સાબર ડેરી અને સાબરકાંઠા બેંકની ચૂંટણી છેલ્લી ઘડીએ મોકૂફ: ભાજપમાં આંતરિક બળવા અને હોર્સ ટ્રેડિંગની આશંકા
Gujarati News: હિંમતનગરમાં સાબર ડેરી અને સાબરકાંઠા મધ્યસ્થ સહકારી બેંકના ચેરમેન-વાઈસ ચેરમેનની અઢી વર્ષની મુદત માટે શુક્રવારે યોજાનારી ચૂંટણી ભાજપમાં આંતરિક બળવા અને જૂથબંધીના ડરથી છેલ્લી ઘડીએ મુલતવી રાખવામાં આવી છે. ડેરીમાં ચેરમેન પદ માટે ડો. વિપુલ પટેલને મળેલા સમર્થન અને હોર્સ ટ્રેડિંગની ચર્ચાઓને કારણે રાજકીય ગરમાવો આવ્યો હતો. મામલો વધુ ન બગડે તે માટે પ્રદેશ નેતાગીરીએ ડિરેક્ટરોને ગાંધીનગર બોલાવીને ખખડાવ્યા હતા અને આખરે આગમચેતી રૂપે ચૂંટણી હાલ પૂરતી સ્થગિત કરી દેવાઈ છે, જેનો નવો કાર્યક્રમ આગામી સમયમાં જાહેર થશે.
Gujarati News: સાબરકાંઠા અને અરવલ્લી જિલ્લાના લાખો ખેડૂતો અને પશુપાલકો સાથે સીધી રીતે સંકળાયેલી બે મહત્વપૂર્ણ સહકારી સંસ્થાઓ સાબરડેરી અને સાબરકાંઠા જિલ્લા મધ્યસ્થ સહકારી બેંકમાં ચેરમેન અને વાઇસ ચેરમેન પદની ચૂંટણીને લઈને રાજકીય ગરમાવો જોવા મળી રહ્યો છે. સાબર ડેરી અને સાબરકાંઠા મધ્યસ્થ સહકારી બેંકના ચેરમેન અને વાઈસ ચેરમેનની અઢી વર્ષની મુદત માટે શુક્રવારે યોજાનારી મહત્વપૂર્ણ ચૂંટણી છેલ્લી ઘડીએ આકસ્મિક રીતે મુલતવી રાખવામાં આવી છે. પાર્ટીમાં આંતરિક બળવો થવાની અને હોર્સ ટ્રેડિંગ થવાની પૂરી શક્યતાને જોતાં ભાજપની નેતાગીરી હરકતમાં આવી ગઈ હતી અને આખીય ચૂંટણી મોકૂફ રાખવાની ફરજ પડી હતી.
Gujarat News Live: આજે ધનતેરસનું પાવન પર્વ, ચોટીલા મંદિરમાં દર્શન અને આરતીના સમયમાં ફેરફાર, અમદાવાદ-વડોદરામાં રફતારનો કહેર
6 નવેમ્બરના રોજ બંને સંસ્થાઓમાં એક જ દિવસે ચૂંટણી યોજાવાની હતી.
ઉલ્લેખનીય છે કે આગામી 6 નવેમ્બરના રોજ બંને સંસ્થાઓમાં એક જ દિવસે ચૂંટણી યોજાવાની હતી. ત્યારે તૈયારીના ભાગરૂપે ભાજપ દ્વારા હિંમતનગર સર્કિટ હાઉસ ખાતે સેન્સ પ્રક્રિયા હાથ ધરવામાં આવી હતી. પ્રદેશ ભાજપમાંથી આવેલા ત્રણ નિરીક્ષકો ડિરેક્ટરો, સહકારી આગેવાનો અને જિલ્લા ભાજપના અગ્રણીઓને સાંભળ્યા હતા. આ સેન્સ પ્રક્રિયા બાદ બંને સંસ્થાઓના ચેરમેન અને વાઇસ ચેરમેન પદ માટેના સંભવિત નામો પ્રદેશ કક્ષાએ મોકલવામાં આવ્યા હતા.
અરવલ્લી જિલ્લાના લાખો પશુપાલકો અને ખેડૂતોની આર્થિક કરોડરજ્જુ સમાન
બંને સહકારી સંસ્થાઓમાં ચેરમેન અને વાઇસ ચેરમેન પદ માટે અનેક નામોની ચર્ચા ચાલી રહી હતી. ખાસ કરીને અગાઉ બંને સંસ્થાઓ સાથે જોડાયેલા વિવાદોને ધ્યાનમાં રાખીને આ વખતે ભાજપ દ્વારા નિર્વિવાદ અને સર્વસ્વીકૃત ચહેરાઓને પ્રાધાન્ય આપવામાં આવે તેવી શક્યતાઓ વ્યક્ત થઈ રહી હતી. સાબરડેરી અને સાબરકાંઠા બેંક માત્ર સહકારી સંસ્થાઓ જ નહીં, પરંતુ સાબરકાંઠા અને અરવલ્લી જિલ્લાના લાખો પશુપાલકો અને ખેડૂતોની આર્થિક કરોડરજ્જુ સમાન છે.
રાહુલ ગાંધીના એક ઈશારે લાખો યુવાનો રસ્તા પર ઉતરી જશે, ભારતની હાલત બાંગ્લાદેશ કરતાં પણ ખરાબ થશે, કોંગ્રેસના નેતાનો બફાટ
રાત્રે જ તમામ ડિરેક્ટરોને તાત્કાલિક ગાંધીનગર બોલાવવામાં આવ્યા
સાબરડેરી અને બેંકમાં ચાલતી ઉથલપાથલનો અંદાજ આવી જતાં, તારીખ 04 ના રોજ રાત્રે જ તમામ ડિરેક્ટરોને તાત્કાલિક ગાંધીનગર બોલાવવામાં આવ્યા હતા. અરવલ્લી જિલ્લા પ્રભારી મંત્રીના બંગલે પ્રદેશ સંગઠન મહામંત્રી અને ઉત્તર ગુજરાત ઝોનના પ્રભારી સમક્ષ ડેરીના કાવા-દાવા અને આંતરિક વિવાદોથી પક્ષની છબી ખરડાઈ હોવાનું જણાવી ડિરેક્ટરોની આકરી લેવામાં આવી હતી. તેમજ પક્ષ દ્વારા જેમને પણ મેન્ડેટ અપાય તેને સર્વસંમતિથી સ્વીકારવા સ્પષ્ટ સૂચના આપવામાં આવી હતી.
ભાજપની સ્થાનિક તથા પ્રદેશ નેતાગીરી સ્તબ્ધ થઈ ગઈ
સાબરડેરીમાં વર્તમાન ચેરમેન શામળ પટેલ સામે વિરોધના સૂર ઊભા થયા હોવાથી તેમની રવાનગી લગભગ નિશ્ચિત મનાઈ રહી હતી. જ્યારે બીજી બાજુ, મૂળ કોંગ્રેસી ડો. વિપુલ પટેલને ચેરમેન પદ મળે તે માટે મોટાભાગના ડિરેક્ટરોએ સેન્સ પ્રક્રિયામાં સમર્થન જાહેર કર્યું હતું. ડિરેક્ટરોની આ એકજૂથતા અને આંતરિક ખેંચતાણના કારણે ભાજપની સ્થાનિક તથા પ્રદેશ નેતાગીરી સ્તબ્ધ થઈ ગઈ હતી.
સરકારે પાસપોર્ટ અને વિઝાના નિયમોમાં કર્યો ફેરફાર, આ પાકિસ્તાની નાગરિકોને મોટી રાહત
ભ્રષ્ટાચાર, નોકરીઓમાં ભરતી અને સોદાબાજીના ગંભીર આરોપો
આ ચૂંટણી માત્ર પદ માટેની લડાઈ ન હતી, પરંતુ તેમાં સહકારી સંસ્થામાં કથિત ભ્રષ્ટાચાર અને ગેરરીતિઓના મુદ્દા પણ જોરશોરથી ઉછળ્યા હતા. ચર્ચા મુજબ ડેરીમાં ઉમેદવારોને હંગામી નોકરી આપવાના નામે લાખો રૂપિયા ખંખેરવામાં આવ્યા હોવાની અને ડિરેક્ટરોની સોદાબાજીના મુદ્દાએ સહકારી ક્ષેત્રે ભારે ચર્ચા જગાવી હતી. ઇડર માર્કેટયાર્ડ જેવી સ્થિતિ સાબરડેરીમાં ન સર્જાય તે માટે ઉચ્ચ કક્ષાએથી આગમચેતીના ભાગરૂપે ચૂંટણી મોકૂફ રાખવાના આદેશ અપાયા હોવાનું ચર્ચાઈ રહ્યું છે.
આગામી દિવસોમાં નવો ચૂંટણી કાર્યક્રમ જાહેર થશે
હાઈવોલ્ટેજ ડ્રામા અને વિવાદો વચ્ચે શુક્રવારની ચૂંટણી હાલ પૂરતી સ્થગિત કરવામાં આવી છે. સહકારી સંત્રોમાંથી મળતી માહિતી મુજબ, આગામી સમયમાં પરિસ્થિતિનો તાગ મેળવીને બંને સહકારી સંસ્થાઓ માટે ચૂંટણીનો નવો કાર્યક્રમ નવેસરથી જાહેર કરવામાં આવશે.
