકળી કેવડિયા જવા રવાના થયા છે. પીએમ મોદી હેલિકોપ્ટર દ્વારા કેવડિયા પહોંચશે. આવતીકાલે સ્ટેચ્યુ ઓફ યિનિટી ખાતે આયોજીત વિવિધ કાર્યક્રમમાં પીએમ મોદી હાજરી આપશે.
