SOCIAL MEDIA

Newsletter

PARTNER SITES
Select Language Select State

પબુભાની માત્ર લાગણી હતી કે 2027 પહેલાંનું રાજકીય દબાણ? કોળી સમાજના CMના નિવેદનથી રાજકારણમાં ભૂકંપ

ગુજરાતના રાજકારણમાં અત્યારે 'બિનરાજકીય'ના નામે 'રાજકીય' ખેલ શરૂ થઈ ગયો છે. 2027ની ચૂંટણીને હજુ વાર છે, પરંતુ કોળી સમાજના મંચ પરથી હવે સીધા મુખ્યમંત્રી પદની માંગણીઓ ઉઠવા લાગી છે. દ્વારકાના ધારાસભ્ય પબુભા માણેકે એક એવું નિવેદન ફેંક્યું છે જેણે ગાંધીનગરથી લઈને સૌરાષ્ટ્ર સુધીના રાજકારણમાં ભૂકંપ લાવી દીધો છે. કોણ સાચું, કોણ ચૂપ અને કોણ નારાજ? તેના વિશે આ લેખમાં જાણીશું.

Written By Dilip Chaudhary
Published: Nov 16, 2026, 20:26 IST | Updated: Nov 16, 2026, 20:32 IST
Join

ગુજરાત વિધાનસભાની ચૂંટણી 2027માં છે, પરંતુ રાજકીય ગણિત અત્યારથી જ શરૂ થયું છે. ગુજરાતમાં કોળી સમાજના નેતાઓનાં નિવેદનો એક પછી એક સામે આવી રહ્યા છે. ક્યારેક કુંવરજી બાવળિયાના રાજકીય ભવિષ્યની વાત, તો ક્યારેક તળાજા બેઠક પર દિવ્યેશ સોલંકીની ટિકિટનો દાવો અને હવે દ્વારકાથી ભાજપના ધારાસભ્ય પબુભા માણેકે એવો ધડાકો કર્યો કે ભલભલા નેતાઓ ચોંકી ગયા.

મુખ્યમંત્રી પદ કોળી સમાજ પાસે હોવું જોઈએ': પાટીદારોના દબદબા વચ્ચે ભાજપના જ ધારાસભ્યે નવો પલિતો ચાંપ્યો, જાણો શું છે વિવાદ

પબુભાની માત્ર લાગણી હતી કે પછી 2027 પહેલાનું કોઈ મોટું દબાણ?

દ્વારકામાં કોળી સમાજના કાર્યક્રમમાં ભાજપના જ ધારાસભ્ય પબુભા માણેકે આપેલા કોળી મુખ્યમંત્રીના નિવેદનથી રાજકારણમાં ગરમાવો આવી ગયો છે. ચૂંટણી પહેલા જ 'પાવર પોલિટિક્સ' શરૂ થઈ ચૂક્યું છે. ત્યારે અહીં સવાલ એ છે કે, આ માત્ર પબુભાની લાગણી હતી કે પછી 2027 પહેલાનું કોઈ મોટું રાજકીય દબાણ?

જ્ઞાતિના આધારે CMની વાત ન હોવી જોઈએ: દિનેશ બાંભણિયા

પબુભાના આ નિવેદનથી સૌથી વધુ અસહજ સ્થિતિ સ્ટેજ પર બેઠેલા ભાજપના જ ધારાસભ્ય હીરા સોલંકીની થઈ. ડેમેજ કંટ્રોલ કરતા હીરા સોલંકીએ તરત જ પબુભાના નિવેદનથી છેડો ફાડ્યો અને તેને વ્યક્તિગત વિચાર ગણાવી દીધો.

બીજી તરફ, પાટીદાર અગ્રણી દિનેશ બાંભણિયાએ આ મામલે સીધો વિરોધ નોંધાવતા કહ્યું કે જ્ઞાતિના આધારે CMની વાત ન હોવી જોઈએ, તેનાથી સામાજિક વિખવાદ વધે છે.

કુંવરજી બાવળિયાનું મૌન

સૌથી મોટું સસ્પેન્સ તો ત્યારે સર્જાયું જ્યારે ખુદ કોળી સમાજના દિગ્ગજ નેતા અને મંત્રી કુંવરજી બાવળિયાને આ અંગે પૂછાયું તો તેમણે જવાબ આપવાને બદલે 'નો કમેન્ટ' કહીને ચાલતી પકડી.

કુંવરજીનું મૌન, હીરા સોલંકીની સ્પષ્ટતા અને પબુભાનો હુંકાર ગુજરાતની અનેક બેઠકો પર નિર્ણાયક ગણાતા કોળી મતદારોને રીઝવવાની આ કવાયત 2027માં કયો નવો વળાંક લાવે છે અને કોળી સમાજની દાવેદારીને રાજકીય પક્ષો કેટલું મહત્વ આપે છે તેના પર સૌની નજર છે.

 

Add Zee News as a Preferred Source
TAGS:

About the Author

2020માં Inshorts સાથે પત્રકારત્વ ક્ષેત્રે કારકિર્દીની શરૂઆત કરી. જ્યાં બે વર્ષથી વધુ સમય સુધી ગુજરાતી કન્ટેન્ટ સ્પેશિયાલિસ્ટ તરીકે કામ કર્યું. ત્યારબાદ Sandesh Digital સાથે જોડાયા, જ્યાં ગુજરાતના લોકલ સમાચાર ઉપરાંત નેશનલ અને સ્પોર્ટ્સ સહિતની વિવિધ કેટેગરીમાં કામ કર્યું. આ દરમિયાન ગુજરાત વિધાનસભા ચૂંટણી 2022 અને IPL જેવી મહત્વપૂર્ણ ઇવેન્ટ્સ કવર કરી. ત્યારબાદ TV9 Gujarati સાથે જોડાયા, જ્યાં ગુજરાતના લોકલ સમાચાર ઉપરાંત નોલેજ, બિઝનેસ, ઓટો સહિતની વિવિધ કેટેગરીમાં કામ કર્યું. આ ઉપરાંત પ્રીમિયમ કન્ટેન્ટ માટે પણ કામ કર્યું અને રિસર્ચ-બેઝ્ડ સ્ટોરી લખવાનો અનુભવ મેળવ્યો. હાલમાં Zee 24 Kalakમાં સિનિયર સબ-એડિટર તરીકે કાર્યરત છે અને સ્પોર્ટ્સ, બિઝનેસ, ગુજરાત, જોબ્સ, ઓટો અને ટેક સહિતની વિવિધ કેટેગરીનું કન્ટેન્ટ તૈયાર કરી સરળ ભાષામાં વાચક મિત્રો સુધી પહોંચાડી રહ્યા છે.
Read More

ZEENEWS TRENDING STORIES